爆粗空少--你都覺呀?我都覺呀! 圖片

今日想講一樣令我好開心嘅返工小故事。
即係你地唔好expect係咩溫馨動人、人間有情,好人好事啊果d故事仔。
簡單黎講,就係件好八婆嘅事!
即係咁 ,有時返工撞正d奇怪嘅阿姐阿哥呢。
我第一個反應都會諗:可能自己諗多左呢。或者佢有佢嘅standard。係我做得唔好姐,所以佢先會有咁嘅反應。
即係你唔好睇我叫爆粗空少,我覺得都要尊重左人先嘅。至少都要睇下果個人係唔係仆街先爆佢啦。為爆而爆好無格架!
咁通常boarding 完到做第一餐,已經睇得七七八八啦。
人地睇緊你,你都睇緊人地,人人平等呀嘛!
果個時候,我就諗:仆街啦!今云真係撞正果仆街啦!
咁可以點呢, 正所謂briefing 話齋:once the aircraft door closed.. we are trapped.
係呀,困獸鬥呀!!
但你知,咁我又無可能周圍唱架。
一黎好似太八婆講是非,一班機炸嘛。
二黎好容易有回馬槍同金手指,返工大忌大忌!
咁無啦。唯有孤身作戰。食左佢啦。
但係就係呢個moment, partner 嘅重要性 就充分咁彰顯啦!
講左咁大堆嘢,重點終於出嚟啦!
就當我同partner推架food cart 出去, 遠離galley同阿姐嘅時候。
我一個眼神,佢一個眼神。
大家彼此對望,然後佢開口講話:「你覺唔覺得阿。。」
喺果下佢未講完果姐字,我雙眼就發出耀目嘅光芒,內心嘅澎湃就如交響樂旋律一般想跳出嚟, 喉嚨入面有傾泉一般嘅說話想湧出嚟。
但最後,我按壓情緒總括咗一句說話:
「你都覺呀?!我以為係我問題呀! 」
哇!呢句簡直就係三色台劇集入面OL必講對白呀! 但無法,我忍唔住。
有人同我有同樣諗法呀!!我就好似搵到一個戰友一樣。
正所謂喺職場上面有一個共同嘅敵人,係為團隊帶嚟勝利嘅第一步。 而通常呢,果敵人就係老闆啦! 哈哈!
咁係之後落嚟程機即刻開心好多,大家就會互相鼓舞。
「加油呀!辛苦曬呀!落機架啦就落機!
完啦完啦!一齊食飯一齊食飯!」
大家就好似共過患難, 出生入死呀!!
雖然話有時一齊講佢壞話,係有點兒咩嘅。
但你要明,有d仆街真係好仆街架!
大家返到galley,然後一齊"diu!! "。
果刻真係好正呀!! This is teamwork!
所以每次就算撞正衰人衰事,只要揾到一齊分擔分享嘅同事,我就覺得好開心。
瞬間轉換諗法,多謝阿姐令我地咁團結,咁friend呀!
不過,我以上講嘅一切都係你Bingo到一個戰友嘅前題下。但若果你撞正一個內奸或間諜,咁。。就真係恭喜你啦。

標籤: 好buddy  朋友  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→