爆粗空少--我是一個滿身傷痕累累的空少精選

由爆粗空少非一般的嘆世界於 15/06/2016 發表收藏文章

有時沖沖下涼，或者係outport 朝早訓醒，見到身上多左幾個傷口同瘀痕。第一下，我真係會以為係被鬼壓或靈異事件。

不過經歷過現實嘅磨練，好快我就知呢d全部都係係機上不知不覺咁整番黎。
而好神奇地，整親嘅時候竟然係無留意架喎。

試過一次，果傷口仲要流左血，乾L埋，返到酒店我先發現囉。

無理由架喎。
不過講開又講啊，其實返呢份工都幾高危。

有人試過開衣櫃嘅時候，撞到額頭，成個頭流血;
有人試過攞香檳杯嘅時候，無留意入面有碎嘅杯，一伸手一攞，成手血。
有人試過去廁所嘅時候，唔知點整啦，成隻手指尾俾個垃圾桶夾實左,點都攞唔到出黎。

咁樣聽落去，你係未會心諗，點會咁唔小心架。
係囉。但我相信都只因當事人好急，無留意囉。

我亦一樣，如果唔係，講真，點會有傷口流血，都留意唔到呢？
但係唔知係未做耐左呢，我開始學識點對自己好d，點樣避免發生以上嘅事。

即係，以前好多老總話：No Rush,Dear. 你都知其實係假，心知自己要smart咁快d做完。

但係唔係，依家我真係好smart 咁慢慢做。
一旦又急又快，仆街。整親自己啦。
現實d咁講，邊個會黎關心你呢？
Work injury, 返唔到工太耐。你又會被人“問候“你，“關懷“你做唔做到落去。

套用公司成日hea 9 我地嘅講法， safety 先係最重要，service 排后。

係架，所以我嘅safety 都好重要架。有咩我唔會駁架。飛機turbulence好勁，去唔到service，check 唔到cabin ，未唔好做囉。
你話Evaluation就話唔同遮，一定要啦。
但一上到機，就真係要拾生囉。
唔係真係指work smart, 而係點保命啊！！自己身體同條命最重要！！！

講到果到，我又要引用番講過N次以上嘅金句：
“BB們，一上到機。就無人會照顧你架啦。自己要錫住自己啊。“

各位同事，記得要多d錫自己啊。心心。