我在富錦街天氣晴。 文字


位於台北松山機場附近的富錦街乃著名的民生社區,小店林立,最近更有外國餐廳和店舗進駐,最適合一班文青來放空。

由台北車站出發搭捷運去到松山機場站,再走多15分鐘就到喇。不過留意一下,由松山機場走進民生社區這段路只有樹蔭幫手遮太陽,視太陽伯伯為敵的朋友一定要帶傘出動。


一場來到,當然要去被譽為「全日本最好吃」的九州鬆餅打卡啦!平日的午餐時段,一班OL都會衝過來食lunch;下午就換了一班年輕太太和學生來食下午茶,所以如果不想等位等到2046的話,可以先打電話預約,或者早一點過來排隊。

小妹為了避開繁忙時間,所以早上11點幾就出動。一來到就有位子,超幸運!一坐下,侍應姐姐就送上menu,又提醒用餐時間只有90分鐘(暗示大家不要花太多時間去挑東西啦)。


身為綠茶控的小妹光速就點了「九州抹茶提拉米蘇鬆餅」。等了10分鐘左右,香噴噴的鬆餅就到喇!三大塊鋪滿綠茶粉的鬆餅配合雲尼拿雪糕,個味道好配合喎!如果想將個綠茶味道再提升幾倍的話,可以再加上綠茶醬。雖然它的份量超多,不過它實在太好味嘅關係,小妹成功將它100% KO了。

食飽飽撐住個肚滿足地離開。之後在富錦街的小店行逛。可是小妹真的敵不過猛烈的陽光,再加上食得太飽的關係,小妹決定要找個又可以涼冷氣,又可以喝杯茶的地方。隨意走進一間賣陶瓷的店舖,點了一壺東方美人,再在背囊拿書出來慢慢嘆,就過咗一個悠閒的下午。


一句講哂:秋高氣爽過嚟閒逛會更舒服啦!


更多遊記:https://www.facebook.com/yellowaddictedtotravel

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→