我在台南天氣晴。 文字


就算度小月嚟香港插旗,佢都影響唔到小妹去台南嘅意欲架!

好多人都都話台南交通唔方便,又話台南呢啲鄉下地方無嘢行,錯哂!只要做足功課,又或者同當地人溝通多啲,大家就會發現台南真係好正架!

介紹返,除咗去度小月之外,台南仲有無數好味嘅食物可以填滿大家嘅嘴巴。仲有,如果大家去台南但無食過以下食物,你千祈唔好同人講你去咗台南。


鹹食嚟講,一定要提吓阿堂鹹粥同埋富盛號碗粿。要食到呢兩種美食,首先大家要一早起身,事關阿堂朝早11點就閂門,富盛號就話賣哂啲貨就拉閘。好明顯,小妹第一日係兩樣都食唔到。

第二日,一早爬起身去食粥,潮店果然名不虛傳,人生人海,大排長龍。個個都搶住叫足料到爆嘅綜合鹹粥。唔係講笑,台南最出名嘅虱目魚皮、魚肉、魚肚、蚵仔全部都係碗粥入面輕易搵到 (間唔中仲搵到幾條魚骨)。雖則小妹唔係魚類愛好者,不過我都覺得呢碗粥好鮮味,最緊要係佢無腥味。


離開阿堂鹹粥,步行10-15分鐘就到富盛號碗粿喇!又係人山人海嘅大佬!無計啦,幾十年歷史,人情味濃啊嘛!介紹返,其實碗粿係米漿混入瘦肉、蝦米而做成嘅鹹點,加埋特別嘅黑醬油,就會多一份甜味。食完之後出奇地飽!


還有隨意在小店找到的蛤蜊湯。


更多遊記:https://www.facebook.com/yellowaddictedtotravel

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→