2016 日本東京男人購買篇~~~黑膠唱片店 "hmv & disk union" and 二手店"Bookoff"

一家大細去旅行 於 26/08/2016 發表 收藏文章
<<hmv & disk union>>

澀谷!又是澀谷!實在太多好貨式!買完波衫路經此hmv(忘形到忘了拍下HMV店樣),當然要扑入去喇!此刻我又跌進星矢「雙子宫」迷離境界,因為⋯好!多!黑!膠!呀~~~~~!可惜慾念無限,時間有限,因三母女就快醒了,唯有專攻平嘢,至少「黑膠只有買錯,金錢冇寃枉過!」


108円一隻⋯⋯⋯全球邊度揾!不太熟悉外國人唱片,反而買了成長年代的日本紅歌星!108x4隻⋯⋯⋯想向店員說:「錢⋯⋯円,唔使找喇」,當然最後食言伸手攞翻~~~。

除了hmv,還有在新宿一帶佈滿分店的disk union,始終拖住兩女兒,只能參觀在一蘭對面的du。


這樓宇幾層是du店,面積雖細小但唱片不少,尤其地庫那裡,黑膠多到冇朋友!黑膠迷必去!

<<BOOK OFF>>

又一個尋寶地方——澀谷——book off!
澀谷的book off分成幾層樓高加上面積大(忘形到忘了拍下店樣),尋寶收穫機會一定高,我估它應該是整個東京區最大間。以前說過它是擁有多類型書籍(漫畫、雜誌、專業書刊、小說、寫真集)、cd、dvd、game碟、錄影帶⋯等的2手店。

有些大店(如澀谷)更有售賣二手名牌袋、衫褲鞋等等⋯⋯,因價錢實在較便宜及新淨(有些更是全新),小弟絕對誠意推介給各位,「唔買都要睇下!」吧!

另加上在新宿分店亦購入了幾本足球書刊及J league選手冊只是正價一半或以下(108至350円),尤其本身要幾千円減到500円的足球員靚仔內田篤人寫真本(藍色厚本)!真心正!另買了德永英明live 94 CD(黑膠是hmv的),總共約2500円!實在大快人心!可惜時間太短只能得到以上寶物,否則在這裡踎足半天也不為過。


這間Bookoff在新宿歌舞技町那邊

標籤: HMV  disk union  bookoff  

留言


請按此登錄後留言。未成為會員? 立即註冊
    快捷鍵:←
    快捷鍵:→