爆粗空少--其實我真係有果名架精選

由爆粗空少非一般的嘆世界於 30/07/2016 發表收藏文章

上機要我搬行李o既時候，我就叫做「喂」
想要調位或攞着數，我就叫做「靚仔/帥鍋」
要我收野或者俾多個餐，我就叫做「服務員」

其實除左果句「我都阿媽生架」，我更加想講既係「我都有果名架」。
當然啦，我唔係要求d客一定時時刻刻咁睇實我name badge ，叫我個名。你真係當我係交際花咩！
只係有時，聽到有人同我講多謝既時候，加埋我個名。
係真係有種開心同果心跳一下o既感覺o既。
不過都係果句啦，唔知唔緊要，唔叫唔緊要，態度先最重要。
你尊重人，人未尊重你囉。
單係一句：唔該、你好。
都好過無啊，一上黎就喂喂喂咁叫我地做野，真係當我地係你工人咩？！

而且啊，就算一個「喂」字，語氣態度唔同都差好遠啦！
我都成日同d客懶fd 咁講：「喂~呢個好冇飲啊？俾多杯你啊！」
之後佢地都好nice咁：「好啊好啊」
睇下，你開開心心搭飛機，我又開開心心返工，幾好？！對人苟刻，即係對自己苟刻啊。陰公豬豬。
開心d啦， take it easy !