首爾一個人食飯也不怕!獨遊首爾必收藏之美食餐廳推薦 文字

Hotels.com Blog HK於 02/11/2017 發表 收藏文章

韓國有共食文化,好多餐廳只會提供二人份量或以上嘅餐點,令獨遊者相當困擾!

不過隨住越嚟越多人鍾意一個人去旅行,陸陸續續更多首爾餐廳提供一人份嘅餐點,

今次就為大家精選幾間獨遊首爾都可以去食嘅美食餐廳,以後一個人食飯都唔洗驚啦!


1. 海邊的花蟹


你有冇諗過,獨遊首爾都可以無限任食醬油蟹,食到你捧住肚皮行出餐廳門口?想體驗一個人大快朵頤任食醬油蟹嘅滋味,就緊係唔可以錯過呢間「海邊的花蟹」啦!呢間餐廳位於充滿傳統韓國文化氣息嘅街道,誘人之處係餐廳有個獨立嘅庭園,秋高氣爽嘅時候,望住綠意盎然嘅景觀食飯,都咪話唔寫意!

營業時間:11:00-22:00(最晚入場21:00)
地址:韓國首爾市鐘路區仁寺洞3街 5-3(顯示地圖
交通:地鐵鐘閣站8號出口步行5-10分鐘


2. 松川韓屋居


松川韓屋居係一間韓國老字號餐廳,由兩位老奶奶打理,餐廳供應嘅所有食物都係由佢哋親手製作出嚟,充滿「家」同「愛」嘅味道!餐廳嘅位置旺中帶靜,位於熱鬧嘅弘大商圈同合井站之間嘅巷仔入面﹐比較隱蔽。餐廳本身係一間傳統嘅韓屋,無論設計、裝潢,都非常有家嘅感覺,喺咁溫馨嘅環境下食飯,感覺非常溫暖。

營業時間:11:30-21:30
地址:韓國首爾市麻浦區西橋洞395-32(顯示地圖
交通:地鐵合井站4號出口步行10分鐘


3. 儒林麵館


前幾年《來自星星的你》喺香港熱播﹐成功掀起另一波韓風熱潮!唔知大家仲記唔記得,都敏俊xi同張律師喺一間麵館食烏冬食得津津有味嘅一幕呢?其實呢間麵館係位於市廳站附近嘅儒林麵館,連外星人都敏俊xi都鍾意食嘅鳥龍麵,去首爾旅行又點可以錯過!唔講唔知,儒林麵館已經有60年歷史,除咗招牌石鍋烏龍麵之外,蕎麥拌麵都係必試之選,爽口又彈牙,炎炎夏日整返碗真係透心涼!

營業時間:(平日)11:00-21:30、(假日)11:00-20:00
地址:韓國首爾市中區西小門洞16(顯示地圖
交通:地鐵市廳站11/12出口步行2分鐘


4. 감나무집 기사식당


由於呢間餐廳冇中文譯名,先稱佢為司機食堂!但點解叫佢司機食堂呢?因為韓國的士司機因為工作上需要,成日要揸住架車四圍走,去到邊食到邊,所以佢哋非常清楚首爾各區有咩又平又地道嘅美食,而呢間位於弘大延南洞嘅司機食堂,就係各位司機大哥極力推薦嘅餐廳之一!韓國綜藝節目《無限挑戰》曾經做過一集《一日司機》特輯,介紹過呢間餐廳,自此以後,餐廳除咗司機之外,仲多咗好多遊客,特別係獨遊首爾嘅旅客!

營業時間:24小時營業
地址:韓國首爾市麻浦區延南洞515-19(顯示地圖
交通:地鐵弘大3號出口步行10分鐘

5. 金北順大鍋家


喺首爾食咩都係一鍋鍋大大煲,以為一個人獨遊首爾就食唔到?咁你就錯喇!金北順大鍋家所有嘅鍋都提供一人份量,想大大啖食泡菜鍋?冇問題啦!餐廳嘅鍋菜鍋配搭多多,有豬頸肉泡菜鍋、金槍魚泡菜鍋等,唔鍾意食辣嘅朋友可以揀大醬湯、雞蛋湯、海鮮豆腐湯等,每款套餐都包一碗白飯同前菜,大滿足啊!

營業時間:10:30-22:00
地址:首爾市江南區新沙洞522(顯示地圖
交通:地鐵新沙站8號出口步行10分鐘

(文章節錄自Hotels.com Blog HK-獨遊首爾必收藏之美食餐廳推薦)

留言

會員
我要評論
請按此登錄後留言。未成為會員? 立即註冊
快捷鍵:→