《爆粗空少--飛機上有床? 仲有鬼tim? 》

上次同朋友食飯傾開,唔知點解又loop番果話題: 下,原來飛機上面有床架?

係啊,其實我都好似講過好多次架啦,不過今日就詳細d咁講下啦。
咁一般大型o既長途客機都會有Crew bunk,即係你地常講o既床位,俾機師同空中服務員休息o既。
咁位置係邊呢,就視乎番機型設計啦。
有d就會係你地見到o既cabin ceiling 上面,或者floor 下面。
依家主要都會係上面架啦,就一頭一尾兩個area。
頭就俾機師,尾就俾我地休息o既。

以777飛機為例啦,咁入到bunk係點呢? 首先你要有密碼先入到去o既。
所以見到係機尾有道密碼門呢,就唔係廁所呢o既。 係俾我地上去休息o既。

咁一入去,就會有條細細o既樓梯。
行上去就有條少少窄o既走廊,左右兩邊各有四張床位。
每張床都有床廉、燈同air flow,所以算有私人空間o既。
其他pillow被都有o既,但就要用d cover鋪一鋪,乾淨d。

咁主要結構就係咁架啦,係未覺得有床位好好呢?其實我都認同o既。
但我心中默默咁醒起一句話,就係:最危險o既地方就係最安全o既地方。
雖然唔係話上面好危險,但係crew bunk亦係成架機最多鬼故發生o既來源。

咁我都有分析過o既。
可能一個原因係通常上到bunk,大家都係做完野好攰。
精神唔好,加上本身上面燈光又唔太亮,可能眼花同錯亂囉。
另一個原因就好唔科學o既。就係佢係一個不見天日o既地方呢o既。
因為一黎佢唔會有窗有自然光,二黎一般除左我地要rest同cleaner清潔姐姐之外,好日都唔會有人會入去啦。

所以成日都會有好多奇奇怪怪o既故事係上面發生。
就好似,第一個crew上去o既時候,無嗱嗱突然間上面所有o既燈熄哂。
又或者,訓訓下見到走廊有個唔應該存在係到o既crew着住舊制服啊。
Crew bunk電話響見到有人接,但成set crew無人認接過,同打過。
訓得唔好,轉身面向走廊訓。正正見到有小朋友撩起你o既床廉,兩眼對望啊。
總之形形色色o既故事都聽過。
我自己都試過開始rest無耐就有人係我耳邊叫我果名,要我 wake up o既。

咁信不信就由大家啦。

如果有興趣,可以上網打 “Crew bunk” 加機型,可以見到唔到機o既bunk area。又或者打 “Crew Bunk” + “Ghost stories” ,可以知道唔同airline係上面有咩鬼故o既。
哈哈,相信下次應該唔會有人再問有無床位,而係有無鬼故吧。


Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: https://www.facebook.com/Rudemen

留言


請按此登錄後留言。未成為會員? 立即註冊
    快捷鍵:←
    快捷鍵:→