爆粗空少--訓醒唔知自己係邊真係嚇L死架

自從做左呢份工,我發現自己記憶力真係差左好多。

而最可怕o既都唔係,去到酒店先醒起我漏左杯水未俾33k 果客。
呢d都無法啦!追唔番架啦!

而係一訓醒,竟然有一刻我要諗:
我係邊啊?!
今日洗唔洗訓工啊?!
我係outport定香港啊?!
聽落你可能覺得好好笑。
但果刻對周遭一切o既陌生感,一瞬間已經帶俾我最直接o既恐懼。
我成個人真係呆左係張床。

雖然,呢種錯亂o既感覺唔係成日發生,但每次都嚇死我囉!
而當我回到魂,知道自己係邊o既時候呢,另一個問題就黎架啦。
就係訓醒之後,有種酸痛感係我o既腰頸手臂膝頭慢慢蔓延出來。
然後再望一望,身上面就會多左幾個瘀痕同傷口,而我完全無印象點整到架啦。

你明唔明啊,我本身都呆左係到啦,突然又意識到自己傷痕壘壘,好似打完仗咁囉。好慘啊!
果刻,我真係好想問自己。
究竟我做過d咩黎呢?我都係返工姐,搞成咁o既?定係我命賤啊?



標籤: 空少  失憶  職業  辛勞  

留言


請按此登錄後留言。未成為會員? 立即註冊
    快捷鍵:←
    快捷鍵:→