台灣5大必去夜市 精選

六合夜市
六合夜市位於高雄，如果住喺高雄車站附住，搭捷運紅線，一個站就到「美麗島站」，喺11號出口出，就可以見到六合夜市。六合夜市有超過150個攤位，多數都係賣小食，各類特產、凍飲、雪糕、海鮮都應有盡有。高雄特色食品有鹽蒸蝦、木瓜牛奶、筒仔米糕、臭豆腐、烏魚腱、海鮮粥、過魚湯、十全藥燉排骨、擔仔麵、土魠魚羹等等。
推薦住宿：高雄設計旅店 PAPO’A HOTEL 帕鉑舍旅
位處高雄車站，交通方便


士林夜市
士林夜市係台北市內最大，亦係最廣為人知嘅夜市。附近有幾間大學，放工放學後特別多人，氣氛熱鬧，喺士林夜市可以食到台灣嘅地道食物，例如炸雞排、生煎包、士林辣豆乾、蔥油餅、燒餅、涼麵、士林大香腸、大餅包小餅、蚵仔煎等等

推薦住宿：珮柏佳佳旅店 Papersun Hotel
離士林站同劍潭站都係５至１０分鐘步行距離


逢甲夜市
逢甲夜市係全台灣最大夜市，佔地甚廣，2013年喺遠見雜誌「全台夜市遊逛」調查入面，獲讀者票選為台灣最喜愛的夜市，除咗喺街嘅檔攤之外，仲有大大小小嘅「旗艦型廣場」，可以話咩種類嘅食物、商店都有！

推薦住宿：台中逢甲商旅La Vida Hotel
喺逢甲夜市隔離，食飽之後就可以即刻番酒店


瑞豐夜市
同樣位於高雄嘅瑞豐夜市，距離高雄車站都唔遠，只要喺捷運巨蛋站落車就去到，要注意佢地逢星期一同三會休市。瑞豐夜市已經有超過二十年歷史，攤位數量超過1000，唔少攤檔都有咁上下歷史，各有特色，例如萬國鐵板麵、蒙古烤肉、上海香酥雞、日式麻辣黃金魚蛋、烤鴨夾餅號懶人蝦、麵線羹、傳統杏仁茶與粉圓。
推薦住宿：世奇商旅

距離捷運巨蛋站少於5分鐘路程，同瑞豐夜市同一條街


羅東夜市
位於宜蘭嘅羅東夜市，範圍包括咗附近嘅幾條路，係當地行街買嘢嘅中心。喺呢度可以搵到各種傳統風味嘅小食、平價嘅服飾。出名嘅小食多數集中喺羅東公園四周，俗稱公園小吃；有張秀雄的鹹米苔目、李佛送的燻鴨、陳庭枝的搣肉、李再燈的肉羹、龍鳳腿、豆腐捲、米粉羹、海鮮等。

推薦住宿：木棉道美學商旅
徒步1分鐘就到羅東夜市!