【台灣綠島】交通遊玩指南 文字


又到咗海島旅行嘅季節啦!KKday喺呢度幫你整理咗綠島嘅吃、玩、交通,仲會話你知,點玩綠島先划算又盡興!
一、綠島交通
圖片來源#1 前往綠島
前往綠島嘅方法可以分為飛機同船,都係喺台東出發。
〖搭飛機〗
圖片來源喺台東航空站乘搭德安航空公司嘅19座小型飛機到綠島,航行時間大約只係15分鐘!不過機位唔多,記得要提早訂位。
▶︎固定航班:台東飛綠島 08:10 12:15 16:20、綠島飛台東 08:50 13:00 17:00
▶︎票價: 約NT1100
〖搭船〗
圖片來源多數人前往綠島都會搭船,運氣好嘅話仲可以喺途中見到海豚,可以話係綠島體驗嘅一部份啊!
前往漁港搭船:
▶︎搭火車至台東火車站,轉乘的士、台灣好行或者鼎東客運前往富岡碼頭,再搭船去綠島。
〔台東富岡漁港 - 綠島南寮漁港〕搭船資訊:
▶︎旺季(六月到十月左右)約兩小時一班船、淡季平均一日三班,建議事先查好
▶︎每班時間約40-60鐘左右.
▶︎全票:約NT460 ;半票:約NT230
#2 島上租車
喺台灣去海島旅行,最核心嘅交通工具絕對係電單車!自由度夠高又方便,一路上山下海睇風景。不過要多注意防曬,綠島真係好曬咖!
▶︎電單車價位參考:約HKD80(NT300/24hr)
▶︎一啲加油嘅基本概念:
1. 環綠島一週20km,約HKD25(NT100)夠環繞綠島2圈!
2. 島上唯一嘅加油站喺南寮村,營業時間:8:00-17:00
二、綠島風味小吃
圖片來源嚟綠島最常見嘅就係熱炒店、冰店同早餐店,而最有特色嘅莫過於隨時都會嚟參一腳嘅海草!
#1 海草冰
圖片來源加咗海草嘅冰品風味相當獨特。建議可以同店家要求先試試味道,以免唔啱口味浪費咗一碗冰!
#2 鹿肉
梅花鹿係台灣普遍嘅低海拔哺乳動物,但後來因為棲息地嘅破壞同過度獵殺,令梅花鹿一度瀕臨絕跡。原本不產梅花鹿嘅綠島,喺二十多年前引進梅花鹿養殖,令梅花鹿曾一度成為綠島嘅經濟命脈。而家島上仲可以見到販賣鹿肉乾、炒鹿肉嘅商家。
#3 海草蛋餅
台式早餐大同小異,不過喺綠島有「海草蛋餅」!海草嘅味道為蛋餅增添咗鹹味,食起嚟酥脆爽口,係綠島嘅特色早餐。
#4 各式魚乾
圖片來源綠島嘅海洋資源豐富,小食當然都唔少得海鮮。除咗可以食新鮮嘅漁獲外,亦可以喺綠島購買各式魚乾。
三、綠島景點
睇完交通同食物,接落嚟就係重頭戲「景點」啦!綠島嘅遊樂景點基本上都係沿住海岸線,東岸有好多奇岩異石,如哈巴狗岩同睡美人岩;往北則係當地嘅信仰觀音洞、舊時為監獄嘅人權紀念公園同海岸綿延潛水區等。
#1 哈巴狗及睡美人岩
圖片來源台灣各種造型嘅岩石相當多,但哈巴狗岩(左)同睡美人岩(右)係實際睇到非常「如其名」嘅兩塊岩!而呢度嘅海景更係相當美麗,湛藍嘅海水就好似同天空連成一線。
#2 世界唯三的海底溫泉 朝日溫泉
圖片來源朝日溫泉係全球唯三嘅海底溫泉之一,係世界級嘅地質景觀,嚟到綠島千萬唔好錯過!
圖片來源大概冇乜事比迎著日出泡湯、伴著星空聽海,喺溫泉嘅蒸氣同海風中享受環繞山水,更加放鬆同美好!
#3 當地的信仰中心 觀音洞
圖片來源綠島嘅觀音洞係一個天然嘅鐘乳石洞,因其中有一個貌似觀世音嘅石鐘乳而得名。相傳早期島民以捕魚為生,因風浪、珊瑚礁岩嘅地形令船難以靠岸時,曾有一火球指引,令迷失嘅漁民順利返航。而火球之地,正係呢個觀音洞所在。
而家觀音洞係綠島島民嘅信仰中心,入口有中式牌樓,等大家可以將寫上心願嘅祈福牌掛喺上頭,以求觀音嘅保佑。
#4 思想犯的牢籠 綠島監獄
圖片來源綠島監獄係國民政府遷台後最大嘅政治犯監獄,而家被規劃為人權紀念園區。
裡面分為三大區域:新生訓導處、綠洲山莊同人權紀念碑,係聯合國認定嘅「悲劇遺產」(legacy of tragedy)或「負面遺產」(negative heritage)
圖片來源十幾個人關喺狹小嘅空間入面,經歷企圖改變思想嘅政治課程或全身被潑糖水後俾螞蟻爬過身等嘅對待… 如今綠島監獄沈重嘅鐵門又重新敞開,訴說著那個言論被管制嘅時代故事。
偶與可以同白髮嘅倖存者談話,講到對方被關多年後出獄,先第一次見到獄外嘅山巒同海洋景色,不得不為獄中所消逝嘅青春而感嘆。
四、綠島的活動
圖片來源除咗環島走訪景點外,綠島仲有幾項活動係KKday認為絕對唔可以錯過嘅,而家就推薦畀大家!
#1 看日出
圖片來源綠島嘅日出非常迷人,除咗可以喺東海岸睇到之外,仲推薦喺島南嘅朝日溫泉或島北嘅將軍岩處觀看。
圖片來源迎著清晨帶嚟濕度嘅空氣,喺黑暗中騎著車前往睇日出嘅地點,喺浪聲中睇著天色由暗轉明、太陽將天漸漸染紅,真係超級浪漫!
#2 生態夜遊+觀星
圖片來源島上嘅生態相當豐富,夜遊如果幸運嘅話會見到野生梅花鹿嘅蹤跡,仲可以同「津田氏大頭竹節蟲」有親密接觸。「津田氏大頭竹節蟲」係只會分佈喺墾丁同綠島嘅台灣特有品種呢!
而進行呢場生態之旅嘅同時,都要將注意力分一啲畀頭頂上嘅天空。光害較少嘅綠島,喺天氣晴朗嘅晚上可以見到滿天嘅星星,不論係銀河、大小熊星座都可以睇得好清楚,如果見到流星身千祈要記得許願啊!
#3 浮潛
最後,綠島同台灣每個海島一樣,唔少得浮潛!
穿上防寒衣,將馬鞍藤葉嘅汁液塗抹喺蛙鏡鏡面內側防止起霧,喺有證照嘅教練帶領下到淺水區適應,然後就可以移動到五顏六色嘅珊瑚魚群之中囉!
如果覺得浮潛唔夠過癮,都可以選擇到更深嘅海域潛水!
最後,同大家分享玩綠島最省錢嘅方式 —— 參加結合住宿、潛水、電單車等等嘅半套裝行程!要玩嘅都可以用更平嘅價錢玩到,而且仲有自由活動時間,對於嚟綠島玩嘅人不失為一個好選擇啊!祝大家都可以喺綠島玩得開心!
▶︎【夏日前進火燒島】船票浮潛住宿BBQ兩天一夜
▶︎ 浮潛不夠?背著氧氣桶去綠島的頂級潛水點,一同徜徉海洋吧!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→