【台灣花東】金針花觀賞地交通指南 文字


金針菜你應該聽過,咁金針花你又見過未?每年7-9月係金針花季,台灣花東都會變成一片橙色花海。想知有咩賞花勝地,同埋方便快捷嘅交通指南就要睇落去啦!
一、關於金針花
圖片來源金針花,又叫一日花、忘憂草,係花東地區賴以維生嘅農作物之一。每逢花季,台東花蓮唔同山頭都會開滿金針花,吸引唔少遊客~
圖片來源我地成日食嘅金針菜,其實就係曬乾左嘅金針花苞。唔講唔知,原來成熟嘅金針花苞只有一日採收期,所以好多時都趕唔切採摘就開咗花,對農夫嚟講好可惜,因為金針花唔可以食用。但對遊客嚟講就多咗個靚景啦~橙黃色嘅花海亦都變咗花東嘅標誌。
二、花蓮賞金針熱門景點:赤柯山|六十石山
【赤柯山】
圖片來源赤柯山位於花東縱谷嘅海岸山脈上,因為民國四十八年嘅「八七水災」,大批失去房屋同田地嘅農民向東遷徙,帶動種植金針花嘅發展,亦令而家嘅赤柯山成為好多人賞花、避暑嘅地方!

圖片來源▶︎交通指南
1. 自駕遊
  • 台九線到大禹加油站,過高寮大橋至高寮社區,跟住路牌即可抵達赤柯山。
  • 193縣道至高寮,跟住路牌即可抵達赤柯山。
2. 公共交通
  • 火車:玉里車站落車,包車或搭的士前往赤柯山。
【六十石山】
圖片來源六十石山位於花蓮最南嘅富里鄉,係好多人一聽到金針花就會諗起嘅地方。藍天白雲之下,橙紅嘅花海就更加鮮艷動人。
圖片來源▶︎交通指南
1.自駕遊
  • 台九線308.5公里處向東沿產業道路前行約7公里路程即可到達。
2. 公共交通
  • 撘火車或客運到富里後,包車或轉搭的士前往。
三、台東賞金針熱門景點:太麻里
圖片來源夏天去到台東太麻里,由忘憂谷向下望,可以睇到山海一線嘅景色!除咗係賞花嘅好地方,山林裡面有瀑布溪流,亦係避暑勝地!
▶︎交通指南
1. 公共交通
  • 火車:搭台鐵到太麻里車站落車,喺市區包車或者搭的士,去到7-11隔離金針山牌樓轉入金萱路,跟住路牌即可到達。
  • 公車:搭鼎東客運山線8132、8135、8135A、8136、8137、8138、8150、8151公車到大王國中站下車,市區包車或者搭的士,去到7-11隔離金針山牌樓轉入金萱路,跟住路牌即可到達。
2. 參與包車半日遊
  • 如果多人一起出遊,可以考慮包車呢個選項,喺車上可以自在聊天,幾個人分費用都唔會好貴,仲可以指定上下車地點,省時又方便!

最後,無論你選擇去赤柯山、六十石山或者太麻里睇金針花,都一定要試下當地嘅金針料理!由炒、煮、炸,甚至金針雪條都有!全部都好有特色唔可以錯過啊~
嫌自己去交通唔方便就跟住KKday啦:
▶︎【花蓮金針花季 】花蓮六十石山金針花海一日遊
▶︎【台東金針花季 】台東太麻里金針山半日遊

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→