【食譚的女孩】

老實說，本人對米線沒什麼講究亦不太清楚三哥同無三哥的分別，
但唔知點解漸漸發覺有種風氣（或稱呼）的形成，
食譚仔既女仔就係 港女。
等等，
這裡港女的定義，是“香港女孩“的專稱。

以前，一般香港女生遍向食日本野（雖則現今都係），
冷冰冰的刺身，一舊舊的壽司，炸到黃甘甘的天婦羅
因而定向左唔貴唔食，食左都唔飽既日本菜，
成了對一個女生是否港女的標準。
而隨住譚仔米線的熱潮開展，密度將近總有一間係左近的程度，
而係你身邊十個有八個的女生都會鐘情左依一種“美食“。
一大班同學放lunch，總會有一兩個女生率先提出吃譚，
拖住佢係尖沙咀睇完場六點半，她竟然一手拉了你去吃譚，
Weekend 是小情人幽會的好日子，她打俾你指名了要一碗譚的外賣，
阿媽今晚無煮送，醒左你2張紅衫魚要你落街買幾碗譚上黎做夜晚...

走進那黃綠色的店鋪入面，你很難會發現會有一大班西裝友／老外遊客。
她拖住你走去右邊有2個空位既圓檯，
凳都未坐夠30秒就熟練地點左咩配料同湯底...
那個永遠講唔到完整一句既鄉音阿姐，個張已經迫過龍但仲要加人落黎既圓檯，
好似平平無奇仲炸到有d燶既雞翼同油林林的白肉，
你，唔明一碗米線點解要一星期點都要食一次，
點解好似身邊每一個女孩子都抵受唔到個碗湯既威力？

“算黎伯肉，凍lun茶，懶肉如負，山小辣“
然而你看見身旁的她別得津津有味，食到冒緊汗但又笑瞇瞇既時候
你發覺，管他的，反正價廉唔知物唔物美既野可以逗到佢開心
好過她餐餐攘著要食生勾勾的放題，
然後你替她抹了一把汗，點多了一客皮蛋。