爆粗空少--喂！做空少唔洗抖架？！精選

由爆粗空少非一般的嘆世界於 02/03/2016 發表收藏文章

坦白講啊，初頭做呢份工，我都覺自己一個月好似放好多日假咁。
但這一切都只能怪自己當時太年輕了。

因為當你做耐左，你就會發現你更表會愈黎黎密，放假日子愈黎愈少。
根本就好似用盡你每一日咁！嗱，唔好問我點解做耐左會咁啊，我都唔知啊。

再黎，果時我實在太青春啦！通完宵，放工落左機仲可以即刻同朋友出去玩！
但依家？做完班long haul，至少都要抖番兩日啦！時差、補眠，生理時鐘呢d都要調整好架嘛！

前排見到d親戚，佢地成日話：你份工要面對時差咁辛苦。攰唔攰啊？
不過，你做耐左都應該會習慣啦？
係啊。習慣左個更表愈黎愈差。休息時間愈黎愈短囉。不竟睇清左現實啊嘛！
但係你話時差習唔習慣？永遠都唔會習慣到。

因為你上個禮拜可能係羅馬，下個禮拜就會係澳洲，你o既生理時鐘永遠唔會固定到。咁我份工o既性質係咁，無得改變啊。
但最可憐o既係，可以訓o既時間愈黎愈少，要返o既機愈黎愈密，我可以點呢？唯有係可以訓o既時候，去訓番多d去補眠囉。

好啦。我都唔講咁多。
因為再講，就會有人話：你咁辛苦，你又做落去？
呢條問題，就好似你問一個肥人：你咁肥，點解你唔減肥啊？

係啊。所有野都我攞黎o既，我錯。好無？留番啖氣，大家去訓番個覺啦。