我在東京成田多賺了一天假期。

上回講到小妹搭埃塞俄比亞航空去東京,CP值仲要幾高添!

前文回顧:http://goo.gl/8KS3Ub

今次就講埋由東京飛返香港嘅奇遇。


有做少少埃航research 嘅朋友可能都知坐埃航由東京飛返香港嘅起飛時間係夜晚9點幾(即係大家可以喺東京玩足一整日先去機場,同時大家返到香港已經係夜深,麻煩大家要留返啲錢搭的士返屋企)。

好啦!咁小妹當然係用盡佢每分每秒係東京大買特買,所以去到機場check-in果陣本應係無時間行免稅店嘅。點知地勤姐姐話boarding time 會遲半粒鐘,正!可以繼續食嘢買嘢。
校啱時間就夠鐘入閘同東京講拜拜,點知去到閘口又未上得機,小妹又繼續買多杯咖啡先!等啊等啊等,由原本嘅9半上機,等到11點都未上機,最慘係免稅店同餐廳都閂咗門。

等到11點半,終於上機喇!一班乘客光速登機之後就準備起飛喇!飛機喺跑道上兜咗一陣,機長就用非洲話講咗一大堆嘢,然後佢用英文重複果一大堆嘢嘅同時,空姐竟然派飛機餐!!

聰明嘅觀眾應該都估到,大家喺跑道上繞場一周之後係需要落機嘅。好啦!大家食完飛機餐之後都好冷靜咁離開機艙,正當大家以為今晚要喺機場過夜嘅時候,地勤姐姐又叫我哋過關同拎返自己啲行李,之後跳上門口為大家準備好嘅旅遊巴,司機叔叔就會帶大家去酒店休息。

嘩!真係好彩今次唔是坐廉航,如果唔係...

去到酒店,職員光速幫大家check-in,等大家可以盡快休息。另外,佢哋仲安排埋自助早餐同埋接駁巴士送返大家去機場。日本人做嘢真係有效率,抵讚!

又返去機場check in,大排長龍就預咗架喇(等咗差唔多一個鐘先到小妹check-in。)
期間見到一名黑人喺櫃枱發難,又叫地勤姐姐幫佢包好佢個喼咁(目測件行李係掛住「heavy」tag,地勤姐姐一個人根本搬唔郁,要叫埋地勤哥哥幫手。雖然係咁,一班地勤都無黑面,佢哋仲要超爆誠懇地同大家道歉咁,態度咁好,又係要讚吓!

上機後,大家都係有飛機餐食嘅,仲要係ANA嘅飛機餐,好好味啊!(好味到完全唔記得幫佢影相)。

最終,小妹比原定時間遲咗12個鐘先返到香港,由原本要搭的士變咗可以考量搭巴士定的士lu。

一句講哂:日本人真係好好啊!!

更多遊記:https://www.facebook.com/pg/yellowaddictedtotravel
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→