【冬遊日本|關西】 新手上路滑雪推介 文字


日本北海道滑雪出名就人人都知,但其實關西都係一個滑雪嘅好選擇嚟!原因好簡單,「輕鬆」兩隻字已經可以概括晒,無論你係滑雪新手,定係想一家大細去體驗下滑雪,關西都會係你嘅首選之一!今次就等我哋為大家整理下關西滑雪攻略~

1. 親子滑雪樂-琵琶湖
圖片來源琵琶湖位於大阪以北、京都以東,滋賀縣嘅內陸湖。由新大阪出發大約2個鐘嘅車程就會到達!
圖片來源|KKday園內本身具備咗8條滑道,你可以一次過挑戰U型單板滑雪、障礙滑雪同自由式競技「貓跳」等。而且專業嘅雪具都應有盡有,你可以根據自己嘅技術同經驗選擇返啱你嘅雪道,就算係第一次滑雪嘅新手,都可以喺度盡情咁享受滑雪嘅樂趣。
圖片來源|KKday更重要嘅係,琵琶湖除咗有專業嘅雪道之外,仲有大朋友小朋友都鍾意嘅「雪之樂園」!樂園入面會有免費嘅雪盆,等爸爸媽媽可以同小朋友一齊喺雪地瀡來瀡去,啱晒喜歡家庭樂嘅你。雪盆之外,園區仲有旋轉雪車等唔同設施,包保小朋友會玩到留連忘返!
圖片來源|KKday如果有運動細胞又鍾意挑戰嘅朋友仲可以選擇坐吊椅上山頂,體驗由山峰上面快速滑落山嘅極限快感!
圖片來源|KKday不過小編都係覺得喺琵琶湖滑雪最吸引嘅地方都係可以喺滑雪嘅同時欣賞日本第一湖泊—琵琶湖嘅美景,剩係呢點已經完全值得去!
▶︎【冬季玩雪巴士】琵琶湖箱館山滑雪一日遊
2. 餓底必去-六甲山
圖片來源|KKday六甲山位於大阪以西嘅兵庫縣、神戶市嘅北面,由新大阪出發大約需時2個半鐘左右。
圖片來源|KKday喺神戶嘅「六甲山滑雪樂園」雖然係人工造雪,但好玩程度絕對唔輸比一般滑雪場。大人細路可以一齊堆雪人、玩雪盆,玩足一日都唔會覺得悶!所以小編極力推薦比帶小朋友去旅行嘅你~而且你仲可以選擇兩種方案,絕對會滿足唔同人嘅需要!
方案一-滑雪吊椅
圖片來源|KKday呢個方案啱晒鍾意滑雪嘅你!你可以搭吊椅上山頂再滑落去,一個字:爽!而且「六甲山滑雪樂園」提供唔同嘅滑雪裝備,就算你兩手空空去到都可以挑戰一下,即使係身為初學者嘅你都可以盡情練習!
方案二-餓底天堂
圖片來源|KKday呢個方案就啱晒鍾意不停食嘅你!去得神戶,當然唔可以唔食神戶牛啦~「六甲山滑雪樂園」嘅餐廳,提供冬季限定嘅和牛鍋物、拉麵、咖哩,同埋有小朋友限定嘅兒童定食!去一個地方可以實現你兩個願望,餓底小編就表示好想去!
▶︎【餓底必去】六甲山玩雪+有馬溫泉・太閤之湯
3. 2日1 夜滑雪之旅-關西神鍋高原
圖片來源|KKday神鍋高原嘅位置雖然同樣喺兵庫縣,同大阪距離會比較遠,但唔洗怕,因為來回都有專車接送去市區,咁就唔洗考慮交通問題啦!
圖片來源|KKday神鍋高原嘅滑雪場只會喺12月 – 3月期間開放,而滑雪場本身有6個滑雪練習場、你可以瘋狂咁玩雪,初心者又可以試下滑雪、高手就可以去挑戰唔同難度嘅滑道!喺呢度同樣有兩個方案比大家揀,有得揀就一定要揀返個啱自己嘅方案盡情玩啦!
方案一-小朋友天堂
圖片來源|KKday神鍋高原嘅滑雪場最啱小朋友,因為佢斜度最低,無論你係初學者定小朋友,呢度都會適合你!而且園區裡面亦都有雪盆等嬉雪道具比大小朋友自由使用,大家就可以盡情玩雪啦!
方案二-滑雪吊椅
圖片來源|KKday同樣係滑雪吊椅方案,但喺神鍋高原你可以同時享受兩個滑雪場—「奧神鍋滑雪場」同「萬場滑雪場」!兩個滑雪場都有7條滑道,總共有14條。前者最大斜度為35度,最長滑走距離13.1km,係一條超長嘅滑道,可以俾你體驗下速度嘅快感;而後者最大斜度30度,最長滑走距離2.1km,啱晒初學者慢慢學滑雪!
圖片來源|KKday而「奧神鍋滑雪場」同「萬場滑雪場」係相通㗎,如果你玩到悶悶地,就可以去第二邊玩!最最最重要嘅係滑雪場有照明系統,就算你玩到天黑都唔洗驚會蕩失路啦!
圖片來源|KKday小編靜靜雞咁同大家講,飯店仲有天然溫泉浸!當你身處喺凍冰冰嘅神鍋高原上面,再去享受溫暖嘅泉水,睇住雪花從天而降,簡直係人生一大樂事也,諗起都想即刻出發呀!
▶︎【小編推薦】關西神鍋高原滑雪・嬉雪趣+藍嶺飯店2日遊
睇到心郁郁想Plan冬天去滑雪?不如睇埋我哋其他滑雪攻略:
▶︎【冬遊日本】新手必睇滑雪懶人包
▶︎【冬遊韓國】熱門滑雪地全攻略
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→