巴黎的日落，是不是特別浪漫 精選

細細個成日聽人講外國的月亮特別圓，唔知及唔及中秋個月亮咁圓，但起碼我知夏天要見到月亮，真係唔係咁易架。
香港咁近熱帶，所謂夏天日長夜短其實唔會好覺，好似一年四季都係六七點日落，準時同打工仔一齊收工，但同熱帶再遠d 的地方（例如巴黎就大約係北緯50 度，比香港多大約30 度）的日夜長短就會好明顯。

好似係夏天去巴黎，幾乎係朝早4 點就日出，大約11 點先開始日落，所以佢地的景點就會因季節而有唔同開放時間，好似巴黎鐵塔咁，六月中到九月頭都會開到半夜12 點幾，但其餘時間如果要行樓梯上，last admission 就會係黃昏6 點，怕早日落太黑會跌親人啩。

我個陣就係夏天夜晚10 點幾開始行樓梯上，上到一半已經開始日落，而且好快就已經黑齊，要同時間比賽先可以係塔頂睇到（仲有少少的）日落，不過上到去都好快就會有人趕返你落黎，無計啦法國人都要收工，唔趕你落黎就好快dum 到地鐵收工無車搭啦。
雖然都幾可遇不可求，但係塔頂睇巴黎夜景又真係望得清清楚楚巴黎特別的城市規劃喎！（請留意下回再講啦！）

P.S. 我地張pro pic 就係係巴黎鐵塔中間影架啦！

如果喜歡我地的文章，就like一like我地個page啦
https://www.facebook.com/godiorey2015/