我在藤子.F.不二雄博物館天氣晴。 文字

小妹一直好羨慕大雄,事關每次佢遇到難題都有叮噹幫佢。唔知有無機會係大雄手上搶叮噹過嚟呢?
要搶叮噹返屋企,首先要知己知彼,一於去藤子.F.不二雄博物館考察吓。

由新宿出發坐小田急線去到登戶站,出站後跟住指示就會見到巴士站架喇。留意返,博物館採取全預約制,大家唔好諗住搏大霧walk in入場啊!你哋一定會失望而回。


開車喇喂!

入場後第一件要做嘅事就係租返個導覽器,咁大家就可以一邊睇藤子老師嘅手稿,一邊聽吓佢哋背後嘅故事。
窩心嘅日本人一定知道我哋會行到攰,所以佢哋中間會特別安排咗10分鐘嘅微電影。雖則小妹又一次聽唔明佢哋講咩,但微電影裡面可以睇哂老師創造出嚟嘅人物(唔止叮噹架!),又聽到身邊嘅小朋友笑得咁開心,其實都好滿足啦!


開場喇!!
走出室外,戲肉到!
「唔該幫我包起靚仔技安同埋隨意門。」


大雄又走咗去邊?
「技安要去空地開演唱會啊!」
喺呢個室外地方真係可以玩唔停,影相影到手軟。

小妹為咗記低呢度有幾靚,所以特登食咗2片記憶麵包先走。


更多遊記:https://www.facebook.com/yellowaddictedtotravel

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→