爆粗空少--利申啊我無呢果病啊,因為無得着圍裙啊 圖片

你地有無聽過「圍裙症」呢個病啊?
前幾日先知o既我,仲諗依家d工作勞損,多左個新term係比戴圍裙
o既人架?

後來先明,「圍裙症」係指d着左圍裙做野返工啦,就開始上身黎料發癲o既人。
但係呢,一除左圍裙代表唔洗做野啦,又正正常常有講有笑架喎。
重點係,你知佢其實唔係假果d人囉,只不過返工壓力大,所以一做野就發癲囉!

咁坦白講,成件事係好可怕,就好似有個炸彈係身邊囉。
未上機前,都正正常常,甚至好關心你好有笑容。
但一做野呢,就轉哂口吻語氣啊,突然chur爆你啊好惡咁講野啊。
一做完野呢,佢又要變番正常,會講多謝叫我地快食野啊,又有講有笑。當無事發生架喎。

咁好矛盾啊,你明唔明啊,咁我係未要嬲佢呢?
我寧願佢係個PK,咁都鬧得順氣d啊!一半一半,即係點啊?

職場上遇到咁情緒化到o既crew,真係好難觸摸啊。
你一時好人一時壞人,我好亂啊,媽!
返工姐,唔洗咁啊。放鬆d啦!

標籤: 圍裙  返工  發癲  空少  

留言

會員
我要評論
請按此登錄後留言。未成為會員? 立即註冊
快捷鍵:←