【台灣】台北必買人氣手信 文字


依家去台灣咁方便,次次大家去完買返嚟啲手信都一樣,覺得好冇新意?不如等KKday小編話你知台北仲有咩地道手信係必買,有啲仲係台灣本地人都會買嘅人氣手信,咁下次就唔洗又帶一樣嘅野返香港做手信啦!
ㄧ、傳統手信
1. 老天祿滷味
圖片來源總店就喺超方便嘅西門町鬧市,老天祿滷味唔單止係台灣國內經常被報導嘅舖頭,亦都係好多外國遊客必食嘅美食~尤其係鴨舌,好多香港天王天后級藝人每次嚟台灣都一定要食!
▶︎地址:台北市武昌街二段55號(座標:25.044773, 121.507243)
▶︎電話:(02)2361-5588
▶︎營業時間:9:30 – 22:00
▶︎詳細資訊:老天祿官網
2. 魚酥
圖片來源唔知大家知唔知其實淡水有好多經典美食,好似台灣叫嘅“淡水阿給”、“鐵蛋”等。但係好多都只可以現場食,如果想同朋友分享嘅話,淡水嘅魚酥會係個唔錯嘅選擇!許義魚酥最出名,但附近仲有合益魚酥、阿婆魚酥等,口味各有特色,可以全部都試試!
▶︎推薦店家:許義魚酥
▶︎地址:台北縣淡水鎮中正路184號(座標:25.169988, 121.440197)
▶︎電話:(02)2621-1414
▶︎營業時間:06:30 – 18:00(假日至18:30)
3. 鳳梨酥
圖片來源|KKday講到台灣手信,唔少人第一時間就會諗起鳳梨酥。鬆化嘅餅皮配搭甜甜哋嘅菠蘿餡,真係一啖啖食到停唔到口!老字號佳德糕餅同埋近年超熱門嘅微熱山丘都係超受歡迎嘅鳳梨酥手信舖頭,但如果你想送啲再特別啲嘅鳳梨酥做手信,你可以參加DIY體驗試下親手製作鳳梨酥送比朋友!
▶︎手作美好時光 郭元益懷舊鳳梨酥DIY體驗
4. 豬肉紙
以獨家中藥秘方醃製嘅香脆杏仁豬肉紙,口感特別得嚟又香脆,真係會令人一塊又一塊停唔到口~而且每一片豬肉紙嘅厚度只係得0.02cm,薄到可以透光,唔怪得會叫做豬肉「紙」啦~
▶︎推薦店家:江記華龍
▶︎地址:台北市大同區迪化街一段311號1樓(座標:25.053960, 121.510307)
▶︎交通:搭台北捷運蘆洲線去到大橋頭站1號出口,行5分鐘左右
▶︎電話:(02)2552-8327、(02)2553-5301
▶︎營業時間:8:00 – 20:00(星期一至六)8:00 – 19:00(星期日)
▶︎詳細資訊:江記華龍官網
二、人氣手信
1. 面膜
圖片來源|Ashley Hsu台灣面膜真係算係台灣之光!除咗《我的美麗日記》喺日本@COSME網路美妝大賞攞到面膜大賞第一名之外,《TT面膜》更加係法國市佔率第1嘅面膜品牌啊!台灣面膜品牌有好多,周圍都買到,例如喺便利店、屈臣氏、康是美就已經可以見到,價格仲好親民,送禮自用掂掂掂!
▶︎邊度買到:便利店、屈臣氏、康是美、光南大批發、日藥本舖等美妝店都買到。
2. 綠油精
圖片來源|Ashley Hsu綠油精就好似香港嘅活絡油咁,陪伴住好多台灣人長大!綠油精唔單止有活血鎮定醒腦嘅功用,仲可以蚊蟲叮咬後止痕,有咁多功用唔怪得成為咗近年後生女仔必買手信之一!
▶︎邊度買到:便利店、屈臣氏、康是美、光南大批發、藥局、超市等都買到。
3. 台灣茶
圖片來源|Fotolia台灣茶喺全球嘅名氣超高,再加上台灣嘅氣候同唔同嘅產地生產咗好多唔同種類嘅台灣茶,文山包種茶、日月潭紅茶、阿里山高山茶、東方美人茶等等都各自有獨特風味,所以成為咗外國遊客必買嘅地道手信!
4. 即食麵
圖片來源|Ashley Hsu韓國即食麵、日本即食麵固然犀利,但台灣嘅即食麵一啲都唔輸蝕!滿漢大餐蔥燒牛肉麵、維力炸醬麵、統一肉燥麵、康師傅、阿Q桶麵、味味A排骨雞麵⋯呢啲經典即食麵相信大家應該都有聽過,而阿舍乾麵、曾拌麵之類嘅即食乾麵喺近年更加係人氣爆登,快啲買返香港試下!
▶︎邊度買到:便利店、超市都買到。
5. 純萃喝
圖片來源|Ashley Hsu飲品「純萃喝」大家都應該唔陌生啦,雖然依家香港都有得買,但喺台灣嘅口味多好多、價錢都平好多!五顏六色配搭文青feel嘅文字包裝,剩係見到個樣都令好多人都忍唔住要買嚟影相打卡~再加上韓國人氣男團EXO成員朴燦烈嘅加持,令到純萃喝風靡韓國,可以話係令人意想不到嘅另類台灣之光!
▶︎邊度買到:便利店、超市都買到。
打算去台北旅行?你會需要:
▶︎ 台北雙層觀光巴士乘車券
▶︎ 【台北出發】台灣高鐵8折優惠車票(外國人限定電子票)
不如順利睇埋其他台北攻略:
▶︎【文青必到】台北小巷尋找特色文具!
▶︎【交通】台北機場、市內交通全攻略
▶︎【美食】台北10大必試地道美食
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區
留言

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→