【北歐極光】極光周邊景點整理(上) 文字


想去北歐嘅瑞典、芬蘭、挪威睇極光應該飛去邊個城市?呢啲北歐國家睇極光最好係咩月份去?瑞典、芬蘭、挪威除咗睇極光之外,仲有邊啲比較近距離嘅必到景點、活動絕對唔可以錯過?就等KKday分上下篇話你知,睇完極光之後仲可以順便去埋邊啲城市同景點嚟趟小旅行~
1. 丹麥:哥本哈根
圖片來源|Shutterstock香港有直航飛機去丹麥,比起其他北歐國家嘅航程較為輕鬆,所以就算丹麥睇唔到極光,通常都會先飛去丹麥哥本哈根留幾日,再搭火車去歐洲其他地方。再加上哥本哈根嘅交通網絡發達、規劃完善,拎著Copenhagen Card搭車、去景點都會有discount,只要租架單車就可以去各大景點,對於遊客非常方便!
▶︎點樣係哥本哈根租單車?
先上丹麥City Bike官網註冊帳號,再輸入用戶名稱、email、手機號碼、信用卡資料。價錢大約25DKK/ Hour,可以事先預約,但要俾預訂費。
克里斯蒂安堡宮 Christiansborg Slot
圖片來源|Shutterstock克里斯蒂安堡宮 (Christiansborg Slot) 曾經係丹麥嘅皇宮,之後毀於大火,經過重建之後採用咗巴洛克式嘅建築風格。依家係丹麥市議會嘅所在地,同時亦係一座博物館,可以入去參觀。克里斯蒂安堡宮仲有一座高塔,係丹麥最高的建築物,可以一覽呢個充滿色彩嘅童話小鎮,而參觀高塔更加係免費㗎~
▶︎地址:Prins Jørgens Gård 1, 1218 København, Danmark(座標:55.676232, 12.580525)
▶︎克里斯蒂安堡宮官網
▶︎營業時間:
2017/01/10 – 2018/04/30:10:00~17:00
▶︎門票:DKK150 (包含所有皇室收費景點,如果只係單去一個收費景點,會有唔同嘅價錢,可以上官網查詢。用Copenhagen Card可以免費入埸)
▶︎交通:
(1) 巴士:1、2、6、8、9、10、28、29、31、37、41、43路線,Christiansborg站下車即到。
(2) 地鐵:Kongens Nytorv站
舊股票交易中心 Børsen
圖片來源|Shutterstock喺遠處已經可以見到舊股票交易中心(Børsen)搶眼嘅建築外觀,呢座中心係300幾年前建造,歷史悠久。成座建築用荷蘭文藝復興式嘅風格,色調以青銅色、磚紅為主,螺旋塔由四條龍交纏到頂尖。丹麥人相信呢個龍尾交纏向上嘅螺旋塔係呢座建築嘅護身符,所以可以喺戰爭時倖存、冇被破壞。不過要留意返,建築物嘅內部唔可以參觀,只可以係出面欣賞或者影相~
▶︎地址:1217 København K, Danmark(座標:55.675519, 12.584013)
▶︎交通:66路線巴士到Børsen (København)站落車,哥本哈根中央火車站附近,可徒步前往。
新港 Nyhavn
圖片來源|Shutterstock喺17世紀,丹麥政府為咗振興海上貿易生意,興建咗「新港運河」將海上交通路線引到市區,而新港河畔亦都開始廣為人知。五顏六色嘅木屋整齊劃一咁排喺河岸嘅兩邊,好似唔小心跌咗入安徒生嘅童話國度裡面,而安徒生亦都真係喺呢度嘅18號小木屋住過㗎!細細個睇過咁多安徒生嘅童話,梗係要去朝聖下,打下卡啦!另外,呢度都係條出名嘅酒吧街,如果行到攰都可以去飲杯酒體驗當地風情~
▶︎地址:Nyhavn 26, 1051 København K, Danmark (座標:55.679572, 12.591014)
▶︎交通:搭乘巴66號路線至Nyhavnsbroen (Holbergsgade),落車就會見到。
丹麥歌劇院  The Opera
圖片來源|Shutterstock講到丹麥,其實除咗交通配套好完善之外,亦都係好多鐘意建築設計嘅人一定要去嘅國家之一。因為呢度嘅Designer好似有用唔完嘅靈感咁,總係可以用簡約、現代又不失自己色彩嘅方式呈現當地嘅建築風貌。由歌劇院、水族館到圖書館全部嘅設計都堪稱一流,只係望住呢啲建築物都覺得賞心悅目!
▶︎地址:Ekvipagemestervej 1, 1438 København K, Danmark(座標:55.681934, 12.600761)
▶︎交通:從新港向前行少少,就可以喺對岸方向欣賞到丹麥國家歌劇院。
▶︎哥本哈根海釣鱈魚、近海巡航一日遊!
▶︎哥本哈根觀光巴士帶你遊市區景點,48小時隨時上落車~
2. 瑞典:阿比斯庫 Abisko
圖片來源|Shutterstock幾時可以睇到極光?8月底到4月初都有機會可以睇到極光,而旺盛期係10~12月。
▶︎阿比斯庫極光攝影團,美景、攝影指導,留低最美好嘅回憶!
▶︎二千蚊以下嘅阿比斯庫追極光之旅,點樣安排?
▶︎阿比斯庫必做嘅事— 哈士奇雪橇雪上電單車體驗
阿比斯庫國家公園 Abisko National Park 、雪橇
圖片來源|Shutterstock除咗極光之外,阿比斯庫呢個小村莊同阿比斯庫國家公園(Abisko National Park)都好近。呢個國家公園嘅生態資源豐富、成立咗比較耐,對歐洲嘅其他國家公園都有深遠嘅影響力。因為國家公園嘅地理環境優越,加埋一片大森林,所以都好適合玩雪橇。坐喺雪橇上面迅速滑過樹林、山坡、雪原,望住一大片純白色嘅雪景,好彩嘅話仲可以睇到極光!
▶︎地址:Kiruna, Sweden
▶︎交通:可以先坐火車到Abisko Ostra Station,再去國家公園
極地天空站 Aurora Sky Station
圖片來源|KKday如果想感受下一抬頭就見到極光,就可以考慮搭纜車上極光天空站 (Aurora Sky Station),咁就可以喺阿比斯庫離天空最近嘅地方冇任何阻檔咁睇極光!呢種近距離嘅感動,真係會令人難以忘懷。不過極光天空站 (Aurora Sky Station)交通比較唔方便,上去亦都需要預訂,如果唔係極光旺季嘅纜車係一位難求㗎!所以建議大家可以參加當地民宿嘅行程套餐~
瑞典出發去阿比斯庫:斯德哥爾摩、基律納
通常去瑞典睇極光,大家都唔會一落飛機就即刻轉機去阿比斯庫,而係會先去瑞典比較近阿比斯庫嘅城市,好似斯德哥爾摩、基律納,所以就等小編成大家介紹下啦~
【斯德哥爾摩 Stockholm】
阿比斯庫(Abisko)係瑞典北部嘅一個小村莊,好近瑞典同挪威嘅邊境,所以好多人會選擇兩邊一齊玩。阿比斯庫光害低、天氣好,雖然喺北極圈嘅外圍,但係只要極光指數(KP指數)達到3左右就可以睇到極光,機率好高,小編好建議大家去阿比斯庫!
圖片來源|Shutterstock斯德哥爾摩係瑞典嘅首都,亦都係最大嘅城市~佢嘅市區分別喺14個島嶼和半島上,用橋將唔同島嶼連為一體,所以有「北方威尼斯」嘅稱號。斯德哥爾摩喺瑞典語入面係指木頭(stock)同小島(holm)。阿比斯庫係斯德哥爾摩市中心嘅老城,混合咗中古世紀、文藝復興時期嘅建築。天氣好嘅時候,就可以見到城內色彩繽紛,周圍影相都好靚~
如果遇啱有優惠,斯德哥爾摩嘅機票都唔會好似大家想像中咁貴。其實喺斯德哥爾摩去阿比斯庫仲可以揀搭臥鋪火車,體驗下另外一種唔同嘅旅遊方式。如果想搭臥鋪火車,建議直接去瑞典國鐵官網買飛,揀Stockholm Central 去 Abisko Östra,車程大約18個鐘頭,有分六人臥鋪、三人臥鋪、一人睡舖,價錢都會唔同(大約800克朗左右)。
▶︎小編提醒:瑞典火車價錢係海鮮價,愈遲訂愈貴,而官網會喺三個月前開始開放訂票。
▶︎斯德哥爾摩一日通行券點使用?
▶︎深入探訪,斯德哥爾摩腳踏車之旅
【基律納 Kiruna】
圖片來源|Shutterstock基律納同阿比斯庫距離好近,所以成日都比旅客當係中轉站,會喺呢度休息1-2日,玩個雪橇再出發去阿比斯庫。如果有多啲時間,都會有人參加Local Tour去Ice Hotel參觀,或是可以搭Stadshuset對面(遊客中心步行大約5分鐘)嘅巴士去。Ice Hotel裡面全部都係冰嘅製成品,好似Ice Bar、Ice Toilet等,好特別~
如果係由基律納機場直接去阿比斯庫,可以先預訂機場接駁,送你去阿比斯庫嘅極光地,一個人大約400克朗,夜間接送就要再加錢(不過好貴)。所以一定要謹慎啲安排航班時間,如果唔係接駁費用就會好肉赤~
阿比斯庫去挪威那維克 Narvik
圖片來源|Shutterstock如果你覺得淨係喺阿比斯庫睇極光唔夠,想睇下峽灣,可以考慮下去埋那維克(Navik)。喺阿比斯庫揸車去那維克大約兩個鐘頭,又或者可以搭火車由基律納去那維克,車飛大約$150,仲可以一次玩兩個國家!車飛一樣可以去瑞典國鐵買,建議早少少買飛。
以上就係小編今次嘅北歐必遊景點介紹,下次就會講埋挪威、芬蘭等地嘅極光周邊景點,千祈唔好錯過啊!
想去極光旅行?不如睇埋我哋其他極光攻略:
▶︎【北歐極光】冰島極光必睇攻略
▶︎【世界極光特輯】帶你找尋極光的秘密
去到北歐又想睇極光但又怕麻煩?其實仲有好多選擇:
▶︎船上欣賞極光!挪威極光船晚宴
▶︎夢幻國度嘅最極致,芬蘭玻璃冰屋賞極光~
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區
Summary

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→