爆粗空少--收到comment form,我地會點 ?

客:「麻煩等陣俾左comment form我呀。」
我:「哦,好呀。」
我:「小姐你要嘅comment form ...不過巡例呢。。都想問下你有咩想反映呢? 」
客:「哦無呀。想多謝番你頭先幫我換果耳機姐。」
我:「....哎呀!唔洗啦!!!」

咁啱呢件事係係前幾日發生嘅。
聽落你地係未認為我係到借機讚自己呢。
無錯,係嘅。

呀,唔係呀!只係我想講真係唔洗啦!
一黎,有心又或者講句多謝就夠啦
二黎,最後張form都唔未必去番我手。

講真交左上去,我無一封係收得番,你話連電腦record 都無呀。
反而如果係complaint,就會好快有人揾架啦。 哈。
咁當然,我諗大家都唔係在意有無記錄嘅,而想睇番入面份内容姐。
如果唔係就入營運幫手仲直接啦。

而且有時我覺得有d無奈。
明明係件好事,但有點變左質。
試過有次果阿姐睇完封信,同我講。
阿姐: 「咁好嘅你。果客淨係寫左你果名。」

當時我仲唔明佢嘅意思。
直到有次見到有果同事交form 俾老總 (所有comment form 都係由佢俾番營運)。

同事:「Sorry ar. 我已經俾埋你地果名俾果客架啦。但都係寫得我果名。 真係唔好意思呀。Sorry. 」

聽完我終於明上次果阿姐係咩意思啦。
其實我覺得果同事無做錯嘅,甚至可以話係好識做人Tim 。
但由果刻開始,我覺得呢件事變得有d無謂。

我好多謝每個有心寫讚賞信嘅客,你地都令我回想起做呢份工嘅熱誠。
不過可以唔洗寫咁多字。
其實簡單d畀個笑容同多謝就夠架啦。
因為呢個係最快又最直接收到嘅禮物。

我相信呢個對於你地而言都係一樣。
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→