話說我第一次大鄉里出省係泰晤士河行行下，突然發現有隻幾型下的戰艦咁泊左係到。傻下傻下咁上左船先發現原來呢首貝爾法斯特號係一間由軍艦改建的博物館。
Belfast係二戰前服役，係英國其中一艘愛丁堡級輕巡洋艦。Belfast係二戰其間表現英勇，曾經打沉德國的巡洋艦香霍斯特號。係二戰完左之後又參與過韓戰，係1971年退役之後就成為了帝國戰爭博物館的一個分館，介紹下20世紀的英國海軍。
但點解我會話佢係一個恐怖蠟像館呢？咁係因為Belfast船艙入面基本上係全面開放，炮彈室、魚雷室、廚房、小賣部、睡房、醫療室、牙醫診所等等通通都有得參觀。唔知係咪想回復翻當時水手的生活，博物館入面放左好多蠟像，但又殘殘地咁，所以就好得人驚啦。咁都未係最恐怖，最恐怖係入到去廚房有一陣肉香，行到去牙醫診所又有一絲絲的慘叫聲，真係細膽d都比佢嚇死。
6月6號的盟軍反攻日（D-Day），其實Belfast都有參與大家最熟悉的諾曼帝登陸戰。當時佢為炮轟Force E，即Gold and Juno海灘一帶的旗艦，目標係做低納粹德軍係La Marefobtaine的近岸炮同為登陸部隊提供火力支援。於33天的戰鬥中，Belfast發出了超過5000炮，而其水手也做埋清理戰鬥後的海灘的工作。呢一場戰鬥也係Belfast於二戰的最後一戰。
圖為Belfast向諾曼帝海灘發炮
請按此登錄後留言。未成為會員? 立即註冊