2017日本名古屋長島legoland 鐵道館 四口子8天遊 (鐵道館) Day 7

一家大細去旅行 於 11/09/2017 發表 收藏文章
4號Day 7 鐵道館

玩了3天長島體力都消耗一部分,所以小弟決定以室內為主的鐵道館為今天觀光環節。

乘車前食個日本老Mc先,兒童餐必選動作,完全為女兒得到那個玩具而買。

順帶一提日本麥樂雞的確香脆及彈肉過香港幾個層次,本地有浸雪味或嗌味我點都拒絕食,你話我外國月亮圓都係咁講,眼前成盒我食哂。

同legoland同一個站,只是一左一右。一出室外陽光非常猛烈,我決定不去羚鹿是對的。

一進場館眼界大開,好大呀~

原來有電車go玩!!!!100円一鋪,分初,中或高級版,話之你,我們一家玩哂所有級別。

即時英氣十足。

兩女拍張電車司機證時開心到呢。

日本人照顧小朋友很週到,每個地方或場館梗有小朋友玩樂地方,又能給大朋友休息,100%讚!

補充一點,場內有小食部,有便當及各式飲品。

回市內往tokyo hand,點知……又碰了一個局,唔係天仙局,係鐵路局。兩女又玩個不停。喂,要科水㗎!每個收兩舊貴過搭真正鐵路,不過都有4個圈,算係良心經營。

旁邊還有一些攤位遊戲,獎品係火車頭,玩法同釣魚一樣,一分鐘內看你能耐釣到幾多架,我大女釣到5架……咪開心住,都係得一架啫。

開心囉!

喂,要科水㗎!每次收……五舊㗎!!!!!!!!!!!!!!

今晚食呢間鰻魚飯,好有水準!

名古屋站近高島屋側門的雪糕店,好味!!!

另外另一邊老鼠樂園店剛新開張吸引了成大班粉絲朝聖。

最後一晚都係未能享受酒店樓下在日本處於最高海拔的士打畢店,又係同樣n次答案,帶住兩件,難以方便。掠過舖頭時,我同太太對唱著“眼淚在心裡流,此際怎麼開口……”。


(Con't)


標籤: 鐵道館  tokyo hand  

留言


請按此登錄後留言。未成為會員? 立即註冊
    快捷鍵:←
    快捷鍵:→