我在立山黑部經歷晴天、陰天和雨天。 文字

一年一度立山黑部開山,就算預上日本黃金周都要出動啦!

天未光就由金澤出發去富山再轉纜車巴士去室堂,接住碌落去大觀峰、黑部湖同陽光玩遊戲,一秒變黑都抵!


由室堂車站行去當晚入住嘅雷鳥莊需時45分鐘,所以小妹要趁太陽未落山就急急出發!

入黑後,說好的星空係睇唔到嘅。無他嘅,天氣變幻莫測丫嘛!有一秒堅持拎相機腳架出去影星星,不過雷鳥莊職員都話當晚又大風,又準備落雨,所以佢哋都強烈建議我哋早抖。


成晚都有大北風伴隨住小妹瞓覺,瞓醒見唔到太陽伯伯但見到外面落冰雹,所以食飽早餐就要急急腳走人!
眼見面前所有當地人都全副武裝:有哂雪褸,戴哂頭盔,仲有埋ski pole;小妹再望望自己-軍褸、牛仔褲、仲要手套都無!你話我無淆底就呃你嘅!另外,職員仲話天氣會愈嚟愈差,暗示我哋唔走唔得了!


好啦!一邊行返去室堂,一邊食風,仲要俾冰雹係咁揼,仲要幾步就要扎個靚馬擋一擋強風,果一刻,我諗起《天與地》...家明!

最後小妹無穿無爛咁行返去室堂車站(係個背囊滴哂水),果一刻係好滾動嘅!差啲就同友人相擁而哭啊大佬!

一句講哂:去旅行真係要做足準備!

更多遊記:https://www.facebook.com/yellowaddictedtotravel

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→