【印尼|峇里島】渡假勝地!峇里必去景點

跟著KKday去旅行 於 25/06/2018 發表 收藏文章
峇里島 係好多人心目中嘅理想渡假目的地,豐富嘅歷史、文化、自然風光滿足到唔同旅人嘅需求。想放鬆休息,可以選擇喺沙灘上欣賞湛藍海景,用當地料理同水果調酒換取一個午後嘅清閒;鍾意冒險,就唔好浪費峇里島所擁有嘅豐富自然資源,無論係潛水、降落傘、火山探險、登山,咁多選擇一定滿足到鍾意戶外活動嘅你!而家即刻睇下KKday針對峇里島嚴選嘅十大經典景點同體驗啦!


一、庫塔海灘(Kuta Beach)


庫塔海灘係峇里島最受歡迎嘅海灘之一,最出名衝浪同夜生活。嚟到呢到,除咗可以試下追浪,亦都可以喺各種風格嘅cafe同酒吧傾計放鬆,而且夜晚更加容易識到新朋友、Party狂歡嘅好去處!

二、海神廟(Tanah Lot)


海神廟喺16世紀建立,係峇里島最具代表性嘅廟宇,相傳廟下礁石嘅洞穴內嘅海蛇,係由最初打造廟宇嘅神職人員拆低身上嘅腰帶所化成,到而家都仍然守護住呢個位於中西部海岸嘅信仰中心。

海神廟建喺巨岩上,每逢漲潮就會同陸地隔絕,所以Tanah lot喺峇里語中又有「海中嘅陸地」嘅意思,喺浪花拍打沿岸嘅聲音中,欣賞海神廟嘅壯闊,或者去對岸嘅小亭觀賞美麗嘅夕陽,都係你不容錯過海神廟嘅理由!

三、到峇里島學傳統料理

印尼菜會使用椰漿、胡椒、豆蔻、咖哩、丁香等,口味較重,香氣迷人,搭配椰子殼裡蒸熟嘅米飯,好味到停唔到口。

嚟到峇里島,除咗小食檔、餐館、酒吧,亦都不妨喺呢個靠近赤道嘅島嶼體驗一場市場同廚房之間嘅味道探索。跟住當地人嘅腳步,由買食材到烹煮方式逐步了解,煮出純正印尼菜,絕對係峇里島不容錯過嘅體驗!

四、烏布市場 Ubud Market

圖片來源

烏布市場喺烏布皇宮對面,係峇里島必行市集。市場入面商家雲集,從木雕、皮件、蠟染、布包、樂器到銀器首飾、傳統服飾,應有盡有,想買紀念品或者手信,就一定要去烏布市場。不過要注意,店家多數會向遊客抬高價,記得一定要講價同埋格價啊。

▶︎開放時間:早晨5:30-11:30 (傳統市集),12:00-20:30 (紀念品攤位)

▶︎地址:Jl. Wenara Wana, Ubud, Kec. Gianyar, Bali, Indonesia(烏布皇宮對面)

五、金巴蘭海灘 Jimbaran Beach

圖片來源

金巴蘭海灘相傳擁有全世界最靚嘅夕陽,係峇里島上較為幽靜嘅海灘。呢到嘅海灘仍然保留原始風貌,在地村民都好親切,可以盡情吹海風、BBQ,欣賞金光灑滿海面嘅好地方。

▶︎地址:Kuta Selatan Bali 80361, Bali, Indonesia

六、藍夢島  Lembongan

圖片來源

圖片來源

藍夢島喺峇里島嘅東南方,係一個擁有清澈海水、相當安靜嘅海島。呢到嘅海底能見度相當高,所以又叫「玻璃海」,吸引咗唔少潛水愛好者嚟。另外,想欣賞海島原始生態嘅話,可以去藍夢島東岸體驗紅樹林之旅,想從事水上活動,亦都有香蕉船、衝浪等多元選項滿足你需求。

▶︎交通:由峇里島東南海岸薩努爾海灘搭船前往,搭乘時間約半小時。

七、京打馬尼火山 Kintamani Volcano

圖片來源

京打馬尼火山喺峇里島北部山區,係三萬年前形成嘅壯觀火山,淨係火山口徑嘅闊度就大約有三公里!而其中,又以>>巴圖爾火山呢座活火山最出名,觀光客可以遠眺火山同埋火山口入面嘅火山湖,天氣好嘅話,仲可以睇到火山西側嘅黑色熔岩流。

八、無敵海景的SPA體驗


來到海島,點少得SPA放鬆!位在烏魯瓦圖懸崖邊嘅 The edge Bali Spa,享有毫無遮蔽嘅360度蔚藍海景, 可以一邊遠眺印度洋,一邊體驗多種熱敷按摩療程!另外,呢個獨特的Villa仲係徐若瑄嘅婚禮場地添!

去峇里島渡假必備:

峇里島經典景點一次打包:一日遊

島上交通必備:KURA-KURA BUS烏龜巴士交通券

夏日親子遊:峇里島最大野生動物園

刺激好玩!越野車瘋玩森林峽谷漂流與索道飛翔

更多海島旅行攻略:

【東南亞海島】盤點五大奢華秘島

【海島攻略】夏日玩轉峇里島、長灘島

【海島旅行】 四大必知注意事項

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!

▲下載KKday App與你同行,發掘更多在地旅遊體驗!

▲訂閱KKday電子報,獲取更多旅遊優惠!

FacebookInstagramYouTubeKKday群組
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→