【台灣|台北】機場、市內交通全攻略 文字


香港人去台北玩已經係常事,但對於台北交通你又熟晒未?KKday今次就為大家整理咗機場去台北市區交通、台北捷運、觀光巴士路線同埋點查台北公車嘅超齊全台北交通攻略,準備要去台北玩嘅你絕對唔可以錯過呢篇終極攻略!
1. 桃園國際機場交通
#機場捷運

今年2月份先開始營運嘅機場捷運令旅客往返機場同台北市區又多咗一種選擇,唔單止又快又方便,仲可以喺台北車站就預先托運好行李!機場捷運分為普通車同直達車,直達車停嘅車站比較少,有提供擺行李嘅地方;而普通車係站站停,亦都冇設置擺行李嘅地方。
▶︎台北邊個站有得搭?:北門站、台北火車站
▶︎票價(台北車站-機場第一、二航廈):台幣160(普通車同直通車票價相同)
▶︎首班車:06:00 (台北車站往機場)、06:12(機場第二航廈往台北)
▶︎末班車:23:00 (台北車站往機場)、22:42(機場第二航廈往台北)
▶︎搭乘時間:直達車35分鐘;普通車50分鐘
▶︎官網:桃園機場捷運
圖片來源|KKday
▶︎市區預辦登機服務:旅客可以提早喺A1台北車站內託運行李、劃機位,同時拎埋登機證。
▶︎預辦登機服務時間:06:00-21:30
小編提醒:台北車站可以預辦登機服務嘅航空目前只有中華航空同長榮航空,如果要預辦登機,旅客要喺航班起飛當日朝早6點至航班起飛前3個鐘(180分鐘)之間嘅任何時間去辦理。
#客運
圖片來源
除咗機場捷運之外,如果要去台北車站、台北市區、松山機場、南港展覽館、台中等地,亦都可以選擇搭客運,客運價錢會比機場捷運平。如果搭嘅係凌晨機,或者班機抵達嘅時間係半夜,都可以搭1819路線(往返台北車站-機場),因為呢條線係24小時營運~
▶︎前往台北車站:
1819 路 往台北車站(國光)
西線 1961 路 往台北車站(青島)(大有巴士)
▶︎前往台北市區:
東線 1960 路 往市政府轉運站(大有巴士)
5502 路 往忠孝復興(飛狗巴士)
▶︎前往台中:
1860 路 巴士(國光)
5503 路 巴士(飛狗巴士)
1623 路 巴士(統聯)
▶︎前往松山機場、南港展覽館:
1840 路 往松山機場(國光)
1843 路 往南港展覽館(國光)
1841 路 往松山機場(國光-中興號)
▶︎售票處:客運巴士櫃檯(第一航廈B1、第二航廈1樓)
▶︎第一航廈搭車處:入境B1層巴士乘車區
▶︎第二航廈搭車處:一樓入境大廳東北側外廊
▶︎單程票價喺新台幣110-140元之間,車程大約60分鐘(依所前往嘅地區而有所不同)
▶︎機場客運巴士營運時間、詳細路線資訊
#高鐵轉接駁車
如果你係要由其他縣市去桃園機場,或者一落機就要去台中、台南、高雄等地,咁你亦都可以考慮以高鐵轉接駁車(統聯705) 嘅方式往返桃園機場。
▶︎票價:全票台幣30元、半票台幣15元。
▶︎收費方式:車上現金付款或者刷電子票證(easy card、ipass、icash、happy cash)。
▶︎班次:06:15-21:45 (15-30分鐘);21:45-22:50 (20-40分鐘)
▶︎頭末班車時間:06:15-22:50
▶︎車程(桃園高鐵站-機場):大約25分鐘。
▶︎高鐵接駁車相關資訊
2. 台北市區交通
#台北捷運
台北市區交通主要以捷運為主,重要站點都可以搭捷運去到,總共有5條線:
  • 板南線(藍線):市政府(松菸、commune a7 貨櫃市)、忠孝敦化、忠孝復興、忠孝新生(華山文創)、台北車站、龍山寺、西門
  • 文湖線(棕線):南京復興、動物園(可以轉搭貓空纜車)
  • 淡水信義線(紅線):東門、中山、雙蓮(寧夏夜市)、士林、劍潭(可以轉搭公車去陽明山)、淡水、象山(象山夜景)、台北101世貿(101、commune a7 貨櫃市、四四南村)
  • 松山新店線(綠線):南京復興、中山、北門(大稻埕、轉搭機場捷運)、西門、中正紀念堂
  • 中和新蘆線(黃線):東門、忠孝新生、行天宮、大橋頭(大稻埕)
▶︎官網:台北捷運詳細路線圖、車資、站點查詢
而台北捷運亦都有推出一日或多日票(限當日使用),分24、48、72小時票券(由刷卡進站時間起計連續24、48、72小時),可以依據自己嘅行程、日數,揀最啱自己用嘅票券。
  • 台北捷運一日票:台幣150
  • 台北捷運24小時票:台幣180
  • 台北捷運48小時票:台幣280
  • 臺北捷運72小時票:台幣380
▶︎邊度買?:去各車站詢問處洽詢服務人員。
▶︎台北捷運票券一覽表
#觀光巴士
圖片來源|KKday
近期台北推出咗觀光巴士繞行台北重要景點,並且有中、英、日、韓幾種語言嘅語音導覽,對於想一次暢遊台北嘅觀光客嚟講真係超級方便!觀光巴士分為紅、藍兩線,搭嘅地點相同,但繞行路線會唔同。
另外有分為4小時票、夜間票、單日票三種選擇:
  • 4小時票:當日 09:00-18:00 任選連續4小時搭乘
  • 夜間票:當日 18:00-23:00 搭乘紅線
  • 單日票:當日 09:00-23:00 無限搭乘
▶︎紅線景點:西門町、中正紀念堂、永康街、大安森林公園、台北101、國父紀念館(僅列出重要站點)
▶︎藍線景點:西門町、中正紀念堂、台北美術館、士林夜市、士林官邸、故宮博物院(僅列出重要站點)
▶︎搭乘地點:捷運台北車站 M4出口
▶︎發車時間:紅線 09:10-22:00/藍線 09:00-16:20
▶︎車次班距:30 – 40分鐘一班
▶︎想買定觀光巴士飛去遊台北?
#公車
圖片來源
如果想深入啲玩台北,或者要去陽明山、故宮、漁人碼頭呢啲地區,以捷運嘅方式無法直達,咁就要以捷運轉乘公車,小編亦都喺下面列出大家比較常去嘅景點同公車路線比大家參考下。
▶︎注意事項:台北公車採取一段票或兩段票收費,有可能係上車俾錢/落車俾錢,或者上落車都要拍卡,建議喺上公車時可以抬頭望望指示燈,確認係「上車付款」定「下車付款」,如果想要確認係一段票定兩段票,可以出示下車地點問問司機先。
【平溪】
平溪線早期因為礦業而開闢,如今礦業沒落,轉型為觀光路線。包括有平溪老街、天燈、十分瀑布等,係一個連台灣人都鐘意去嘅休閒地點。
▶︎交通:
(1)捷運文湖線(棕線)「木柵站」轉搭公車795至平溪(查看時間表
(2)搭火車至瑞芳火車站轉搭公車846(查看時間表
【九份】
獨特舊式建築、美味小食、同宮崎駿「千與千尋」場景極為相似嘅茶樓,都令九份呢座山城小鎮增添咗唔少魅力。
▶︎交通:
(1) 搭乘捷運板南線(藍線)至「忠孝復興站」再轉搭1062號公車
(2) 由台北火車站搭火車到瑞芳站,再轉搭公車788、862、1062、825(只喺假日行駛~)
(3) 唔洗煩交通!台北邊郊包車一日遊
【陽明山】
陽明山係眾多旅客必訪嘅台北景點之一,因爲地處山區,所以捷運去唔到,要捷運轉公車。
▶︎交通:
(1) 至捷運石牌站(紅線)搭小8或者劍潭站(紅線)搭乘小5
(2) 懶人必備!陽明山賞花淡水絕美夕陽一日遊
【擎天岡】
擎天岡同樣位於陽明山上面,地處海拔比較高,建議可以搭陽明山公園遊園公車(108路線)。
▶︎交通:
(1) 陽明山總站搭陽明山公園遊園公車(108路線),可以喺大都會客運陽明山總站買台幣60嘅遊園券(不限次數搭乘)
(2) 劍潭站搭乘小15「擎天岡站」落車
【故宮】
如果想行人文歷史路線,咁故宮就絕對要排入行程裡面!故宮附近亦都冇捷運站,所以要先搭文湖線或者淡水信義線再轉公車。
▶︎交通:
(1) 搭捷運淡水信義線至「士林站」下車,由1號出口出站後,至中正路轉乘公車紅30至「本院正館門口」下車,或轉乘公車 255、304、815、小18 、小19、市民小巴1喺「本院正面廣場前」落車。
(2) 搭乘捷運文湖線至大直站落車,由2號出口出站後,轉乘公車棕13至「本院正面廣場前」落車;搭捷運文湖線喺劍南路站落車,由1號出口出站後,轉乘公車棕20喺「本院正館門口」落車。
小編提醒:公車棕20會行經「外雙溪(故宮)」站,但呢個站並非故宮博物院,切記落車嘅站名係「本院正館門口」。
【漁人碼頭】
如果想同情人浪漫咁欣賞下夜景,漁人碼頭絕對係首選地點,可以先行完淡水老街,夜晚再去漁人碼頭。
▶︎交通:
(1) 搭淡水線(紅線)到達「淡水站」,出捷運口往右手邊有公車站牌,可以搭接駁公車。或者喺淡水捷運站對面嘅麥當勞搭乘指南客運10號(樹林-淡海)、紅23、或紅26(淡水漁人碼頭)。
(2) 如果想沿途欣賞淡水景色,亦都可以由淡水站踩YouBike去漁人碼頭。
【八里左岸】
好多遊客會喺八里左岸踩住單車,沿路欣賞淡水嘅自然生態,最後參觀保留史前文化遺跡嘅十三行博物館。
▶︎交通:搭捷運淡水信義線(紅線)至「關渡站」落車,1號出口出嚟之後轉搭紅13、紅22路ㄒ公車,至左岸各點。
【野柳】
野柳風景區因為風化作用而形成咗好多奇岩怪石,其中以「女王頭」最為人所知,鐘意自然景觀嘅你千祈唔好錯過~
▶︎交通:
(1) 淡水捷運站前搭乘淡水客運862號往基隆方向,「野柳站」落車。
(2) 板橋火車站旁邊公車站牌搭基隆客運953往金山方向,喺「野柳地質公園」落車。
【深坑】
深坑老街舊陣時係賣茶葉同染料嘅熱鬧市集,依家就轉變咗做可以品嚐地道小食嘅觀光景點,如果去膩咗台北其他景點,不妨去深坑行下!
▶︎交通:
(1)搭捷運木柵線喺「木柵站」落車,轉乘指南客運660號公車、欣欣客運666、819號公車、指南客運679號公車、臺北客運795號公車,全部都可以去到深坑。
(2)搭捷運南港線喺「市政府站」落車,轉乘指南客運912號公車,就可以到到深坑。
【烏來】
烏來嘅好山好水就好似係台北市區入面嘅世外桃源咁,烏來瀑布、泰雅族民族博物館、老街令你一次過體驗到天然美景、人文風情同地道美食!
▶︎交通:
台北車站搭捷運淡水新店線至「新店站」落車,再轉搭新店客運849(台北-烏來)。
#點查公車路線?
台北市區嘅公車路線多而複雜,亦都冇統一嘅路線圖,對於唔熟悉台北嘅觀光客嚟講可能會有啲難度。小編就特別推薦以下網站同APP等大家可以更方便咁搵到你哋需要嘅台北公車路線。
【大臺北公車】
圖片來源
大臺北公車整合咗台北市同新北市嘅公車路線,所以只要係台北地區嘅公車基本上都可以查詢到。操作方式亦都好簡單,進入咗網站之後首先撳「公車動態」,喺下一頁再揀「找路線」,就可以輸入公車號碼查詢路線(如上圖所示)。
▶︎官網:大臺北公車
【台北等公車】
如果係要用手機查詢,可以下載「台北等公車」呢個APP,除咗一般嘅路線查詢之外,仲可以揀『附近站牌』查詢有經過呢個站嘅公車,確認公車路線係咪會停你想去嘅地方。另外仲可以睇埋架公車幾耐之後會嚟,不過有時會有少少誤差,所以建議大家都係提早去個站等~
▶︎iOS載點
▶︎Android 載點
3. 從台北前往其他城市
#火車(台鐵)

圖片來源|Shutterstock
想由台北去宜蘭、台中、台南、高雄等等其他城市,唔少人會揀搭火車嘅方式前往,而火車主要分為區間車、莒光號同自強號。除咗繞行喺台灣西半部同東半部嘅主要鐵道路線之外,仲有其他鐵路支線,例如去平溪就必須轉搭平溪支線嘅火車。
如果要搭火車去平溪,可以先由台北火車站坐到瑞芳站,再由瑞芳轉搭平溪支線去平溪嘅景點。小編推薦大家可以海科館、猴洞、平溪、菁桐一齊玩,因為呢幾個景點都喺平溪支線上面㗎!
台鐵部分亦特別推出咗平溪一日券,全票台幣80、優惠票台幣40,平溪線同深澳雙支線(海科館至菁桐)都可以用。
▶︎官網:平溪支線路線圖
▶︎台鐵官網
#高鐵
圖片來源|Fotolia
如果想慳時間又舒舒服服咁由台北去其他城市,小編就好推薦呢個方式,雖然價錢比較貴啲,但相對上就慳咗好多時間。好似台北-台中最快只係需要一個鐘,嚟個兩日一夜台中遊都仲得!重點係針對外國旅客,高鐵都有推出優惠票,可以喺七日之內任揀兩日無限次搭乘高鐵,計返仲抵㗎~
▶︎無限次搭乘高鐵,台灣高鐵周遊券
▶︎高鐵官網
#客運
圖片來源
台灣客運有好多間,可以去到宜蘭、台中、台南、高雄等地方。雖然價錢平啲,但相對上要嘅時間亦都比較耐,尤其遇上假日塞車嘅話就會花咗好多時間,所以如果你時間有限嘅話小編就唔建議搭客運。而喺台北地區搭客運去其他城市,主要有下列兩個車站:
【台北轉運站】
▶︎地址:103台北市大同區市民大道一段209號No. 10351(座標:25.048835, 121.518627)
▶︎交通:捷運板南線、淡水信義線「台北火車站」
▶︎官網:台北轉運站
【市府轉運站】
▶︎地址:110台北市信義區忠孝東路五段6號(座標:25.040546, 121.564842)
▶︎交通:捷運板南線「市政府站」
▶︎官網:市府轉運站
去台灣玩,一票在手玩轉台北:
▶︎觀光巴士遊台北,十大景點一次搞掂!
▶︎無限次搭乘高鐵,台灣高鐵周遊券
更多關於台灣的城市攻略:
▶︎【夏日離島遊】 台灣五大海島攻略
▶︎【台灣北部、中部】另類包車好去處
▶︎【台灣花東】金針花觀賞地交通指南
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→