【冬天遊歐洲】行李打包秘笈 文字


冬天去歐洲唔止機票平、人又少,仲有勁多冬天限定嘅行程!咁冬天去歐洲到底又要帶咩衫呢?著咩先至好?啲衫咁厚,點樣可以慳返啲位呀?出發前應該要帶咩呢?今集等KKday話你知啦!
一、 行李檢查
隨身行李檢查:出發前要帶乜?
【護照、機票、各種收據及票券、錢】
圖片來源
出發前最緊要嘅一定係要confirm機票、護照同錢。仲有就係如果有其他收據,例如乜乜PASS或者入場券等等都要帶埋。
小編亦都建議大家將所有證件影印3 份。一份到時出門跟身,一份擺係袋度,一份擺喺酒店,點樣唔見或者比人偷野都至少有1份證明自己身份。正本就當然唔洗講要跟身啦。大頭照都可以帶埋嘅,有時整交通PASS時候要貼相。
【相機SD卡、尿袋、轉接頭】
圖片來源
歐洲風景就係不一樣,點樣影都正,尤其是落緊雪嘅城市,你一定會影到唔停手。所以要有張夠容量嘅SD卡擺相。而且,成日咁樣影法同搵資料,好快無電。所以呢幾樣野係一定唔可以少。
轉接頭就真係一定要帶,唔洗講。無嘅話你同喺屋企停電無分別。歐洲轉接頭同香港唔同,雖然歐洲有常用嘅規格,但有啲國家會唔同。旅行用嘅萬用插頭通常都係HKD$100度,如果想再平啲可以淘寶,爆唔爆炸就另計,但深水埗個啲咪又係大陸黎。
BTW,同成班朋友去嘅話可以考慮埋帶個拖把,如果唔係呢真係成班人喺度爭兩三個窿就麻煩到爆。
【Wifi 蛋、sim 卡】
圖片來源
相機、護照、SD卡等等都帶齊後,就到上網問題!冇得上網嘅話要搵資料同搵路真係慘到死,就算你事前download左offline map都好,都只係夠幾個地方。你去得耐嘅話單唔哂咁多張。
>>歐洲43國全通用,高速wifi 機
【購物袋】
如果覺得自己要掃貨嘅話,真係最好帶個袋裝住啲野,如果唔係一陣買完轉頭比人偷左就喊三聲。
【ipad、手提電腦】
圖片來源
如果習慣出國要帶電子產品嘅話,記得呢啲用鋰電池嘅就唔好擺入行李GIP度。
【防盜鎖】
有咩用?超有用呀,你出門口個時可以鎖野喺hostel嘅locker或者出街個時鎖好佢唔好比人偷。
【雨傘】
最好帶縮骨遮,費事喺個邊買啦,都幾貴。
圖片來源
以上就係去旅行必帶嘅物品啦,記得出門時要數清楚唔好漏。
二、 要帶咩冬天衫?要點著先夠?
歐洲冬天凍到痴線,雖然有暖氣,但大褸點樣都要。而且最好係大褸入面著冷衫或者風褸再加保暖衫。
【大褸、羽絨外套】
圖片來源
其實可以剩係帶一件大褸,其他入面嘅衫唔洗著咁多或者太厚,最緊要係外面個層。而且啲褸一定要防水,以防落雪落雨時會冷親。
【保暖衣、保暖褲 - heat-tech】
想暖又唔想著咁厚真係得heat-tech幫到你。全部打底衫換哂做heat-tech啦。
褲都係一樣啦,著多條heat-tech打底。【底衫褲、襪、免洗褲/快乾衣物】
如果要掃貨而且又怕無位,考慮下著啲舊嘅底衫褲、襪個啲,到時回程可以dump哂佢。
【暖暖包】
圖片來源
暖包都係一個唔錯選擇,你甚至可以將佢擺喺底衫度發熱保暖。【冷衫、背心、冷帽、手套、冷帽、頸巾等】
圖片來源
買啲厚得黎唔重嘅款式,亦可以帶埋冷帽。如果真係驚,建議大家可以著多一兩件長袖衫打底。
另外手套、冷帽、頸巾,真係睇需要,你怕煩可以去到先買,感受下氣溫先再決定。
基本上小編建議大家著衫最緊要就係夠輕、夠少。
三、番外: 冬天去歐洲有邊度好去?
# 人少、機票或酒店的價錢平啲
圖片來源
一定係去熱門景點先,唔洗同人逼,又唔洗等人走哂先影相,又唔會比其他人行路卡住哂。
# 聖誕市集
圖片來源
冬天最熱門行程就係聖誕市集啦!各國都有唔同特色市集,例如比利時嘅朱古力聖誕、專為小朋友設計嘅布拉格聖誕市集、或者長達700年歷史嘅維也納市集,可以在歐洲體驗到香港所體驗唔到嘅濃厚聖誕氛圍!
# 體驗冬季限定行程
【極光】圖片來源
如果係去北歐,睇極光就啱哂!小編最推薦瑞典嘅Abisko 睇極光!冬季最浪漫的追極光行程!
【芬蘭聖誕老人村】圖片來源
聖誕老人村簡直童心未泯,雖然一年四季開放,但聖誕節去先會有特別嘅氣氛!就算唔去,都可以寫信俾聖誕老人等佢地寄聖誕卡返黎。如果喺12月收到,卡上會蓋有特殊聖誕老人村嘅印呀!另外雖然可以同聖誕老人影相,但就唔可以去佢地嘅office度影相。
【滑雪】圖片來源
大家一定諗緊點解仲未有滑雪呢個,當然有啦。喺歐洲玩雪橇、滑雪、滑冰等等嘅雪上運動雖然未必有日本韓國咁正,但係都唔差。
【倫敦巴士】
只有喺每年聖誕節先有倫敦聖誕巴士搭,兩個鐘帶你走過市區各個景點,感受最道地聖誕節氣氛!>>倫敦巴士城市巡禮
【跨年】每個國家都有唔同跨年煙花,例如愛丁堡、倫敦跨年煙花,非常之靚。出發歐洲,你會需要:
>>歐洲31 國通用,30天sim 卡
>>歐洲35 國通用,1GB 流量上網卡
>>一卡在手,玩遍全英國
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→