爆粗空少--Set 餐車o既煩惱 精選 推薦

爆粗空少==> 我的臉書
https://www.facebook.com/Rudemen

係飛機上，食物係有重要既一環。 除左保持衛生問題外，可以醫飽大家都係好緊要o既因素。 雖然我平時返工見到咁多飛機餐，真係好唔想再食佢地。
但呢幾日以員工身份坐飛機，一起飛坐左陣無野做，發現原來我真係會好期待派餐o既時候架!! 可想而知，飛機餐都真係有種令人期待既魅力！

但係，當我地set餐車o既時候，其實都有一番功夫架！今日就講講本人公司o既經濟客艙o既餐車啦！
一般來講，一架餐車入面會有14排，一共42個餐盤。所有餐盤係上飛機之前，都會有空廚部既同事預先放好餐具用品同冷盤 (沙津、甜品，牛油果醬) 。而我地上到飛機要做既事，就要所有要翻熱o既食物從焗爐入面放落餐盤。

所以，主菜同麵包都會係廚房預先翻熱，再由我地一個一個咁放落餐盤，再放番入餐車。你或者會問，係未會會放哂42個餐呢？呵呵，呢樣野就取決於你o既上司同客人o既數目啦~ 之後就會一個個咁係餐車入面拎出黎俾各位客人啦！

咁返返轉頭，set餐車要做d咩呢？
除左我講話要放好主菜入餐車外，仲要係餐車上放好各種飲品(好似咖啡茶，其他可樂果汁果d啊~)同麵包籃。當你準備好哂d用品，就可以出發啦！ 咁好似無咩難度啊？都係手板眼見功夫炸嘛！
無錯！一般黎講，係完全無難度！但係我最怕遇到o既情況，就係遇着架”大肚” 車 ！

所謂大肚呢？車都會大肚？ 顧名思義，就係架餐車內部有凸出或凹入o既情況。咁凸出凹入有咩問題呢？橫掂個客又唔會因為大唔大肚，而唔食果餐架喎。唔通仲會話：哈哈哈，你睇！架車凸左一part呀！哈哈哈！幾搞笑

哈哈痴!線!XD。 “大肚” 既問題就係，餐盤理應係—排排一行行好整齊，剛剛好咁放入餐車。咁就善用到成個餐車空間。但如果有一部分“大肚” ，咁就會有好幾個餐盤，因為空間細左或大左，放唔入或者跣落下一排。咁樣你就會好燥啦!!
因為唔單止個餐盤跣底係餐車入面，連個有汁既主菜都會整到其他餐盤。
就好似玩跳樓機咁，我放好主菜入餐盤，再放入去餐車入面。我一放，佢一跌！我個心就跳一跳！哇！大佬啊，有時唔係真係多餐派架。咁樣搞一搞，d熱o既主菜會整污糟其他餐盤，我又要死死地氣咁拾番好個餐盤，期間又會有d食物o既汁”hi”到我隻手，又要抹乾淨個餐車！

哇!!我真係好想死啊! 你無理由用個污糟盤俾個客架嘛!!
但係又要灰到爆咁繼續set餐車去派餐，我真係覺得……唉…….

不過!!!好彩，呢個問題其實唔係成日發生。我人生中真係唔係幾想再遇大肚車!! 而當你有玩過幾次跳樓機既經驗之後，你就學識咁樣冷淡地面對佢。都係一架車！ 何必同一件死物發脾氣呢？ 反正一日係空中，一日都走唔到，倒不如我繼續” 行” 落去! 係未？


喜歡的話，可以黎我臉書讚好
https://www.facebook.com/Rudemen