爆粗空少-- 同事？ 朋友？ 精選

爆粗空少==> 我的臉書
https://www.facebook.com/Rudemen

係呢個世界上，有一種好奇妙既生物。 你平時大部份既時間都會同佢相處，但係你未必會完全了解佢，之不過當大家一齊做野既時候又會對佢又愛又恨。
呢個，就係同事啦！ 咁唔知大家同自己既同事相處成點呢？

對於我黎講，係我第一日返工，就知道我將會遇到無數個同事。 因為正如我講左N咁多次，我每次返工都會同唔同既空姐空少係飛機上相處。
// ”哇！ 咁未好囉！ 日日識到唔同人喎 ！”

係架！有時候遇到好crew，一班人係外地玩得好開心，影哂相，食大餐！真係好開心。係飛機上做野都做得開心好多。但係，我地最奇妙既地方就係。無論大家係外地經歷過幾多開心既野，當返到香港一踏出機艙，大家就好似變得互不相識，開始各自歸家既路。

Umm…可能我有d誇大既。呀！我地都有好開心咁講話：希望下次一齊飛啦！ 之後就拜拜啦！但我地都心知，其實大家好難再見到架啦！話哂我間公司有成九千幾到一萬個空中服務員喎，機會率有幾多呢下….
係未好奇怪啊？但係真架！！大家一離開飛機，攞完行李，就拜拜你條尾架啦！先唔講唔熟果d啦，但就算熟果d同事，好幾日一齊玩，大家都心底有數咁淡淡地離開架啦！之後就有機會一世都見唔到架啦！

你話我習唔習慣？都無話既。以前新入職，真係好唔慣架！喂！話哂大家一齊去旅行喎，玩得咁開心！但一落機，大家就各散東西，好唏噓啊。所以初時都會好唔要面咁死要對方既facebook，至少都好似有d聯絡啊！有埋沙攞到下啊嘛！ 雖然到最後，都無咩點聯絡，哈哈哈！

或者就係因為大家都知道之後好難見到，又唔知點開口，所以就淡淡地離開。繼續大家原先既日常生活。你話，呢個算唔算係公司文化呢？

我都睇化左架啦，唔會強求。做到朋友未做囉，做唔到未做唔到囉。咁當然，呢個只係我既睇法，我都有見到好多同事可以keep到個友誼，一齊調同一班黎做。所以唔代表我所講既就係全部，但我覺得好難囉，哈哈。
因為，我到依家都仲記得我第一日收工既時候，有個同事同我講：
我地一收工，行出呢個機門，大家就三唔識七架啦！
你係未好唔慣啊？話你聽，我初頭都係咁架！ 做耐左就係咁架啦！

喜歡的話，可以黎我臉書讚好
https://www.facebook.com/Rudemen