窮人恩物-巴黎一蚊窩夫 精選 推薦

去過巴黎的朋友對metro 站入面的零食機一定唔會陌生啦，幾乎每個站都有一部，有d 大站仲會有兩三部tim，但係入面樣樣野都唔平，好地地真係唔會去買。
但係係呢個人人親近我無人爭奪我的零食機入面其實有一千零一件平靚正的寶物——一蚊窩夫，一蚊窩夫故名思義就係賣一蚊的窩夫，但最吊詭的係佢唔係標正價係一蚊，而係話減左價而定賣一蚊，的確零食機係會定期做下sale 賣走d 野，但唯有一蚊窩夫可以長期處於一蚊減價之列。

有時候仲唔止得巴黎有一蚊窩夫，試過係南邊的Toulouse 同其他城市都見過一蚊窩夫，又有見過佢零零舍舍有一個站賣貴左。

係食個crêpe 食件éclair 都要四、五蚊的法蘭西，一蚊窩夫真係窮L 救星，更加重要的係佢係絕對唔難食，鬆軟的窩夫上有少少糖粒同糖漿，味道唔太甜，岩晒餓餓地做個輕量tea 或者早餐，甚至加cream 加雪糕生果做個豪華版甜品都非常完美。
一蚊窩夫雖然講唔出咩大道理，但對於醫過十餐八餐肚的我就非常之有親切感。

你又食過咩平靚正小食可以同我地分享下？

如果喜歡我地的文章，就比個like我地作支持啦
https://www.facebook.com/godiorey2015/