【冬遊日本|關東】各式滑雪場推介 文字


講起滑雪,個個都可以會諗到外國、北海道呢啲地方,但呢兩個地方機票都唔平,一般打工仔同學生哥都未必負擔得起,小編自己聽到個價都會有啲卻步。但係最近就有朋友仔推介小編去關東滑雪,搵一搵資料先知原來東京滑雪又方便又抵玩,而且無論一家大細去定同朋友去都一定搵到啱玩嘅滑雪場!所以以下就等小編介紹關東地區嘅滑雪場比大家參詳下啦!
1. 家庭樂
圖片來源如果想一家大細親子遊、帶小朋友玩下雪嘅話,富士山2合目嘅Grinpa冰雪樂園就啱晒!場內可以玩雪同坐雪橇,滿足到小朋友之餘危險性又低。Grinpa仲有溜冰場,之前仲引入咗雙刃溜冰鞋,比起普通溜冰鞋更加易平衡,家長可以放心比小朋友玩。小朋友可以喺雪人廣場盡情咁玩雪,最適合去享受天倫之樂,一齊build a snowman,冬天都一樣Warm!
而且Grinpa好近富士山,玩完雪去河口湖住一晚都幾梳乎。交通方面,最方便當然係自駕遊,由御殿場去都係30分鐘。不過冬天自駕就會比較危險,如果唔習慣喺雪地揸車會容易跣胎㗎!有老有嫩嘅話,小編都係建議join tour或者包車,安全又唔洗煩~
【富士山GRINPA冰雪樂園】
地址:410-1231 靜岡縣裾野市須山字藤原2427
官網:GRINPA冰雪樂園
▶︎【富士山玩雪一日遊】GRINPA冰雪樂園・伊豆水果公園・柿田川公園
2.三五知己放鬆遊
圖片來源幾個朋友唔洗咁浪漫又想嘆下,可以揀去輕井澤滑雪!日頭滑雪,夜晚就喺小木屋飲下酒傾下心事,第二日瞓醒再去outlet血拼,簡直就係小編最理想嘅假期~由東京搭新幹線或者滑雪接駁巴士去輕井澤只係需要70分鐘,就可以由繁忙市區去到飄雪嘅世界。有得Shopping又有得滑雪,而且交通方便,啱晒怕麻煩加分秒必爭嘅香港人,快啲約埋閨密一齊去啦!住宿方面小編就推薦住王子大飯店東區,好近雪場,方便Ski-in Ski-out!
【輕井澤王子滑雪場】
地址:89-0102 長野県北佐久郡軽井沢町軽井沢
官網:輕井澤王子滑雪場
▶︎【輕井澤滑雪三日遊】輕井澤王子大飯店・西館小木屋住宿
▶︎【苗場/輕井澤滑雪】日本的專屬的兒童滑雪學校-熊貓兒童滑雪教室課程
3.二人世界
安排咗好多行程嘅情侶可以考慮下去玉原雪場。玉原雪場喺群馬縣,近東京,即日來回絕對無問題~除咗玩雪,群馬縣仲有特有品種嘅士多啤梨。
「章姬」、「彌生姬」同「紅頰」呢三個品種你可能無聽過,但係一場去到就一定要試!小編最鍾意就係食士多啤梨,如果去到食完有得再運返香港就好啦!
日本食長腳蟹出名大家都可能知,不過食餐蟹都幾貴,小編之前去到都唔捨得食⋯如果你同你另一半都同小編一樣咁鍾意雪、士多啤梨同蟹,但又冇乜Budget,小編誠意推介你地參加群馬玉原雪場一日遊,短時間內可以試哂冬天必做嘅野、而且士多啤梨同蟹都係任食㗎,實行滿足晒你所有願望呀!
玉原滑雪場
地址:群馬縣沼田市玉原高原
官網:玉原滑雪場
▶︎【東京巴士一日遊】群馬雪橇體驗・採草莓・螃蟹甜蝦吃到飽!
*雪季營業期有可能會因積雪狀況而變更
計劃要去日本嚟個冬天旅行?你可能會需要:
▶︎【JR PASS】東日本・南北海道鐵路周遊券
▶︎【日本WiFi】4G高速上網+無流量限制(日本機場領取)
睇到心郁郁想Plan冬天去滑雪?不如睇埋我哋其他滑雪攻略:
▶︎【冬遊日本】新手必睇滑雪懶人包
▶︎【冬遊韓國】熱門滑雪地全攻略
▶︎【冬遊日本|關西】 新手上路滑雪推介
▶︎【日本︱北海道】最受歡迎滑雪場
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區
留言

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→