爆粗空少--你估下我幾多歲？ 精選 推薦

爆粗空少==> 我的臉書
https://www.facebook.com/Rudemen

做左呢份工後，我更加確認有兩樣野係絕對唔能夠係女性面前提起：

一 係體重 ； 二 係年齡

呢兩樣野，你是旦講錯一樣。我話俾你聽，你真係死得啦！

但有一次，有一個阿姐好主動問我地：你估下我幾多歲 ？
哇！果下我心諗 ，死啦！ 世間大難題黎架喎！我點答啊！
單係真實答案都好難知啦，我已經俾身邊同事既年齡欺騙過太多次！特別係做我呢間長壽航空(注 1)。

曾經我仲係新入職既時候，唔太敢同資歷高o既同事傾太多計。你知啦！新仔新地頭，唔敢咁張揚啊嘛。

咁就同d睇落年齡相近既同事傾計、買野啦！傾下傾下傾得好投契啦，點知無意中先知，佢原來已經係個五歲大囡囡既媽媽囉！真係嚇左一嚇。

又唔知係未因為我地接受長期 “密室工作” 加 “高空壓縮” 加 “太陽輻射” 多重加工步驟，大家都好似包左層保鮮紙，包到睇唔出幾多歲囉。
所以，之後我再唔敢去估其他同事幾多歲啦。唔敢估，亦唔敢再去想啊！
其實講得開心就夠架啦！洗咩理人幾多歲啊！

咩話？講番我最後點答果阿姐？哈哈你估我係用空少答法，定爆粗答法啊啦？

答案…係 兩個都唔係。
果刻，我地所有同事打左個眼色。然之後，各自各扮搵做野，當完全無聽過呢條問題，是旦咁圓左果場。 完！

注1 :
點解我叫我間公司做長壽航空？ 因為係呢到，你可以係一班機上有同你年齡差距 5年、10年、20年 ，甚至係快30年既同事！ 嗱！我無誇張架！
我呢間長壽航空，一般空務員正常途徑，升一個職位要七、八年。而我地既職階有四個，最高既係機艙客務經理，我地會叫老總。　
咁數學題黎啦！　升一個位要七八年，好彩既話啊。　做到老總個位就要升三次啦，咁七一如七、七二十四，七…三就….. 總要有d老總做呢個位好幾..年…. 咁大家識計數啦!!

而我當然就最細最低既職階，但同我一個職階既有可能係做左六七年野既大前輩喎！有時大家做野做得開心，又傾得好埋喎，又睇落後生喎！咁當下，你就會好似失去左判斷年齡既能力架啦！
不過, Btw我好尊重所有前輩架。
佢地既經歷係好值得我地呢d後輩虛心學習架！係未！！！ XDD


喜歡的話，可以黎我臉書讚好
https://www.facebook.com/Rudemen