爆粗空少--做空姐空少真係唔係咁簡單(2) 牙力精選推薦

由爆粗空少非一般的嘆世界於 03/08/2015 發表收藏文章

爆粗空少==> 我的臉書
https://www.facebook.com/Rudemen

嗱咪咪姐都有話啦講野要有牙力睇牙堅係要搵有實力嘅。
無錯講野真係要有牙力架，特別當你做一份對咁q多人嘅工

無雞飯你少d牙力？你仆街啦！
撞正變態阿姐你無d牙力？你仆街啦！
咁好彩你full load 上哂客又大delay 你竟然無牙力？你實仆街啦！
所以大家都明我所指嘅牙力就絕對唔係你棚牙咬得幾多啊。
如果你追開我post 都知我咬崩過牙啦，但我好肯定自己好有牙力架。
我所講嘅，就係同d仆街客講野時夠唔夠firm，千其唔好俾佢大到你啊！

請相信我啦，呢個世界有一部份人係欺善怕惡架，而一上到飛機佢就會無限放大本性架啦！都唔明嘅，智商又唔見佢地放大下。
你同佢講野少d牙力，都分分鐘俾位佢入架。

屈你無俾野囉。屈你無理佢囉。屈你態度差囉。屈鳩你講粗口囉。啊。粗口我有講。

總之無論佢點發你脾西係到又媽又叉又幻想症發作咁，你。一定要夠Firm！狠！準！放狠牙力，慢慢同佢講，唔需要急。
「先。生。我。幫。你。check。一。check。啊。」
然後慢慢慢慢一步一步去咬死佢！

哈哈哈。咁當然啦。各位善良嘅乘客，我緊係唔會咁對你啦。大家friend 黎架嘛。係未？你對我好我對你好，就係咁簡單道理！

而且，我相信好多份工都一樣需要牙力。因為呢個世界上實在太多仆街啦，我都已經係一個啦。

各位！咬緊牙關啊！