【台灣 | 台北】公共單車一日遊攻略 文字


相信大家都知道台北嘅交通非常方便,基本上搭捷運或公車好多地方都去到。但係都唔好忽略台北嘅公共單車Youbike啊,等KKday話你點樣利用公共單車玩盡台北,悠閒自在體驗唔一樣嘅台北!
一、台北市公共自行車[b]Youbike
圖片來源 | Ashley Hsu1.費用(新台幣)[/b]
使用時間頭30分鐘5蚊,使用未滿4個鐘每30分鐘10蚊,4至8個鐘每30分鐘20蚊,超過8個鐘每30分鐘40蚊。
2. 邊度有得租Youbike?
目前Youbike喺台北市總共有381個站點,捷運市政府站附近(3號出口出面)、捷運忠孝新生站(5號出口B1)、捷運劍南路站(2號出口2F)都設有服務處,提供會員申請等協助。詳細資訊可以睇吓官網
▶︎ 信義區:台北市政府、松山車站、捷運象山站、捷運台北101/世貿站、臺北醫學大學等。
▶︎ 大安區:捷運科技大樓站、捷運公館站、捷運大安站、台灣科技大學等。
▶︎ 中山區:捷運行天宮站、市立美術館、捷運松江南京站、捷運大直站、劍潭社區等。
▶︎ 松山區:饒河夜市、捷運小巨蛋站、捷運南京復興站、西松高中等。
▶︎ 南港區:捷運南港展覽館站、南港車站(忠孝東路)、捷運南港軟體園區站等。
▶︎ 中正區:捷運善導寺站、國家圖書館、捷運西門站、華山文創園區、臺北轉運站、自來水園區、光華商場等。
▶︎ 萬華區:捷運龍山寺站、西本願寺廣場等。
▶︎ 文山區:捷運景美站、捷運動物園站、國立政治大學、考試院、世新大學等。
▶︎ 大同區:捷運圓山站、捷運雙連站、永樂市場、大稻埕公園、民權迪化街口等。
▶︎ 士林區:捷運士林站、臺北市立天文館、國立故宮博物院、捷運芝山站、捷運劍潭站等。
▶︎ 內湖區:捷運內湖站、碧湖公園、捷運葫洲站等。
▶︎ 北投區:陽明大學、關渡自然公園、國防大學、捷運新北投站、捷運關渡站等。
3. 點樣申請做會員?[/b]
圖片來源 | Ashley Hsu你需要有悠遊卡或者一卡通註冊,註冊方式可以透過服務中心、官方網站、官方APP或者各KIOSK租借站點。但係只係租一次嘅話,可以直接喺各KIOSK租借站點透過信用卡租Youbike。
【以官方網站為例】
圖片來源 | Youbike台北官網首先,上台北市嘅Youbike官網揀註冊。
圖片來源 | Youbike台北官網睇晒條款後,揀同意。
圖片來源 | Youbike台北官網跟住需要填寫手機號碼等個人資料、之後設定密碼同埋綁定信用卡就搞掂。
4. 租借還車步驟[/b]
【租借】
圖片來源 | Ashley Hsu揀任何一架自行車,將註冊咗嘅悠遊卡或者一卡通放喺停車柱感應區,當綠色指示燈開始閃同埋發出beep,咁就可以攞車。
【還車】
圖片來源 | Ashley Hsu揀著藍燈嘅空車柱,對準個停車位將車頭向車柱推到底,再將悠遊卡或者一卡通放喺停車柱感應區,直到藍燈變成綠燈,咁就代表還車成功!
二、台北單車路線推薦
台北係一座繁忙嘅都市,但由好多河流所組成嘅台北因為規劃咗好多河濱道路同公園,再忙碌嘅人都可以有休息吓放鬆吓嘅空間,又可以欣賞到台北嘅自然美。以下小編介紹兩條經典嘅台北單車路線,等你體驗唔一樣嘅台北!
1. 景美溪左右岸親子生活自行車道[/b]
圖片來源 | KKday景美溪左右岸親子生活自行車道係沿住景美溪畔,兼具休閒加運動功能嘅自行車道。由捷運木柵線動物園站,沿景美溪高灘地經過道南橋連接左、右兩岸,車道平坦唔會又上又落,沿途仲有指示牌,亦有附設停車架同凳,可以中途休息吓。
小編建議先搭台北捷運文湖線去到動物園站,朝早行吓動物園先,下晝再由捷運動物園站嘅Youbike站沿路線,經過政治大學、道南河濱公園、世新大學,最後到寶藏巖,可以喺公館捷運站還車,順便去埋公館夜市食嘢!
第一站,捷運動物園站一號出口出嚟轉左行30秒就到Youbike租借站。
圖片來源 | Ashley Hsu道南河濱公園裏面有籃球場、羽毛球場等等,每到黃昏就可以見到好多人嚟做運動~
圖片來源 | Shutterstock喺公館附近嘅寶藏巖國際藝術村係個小眷村,有「小九份」之稱!唔只可以睇到好多藝術創作,仲係超正嘅影相呃like地方~
圖片來源 | Ashley Hsu公館商圈嘅陳三鼎青蛙撞奶同藍家割包都係好出名嘅地道美食!
2. 金色水岸自行車道[/b]
圖片來源 | Shutterstock金色水岸自行車道其實就係位於淡水嘅自行車步道,因為淡水河面倒映金黃色嘅夕陽而命名。
小編建議可以搭台北捷運淡水信義線去到關渡站,租借Youbike沿車道經過關渡大橋、紅樹林自然保留區、淡水文化園區 – 殼牌倉庫,之後去捷運淡水站還車,跟著喺淡水老街行吓~
圖片來源 | Shutterstock行完老街返捷運淡水再租一次Youbike,玩淡水一帶,經淡水渡船頭、紅毛城園區、淡水漁人碼頭等等。
延伸:台灣仲有咩公共單車公司呢?邊度可以租借呢?
目前台灣有提供公共單車租借服務有臺北市、新北市、桃園市、新竹市、新竹縣、臺中市、彰化縣、嘉義市、臺南市、高雄市、屏東縣同埋金門縣。每個縣市嘅公共單車系統都唔同,例如Youbike、CityBike、T-Bike等公營系統,亦都有oBike等民營系統。而北部區域多數都用Youbike系統,高雄就用CityBike系統。
一定有用:
▶︎ 無限次數搭乘高鐵!外國人限定台灣高鐵周遊券

▶︎ 機場接駁首選 國光客運1819桃園機場巴士來回套票
去台北之前必睇攻略:

▶︎【溫泉】8大台灣溫泉交通攻略
▶︎【交通】機場、市內交通全攻略

▶︎【美食】台北10大必試地道美食
▶︎【購物】台北必買人氣手信
去旅行,成日都要搭車又搭船 覺得悶? 點少得本地薑「MOOV」呢?即使喺海外 都可以隨時隨地收聽已下載歌曲,仲集齊哂廣東、華語 、日韓、外語歌等,大部份都係HiFi 無損音樂添!依家仲可享$38/首月(原價$49) 試玩優惠,立即點擊https://goo.gl/cpJ27g ! 帶住MOOV同你環遊世界啦!
去旅行,成日都要搭車又搭船 覺得悶? 點少得本地薑「MOOV」呢?即使喺海外 都可以隨時隨地收聽已下載歌曲,仲集齊哂廣東、華語 、日韓、外語歌等,大部份都係HiFi 無損音樂添!依家仲可享$38/首月(原價$49) 試玩優惠,立即點擊https://goo.gl/cpJ27g ! 帶住MOOV同你環遊世界啦!
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
《生化實驗室 - Ep01 情人節朱古力篇》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→