【冬遊韓國】熱門滑雪地全攻略 文字


賞楓季一完就到滑雪季啦!韓國嘅滑雪季大約喺11月到3月,而最熱門嘅滑雪地點分別喺江原道、京畿道兩個地方,但韓國滑雪度假村咁多,到底點揀?就等KKday為你一一分析,揀出最適合你嘅韓國滑雪勝地!
#江原道
喺介紹江原道滑雪地之前,小編亦都製作咗簡單嘅表格等大家更容易理解邊個滑雪場比較適合自己,以上滑雪場比較以KKday有提供一日遊嘅行程為主。
1. 鳳凰公園滑雪場/ 휘닉스 스노우파크/ Phoenix Park Resort Condominium
圖片來源鳳凰公園滑雪場利用咗佢地形嘅優越之處設計咗21條溪形滑雪道,有初、中、高級等唔同嘅滑雪道比大家選擇,無論你係新手定老手都好適合!另外喺鳳凰滑雪場公園裡面亦有Snowboard嘅場地,鍾意玩Snowboard嘅你哋都絕對不容錯過!
鳳凰公園滑雪場深受韓國人同遊客嘅喜愛仲有一個原因,就係佢哋有設施超級完善嘅度假村,餐廳、超市、SPA、炸雞店、購物街、室內游泳池、保齡球場、高爾夫球場等等應有盡有,就算唔滑雪都絕對唔會無聊!
▶︎網站:鳳凰公園度假村官網 (韓英日中)
▶︎地址:江原道平昌郡蓬坪面泰岐路174 (蓬坪面) 강원도 평창군 봉평면 태기로 174 (봉평면) (座標:37.581274, 128.327345)
▶︎鄰近景點: 香草國度農園、李孝石文化村
▶︎交通:東首爾綜合巴士客運站,搭市外巴士去長坪客運站,再喺長坪客運站轉搭的士/接駁車去鳳凰公園滑雪場,總車程大約2小時15 分鐘;如果想搭滑雪接駁巴士直達鳳凰公園,可以上官網查詢時間。
2. 洪川大明維瓦爾第公園滑雪場/ 비발디파크 스키월드/ Vivaldi Park
圖片來源|KKday如果你想去近啲又不失品質嘅滑雪場,咁小編就推薦你去洪川大明嘅維瓦爾第公園滑雪場~由首爾蠶室去滑雪場只係需要70分鐘車程,相比其他滑雪場更適合當日往返!如果想過夜嘅話,度假村擁有韓國最大規模嘅住宿設施,甚至仲可以直接由飯店去到滑雪場,超級方便!
另外呢個滑雪場設有唔同長度同傾斜度嘅滑雪道,令滑雪者可以由初級逐漸向上提升實力,近年嚟亦都深受韓國年輕人喜愛。
▶︎網站:洪川大名滑雪度假村官網
▶︎地址:江原道洪川郡西面寒峙谷街262 (西面) 강원도 홍천군 서면 한치골길 262 (서면) (座標:37.648161, 127.684152)
▶︎附近景點:大明維瓦爾第公園、維瓦爾海洋世界
▶︎參考行程:
(1) 洪川大明滑雪場一日遊
(2) 【自助滑雪遊】維瓦爾第度假村自助滑雪體驗
▶︎交通:
(1)東首爾長途巴士客運站→洪川(市區公車)→大明維瓦第公園渡假村。
(2)定期巴士:首爾(地鐵2號線綜合運動場站1號出口)→大明維瓦第公園渡假村。(單程11,500韓元,來回20,000韓元)
3. 龍平滑學度假村/ 용평리조트 스키장/ Yongpyong Resort
圖片來源|KKday龍平度假村滑雪場有「韓國阿爾卑斯山脈」嘅美稱,更加被預選為2018冬奧賽事嘅滑雪場地,但因為係世界賽事級嘅滑雪道,所以滑雪坡道嘅陡度會比其他滑雪場大,建議有充足滑雪經驗嘅遊客先好去。星期日你亦可以揀搭日出觀光纜車去睇東海日出,如果想去Dragon Peak即係發旺山山頂,步行需要大約20分鐘。
小編偷偷哋話比大家知,龍平滑雪場除咗係冬奧比賽場地,同時仲係大熱韓劇《鬼怪》嘅拍攝地點,就係池恩卓打工嗰個滑雪場!就連經典韓劇《冬季戀歌》都係喺度拍!想跟住韓劇朝聖,嚟龍平滑雪場就啱晒啦!如果覺得交通好麻煩,KKday都有推出一日遊等大家唔洗煩惱交通問題,行程全程自助,可以自由地咁安排滑雪時間,對於專業嘅滑雪者嚟講非常適合!
▶︎網站:龍平滑雪場
▶︎地址:江原道平昌郡大關嶺面奧林匹克路715 (大關嶺面) 강원도 평창군 대관령면 올림픽로 715 (대관령면) (座標:37.642997, 128.680047)
▶︎鄰近景點:月精寺(一樣係鬼怪拍攝地~)
▶︎交通:
(1) 由仁川機場嘅9C 站搭巴士去龍平渡假村,可以事先上網預約
(2)首爾地鐵江邊站 3/4 號出口,由東首爾綜合客運站搭巴士去橫溪市外巴士客運站,落車後可以坐喺橫溪市內巴士客運站(시내버스터널승강장)往龍平嘅市內巴士去龍平渡假村
(3) 如果覺得交通太麻煩,亦可以跟KKday去韓國龍平滑雪場一日遊
4. 橡樹谷滑雪場/ 오크밸리스키장/ Oak Valley
圖片來源|KKday奧麗橡樹谷滑雪場位於江原道原州,距離首爾車程大約一個半鐘,以橡樹森林為背景調和而成嘅橡樹谷滑雪場設有「Snowboard公園」,適合偏好寬闊滑雪道嘅滑板愛好者使用。
而橡樹谷嘅「白雪公園」斜坡亦經過特別打造,滑雪道分為2個初學者場地、5個中級者場地同2個專業者場地,適合晒各個級數嘅滑雪者,由於吊椅快速運轉,所以可以喺短時間內體驗更多滑雪道,KKday都有提供初學者入門課程,而有啲經驗嘅亦可以選擇上進階課程,兩種課程都有專業嘅中文教練指導!
▶︎網站:橡樹谷Oak Valley滑雪場
▶︎地址:江原道原州市地正面橡樹谷2街58 (地正面) 강원도 원주시 지정면 오크밸리2길 58 (지정면) (座標:37.435131, 127.818731)
▶︎交通:
(1) 由仁川機場9C 站搭巴士去望原州市外巴士客運站 (원주시외버스터미널 / Wonju Intercity Bus Terminal),落車後再搭滑雪場嘅免費接駁車。
(2) 去首爾地鐵高速巴士客運站 1/2 號出口,再由高速巴士客運站搭巴士前往原州市外巴士客運站,落車後可以坐免費接駁巴士去奧麗渡假村。
(3) 首爾地鐵 4 號線清涼里站(청량리/ Cheongnyangni )轉乘火車去原州站 (원주역 / Wonju Station),由原州火車站落車後行去接駁巴士站搭免費接駁巴士去奧麗渡假村。
(4) 橡樹谷OakValley滑雪場一日遊最方便!
5. 伊利西安江村滑雪場/ 엘리시안 강촌 스키장/ Elysian
圖片來源|KKday伊利西安江村滑雪場其中一個特色就係距離首爾好近,差唔多一個鐘就去到,好適合即日來回。交通亦都好方便,可以直接坐地鐵抵達坐接駁車嘅地方。溪谷型構造嘅伊利西安江村滑雪場較其他滑雪場更為安全,滑雪途中仲可以欣賞到大自然之美。除咗有初、中級滑雪道之外,呢度仲設有團體練習場,等你可以先練習再實戰~小編認為如果你係新手,唔想同太多高手同場,咁伊利西安江村滑雪場就好啱去,因為佢10條滑雪道入面有8條係專門設計比初學者㗎!
另外伊利西安江村滑雪場附近就係南怡島!去開可以順便安排行程去埋南怡島一日遊
▶︎網站:伊利西安江村滑雪場官網
▶︎地址:江原道春川市南山面北漢江邊街688 (南山面) 강원도 춘천시 남산면 북한강변길 688 (남산면) (座標:37.816639, 127.587021)
▶︎參考行程:伊利西安江村滑雪場,新手基礎團!
▶︎鄰近景點:江村鐵路自行車、江村遊園區、南怡島
▶︎交通:
(1) 火車:喺龍山或清涼里搭ITX青春列車去江村站,再搭接駁車去度假村
(2) 地鐵:喺7號線上鳳站搭京春線地鐵,喺白楊里站落車,再轉搭接駁車
(3) 客運:上鳳巴士客運站/東首爾綜合巴士客運站-江村
#京畿道
到咗京畿道呢Part,小編一樣比張表格大家參考,基本上京畿道嘅滑雪場地會距離首爾比較近,啱即日來回。
6. 陽智PINE度假村滑雪場/ 양지파인리조트 스키장
圖片來源|KKday陽智滑雪場嘅滑雪道專門為初學者而設,並且針對初學者設有 「初級滑雪輔助輸送帶」,適合一家大細齊齊去,如果你係對滑雪已經一定程度嘅掌握,咁都可以揀高手級嘅中、高滑雪賽道!成座滑雪場採用梯田設計,滑雪場擁有由緩慢傾斜去到驟然傾斜嘅7個滑雪道同6個最新嘅升降機,坡度各異,所有滑雪道都設置咗夜間照明,所以夜晚同清晨都可以盡情滑雪。呢度最高等級嘅路線「challenge」係每年「全國高山滑雪大賽」嘅指定滑雪道路線,所以好多滑雪專家都鍾意去陽智滑雪場一試身手。
▶︎網站:陽智pine滑雪場官網
▶︎參考行程:滑雪體驗攝影,滑雪陽智一日遊
▶︎鄰近景點:韓國民俗村、愛寶樂園、龍仁文化遊樂園MBCRAMIA
▶︎地址:京畿道龍仁市處仁區陽智面南坪路112 (陽智面) 경기도 용인시 처인구 양지면 남평로 112 (양지면) (座標:37.211374, 127.296186)
▶︎交通:
(1) 喺南部客運站,搭開往鎮川嘅巴士,喺陽智站落車再轉的士
(2) 由高速巴士站搭去龍仁巴士站,再轉搭的士
(3) 搭接駁車,需先上官網預約
7. 芝山滑雪場/ 지산 포레스트 리조트 스키장/ Jisan Forest Resort
圖片來源|KKday芝山滑雪場位於京畿道利川,距離首爾只有一個鐘車程,所以對於想要一日來回嘅人嚟講小編都好推薦!芝山滑雪場有6條滑雪道(初級1條,中級3條,高級2條)同4組纜車,而且有針對初學者嘅sun-kid扶梯,方便小朋友同滑雪初學者移動,玩得安心又放心。
滑雪場隔離都有各式各樣嘅設施包括餐廳、Coffee shop等,提供比需要休息嘅旅客使用。如果你係想去滑雪場影下相感受下雪景但唔打算滑雪,亦都可以隨團去滑雪場,影完相再喺休憩區享受悠閒時光~如果參加KKday嘅行程,唔單止會有隨團攝影師(幫你影靚相比你打卡),滑雪都有專業嘅中文教練,算係性價比超高嘅滑雪選擇!
▶︎網站:芝山滑雪場
▶︎參考行程:芝山滑雪場一日遊
▶︎地址:京畿道利川市麻長面芝山面267 (麻長面)  경기도 이천시 마장면 지산로 267 (마장면) (座標:37.217233, 127.344827)
▶︎交通:首爾地鐵江邊站 3/4 號出口,喺東首爾綜合客運站搭8103 巴士去利川綜合客運站(詳細資訊可以上巴士官網查詢),再轉搭的士。
8. 熊城滑雪場/ 베어스타운리조트 스키장 / Bears Town
圖片來源最後小編要介紹嘅滑雪場係只需要搭地鐵轉巴士就去到,超方便嘅滑雪場!呢個擁有符合國際滑雪聯盟(FIS)認證滑雪道嘅城市近郊型滑雪場雖然場地唔算大,但好適合安排家族小旅行,亦都好適合只係停留喺首爾幾日但又想體驗滑雪嘅遊客~如果唔想滑雪,呢度都有400公尺長嘅雪橇場,非常適合小朋友玩~呢個滑雪場除咗有難度高嘅「88Challenger」滑雪道之外,亦有專為初學者設計嘅廣場型滑雪道,就算未熟悉點滑雪都可以放心盡情試!
▶︎網站:熊城滑雪場官網
▶︎地址:京畿道抱川市內村面金剛路2536街27 (內村面) 경기도 포천시 내촌면 금강로2536번길 27 (내촌면) (座標:37.797268, 127.248659)
▶︎鄰近景點: 國立樹木園、山井湖、晨靜樹木園
▶︎交通:
地鐵:搭2號線去江邊站4號出口,右轉搵到巴士A站搭11路線公車,搭去熊城度假中心(베어스타운리조트)落車,行大約15分鐘即可抵達。
另外,如果大家係去京畿道滑雪,小編建議大家滑完雪仲可以安排埋喺京畿道嘅小旅行,例如係小法國村小普羅旺斯、坡州愛寶樂園韓國民俗村呢啲景點全部都喺京畿道㗎!如果係去江原道嘅就可以去南怡島、江村rali bike
最後如果對於交通仲係覺得好混亂,小編奉上各大滑雪場交通資訊比大家參詳下,而關於2017年滑雪場嘅開放時間,大家亦可以多啲留意韓國觀光公社嘅資訊!
番外:釜山都有得滑雪?!
圖片來源|KKday以為滑雪得首爾有?咁你就大錯特錯啦!釜山嘅伊甸園山谷滑雪度假村係釜山唯一嘅滑雪場,而且品質一啲都唔會遜色過首爾!滑雪場整體採用科學化設計,等滑雪者可以自由移動,並且分散人潮聚集,可以稱得上係世界級水準嘅滑雪勝地。
▶︎官網:伊甸園山谷滑雪度假村
▶︎地址:慶尚南道梁山市院東面Eosil路1206 (院東面) 경상남도 양산시 원동면 어실로 1206 (원동면) (座標:35.421930, 128.991133)
▶︎鄰近景點: 甘川洞文化村
▶︎參考行程:釜山唯一滑雪場咁樣玩
▶︎開放時間:
上午 09:30~14:00
下午 13:00~17:00
夜間 19:00~23:00
深夜 21:00~25:00
3. 滑雪注意事項
#服裝
雖然一般滑雪場都會提供租借嘅滑雪衣物,但唔好忘記自己都要做好保暖措施!要自備保暖嘅帽、手套、襪,而且最好揀防水、防風嘅款式,因為襪如果濕咗入咗水,咁個身體著得再暖都係會咁凍!
而衣著方面就係用洋蔥式著法,因為室內多數都會有暖氣,可以除低外套。另外都唔好忘記要以輕便、休閒為主,畢竟滑雪本身就係運動,如果你仲要著到厚一厚,一定會更唔方便活動!
#配戴護目鏡、搽防曬
護目鏡係喺雪地嘅標準配備,但喺揀護目鏡嘅時候要好小心,記得要揀抗紫外線嘅鏡面,否則眼睛長時間暴露喺強烈紫外線下,第日起身可能會雙眼刺痛,進而造成「雪盲症」。
另外小編強烈建議一定要搽防曬!唔好以為天寒地凍情況就唔會曬傷,相反,紫外線會經過白色雪地反射造成更大嘅曬傷,如果唔想曬到護目鏡形狀留喺你塊臉上面,咁就切記一定一定要搽防曬!
#專業指導
如果你係滑雪新手,記得一定要揀有專業教練、附教學課程嘅滑雪場,學習正確知識並且知道點喺滑雪場保護自己,咁先唔洗怕敗興而歸!
#跌親要側摔
滑雪跌親,千萬記得要側摔,唔好直接跌坐喺地下,以免會傷到腰椎。同時都切記要揀符合自己程度嘅滑雪道,咁先唔會造成身體上嘅傷害~
#熱身、補充水份
滑雪前,記得要先做好熱身運動,伸展因為天氣凍而僵硬嘅身體,減少受傷機率。喺滑雪過程中亦要時時補充水分,因為韓國天氣偏乾、滑雪又係一項非常消耗體力嘅運動,所以千祈唔好滑得太盡興搞到唔記得咗飲水!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→