爆粗空少--你知唔知我係阿姐,我大哂架

話說曾經有人問過我,呢份工既工作時間係點架? 
我答話,未凌晨十二點到凌晨十二點都有機會要返工囉。
你諗得有幾早可以幾早,幾夜可以幾夜架。 

所以我地做呢份工最大o既希望就係,可以有的士搭啦!
無論係放工返工,只要係某一段時段內我地就有得claim 的士錢架啦!
或者有時凌晨放左工,公司都會幫我地call埋的士俾埋錢,咁就幾個crew分一架的士坐啦。

注意,以上講o既都係要係指定時間內啊,過左一分鐘就無架啦!
我試過有d仆街機師,真係突登遲一分鐘engine off(我地係計機師熄engine停好機既時間為到達時間),而我地真係無的士搭架!
係有d咁o既人架,不過等我下篇再講多d啦。

But any肥啦,我諗無論係自己call一個人搭,或者公司call 幾個crew share都好啦,做完班機有的士搭,返到屋企都已經好好架啦。
我無諗過,原來share 的士都會有人嫌三嫌四,擺阿姐款架喎。

係啊,你無聽錯啊。 前幾日,搭的士返屋企o既時候,同個司機大佬傾左幾句 。
先知原來真係有人會走去投訴佢地。
嗱,投訴唔緊要,你最緊要有Point !
但投訴o既原因係,司機唔以正常路線快捷咁送佢返屋企 。

啊不過,無論司機開得遠左近左,佢都唔會收多你錢喎。
因為公司一早就俾左個fixed price佢地,車我地咁多個啦。
反而係,你真係當佢d油唔洗錢架咩,突登開遠。

甚至,真係會有人落左機仲話自己係阿姐,要車左佢返屋企先。
唔車先,就投訴佢。真係無聊啊!
喂,大佬,有時一個將軍澳,一個黃大仙。
你唔好同我講由機場落龍翔,經過左黃大仙都唔落,係都要落左你o既將軍澳,再兜番去黃大仙啊! 你係未傻架!

講到黎到 。我都同個司機大佬一齊 diu 左佢一聲 。
呢d咁o既人,真係唔diu 唔鬆化。
收左工,搭的士,就留番啖氣抖下啦。咁都要擺款o既?

佢令我諗番起以前收左工搭巴士,有d crew話因為仲着住制服,有路人當佢未收工要佢幫手搬行李serve佢。
引致之後佢收工都要換衫,唔想俾人知佢係Crew。

其實係啊,我收左工都唔想俾人知自己係空少啦,唔同真係貪自己靚仔咩。

所以,我不禁去諗,呢d收左工仲當自己係阿姐o既人,不妨去面對下呢d路人啦。
我最鍾意睇無賴對無賴,仆街對仆街架啦!開定包花生等你啊!

哈。 收左工,你仲當自己係乜乜乜,慳d啦!


Other Links:
instagram: https://instagram.com/a_four_letter_crew
tumblr: afourlettercrew.tumblr.com
facebook: https://www.facebook.com/Rudemen
標籤: 的士  空姐  阿姐  爆粗  通宵  

留言


請按此登錄後留言。未成為會員? 立即註冊
快捷鍵:←
快捷鍵:→