travelwebsite.com 韓食指南(2)-馬場洞老實韓牛店 文字


第一集travelwebsite.com 韓食指南就講起韓牛,大家好多有興趣

正常嘅,無食過韓牛,又點算去過韓國呢!

不過總有朋友覺得食韓牛點都要去翻一次馬場洞

咁啱我地第二集就係介紹馬場洞!

打邊爐最緊要係個湯底,食韓牛就最緊要級數同好嘅部位

所以去馬場洞食韓牛第一步當然係去買靚韓牛

而我地就教你去邊到買韓牛
哩間韓牛店位於馬場畜產物市場內西門2-4區域

點解要介紹哩一間?因為店主老實,去馬場洞最怕就係俾人“劏”

而哩間係因為我地嘅駐韓特派員長期幫襯開,所以有信心保證!

而且佢主要賣嘅係1++/A++級數嘅韓牛
店主都好後生,作為一個肉類分割技術員,佢刀法非常之勁!
唔同部位嘅牛,有唔同嘅紋理,只要切錯,再高級嘅牛都會浪費左
不過你唔好以為佢年紀輕輕,但經驗十足
切好仲要排到靚一靚俾你,搞到好似送禮咁樣
一路播住歌一路跟住節奏切,唔知係咪因為咁所以特別好食!

如果你住嘅酒店係有得煮食,你仲可以買翻去自己煮
買完之後,你就可以問店員有無烤肉店推介,或者係附近自己搵鋪頭又得
除左牛之外,其實豬肉都有架!
另外我地推介大家試下生牛肉,起初我都有啲抗拒,但試完之後就完全停唔到!
下次去馬場洞就記得我地嘅推介啦!
標籤: 韓國  首爾  馬場洞  韓牛  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→