【台灣】宜蘭清水地熱溫泉煮食 文字


最近香港天氣開始涼,大家都準備好匿喺個被竇入面冬眠。不過,如果你嚟到台灣宜蘭縣,你一定唔會想錯過呢個暖笠笠嘅溫泉之旅!清水地熱位於宜蘭縣大同清水村,溫泉遠處嘅青山加上地熱噴出嚟嘅白煙,成幅風景畫咁靚,剩係望都覺得由身暖入心呀!
圖片來源溫泉煮食
通常講起溫泉,大家都會諗起浸溫泉,但喺原來溫泉煮食都已經好普遍,近近地飛去台灣就已經可以體驗!清水地熱嘅泉源由地下冒出,溫泉水資源相當豐富,屬於鹼性泉水, 泉水最高溫度仲可以高達攝氏95度。而且由於清水地熱有天然高溫嘅溫泉,大家可以喺到一嘗溫泉煮食嘅樂趣!
1 .購買食材及用具
到達清水地熱之後,可以先去門口左邊嘅販賣區選擇食物,有粟米、栗子、花生、蕃薯等等各式各樣食材,當然唔少得主角雞蛋啦,喺度你可以試吓親手泡製溫泉蛋嘅感覺!買完食物之後,就要去買埋溫泉煮食嘅用具,通常都會用魚網或者竹簍裝住啲野食嚟煮,你可以按個人喜好自由選擇!
▲ 開始前記得要買埋煮食用具啊!
2. 煮食
準備好之後就可以去「地熱煮食池」啦!經過一輪嘅嘗試之後,小編覺得溫泉煮食其實係易學難精。「易學」在於烹調食物嘅時候係唔需要任何技巧,就算唔識煮嘢食嘅人都可以成功,你只需要將食物放入魚網,再將佢浸喺溫泉當中,等到煮熟就可以食得!但「難精」就在於大家未必清楚烹調時間,尤其係溫泉蛋。不過大家又唔洗咁驚,因為當地指示都非常充足,只要跟實指示同注意事項,絕對係輕而易舉!
▲適合溫泉煮食食材:
雞蛋、茭白、粟米(未剝外皮)、蕃薯、芋頭、薯仔及栗子
▲食材煮食建議時間如下:
雞蛋:12分鐘(溫泉蛋可以自由縮短時間)
茭白:15分鐘
粟米:20分鐘
蕃薯:40分鐘
▲ 全盛時間就好似一大班人一齊打邊爐咁,非常熱鬧!
浸腳池
圖片來源除咗溫泉煮食,大家仲可以去浸腳池休息下,浸腳有助促進血液循環同增強身體免疫力。一邊浸腳一邊享受溫泉煮食嘅美食,都咪話唔歎!但大家要注意唔可以喺浸腳池浸太耐,因為浸腳池溫度有40-42度左右,所以每次只可以浸20分鐘,浸太耐會唔舒服㗎!
去台灣玩?你可能會需要:
▶︎【香港機場取機】台灣4G無限數據WiFi蛋 (T1&T2 24小時機場交收)
▶︎【登上太平洋上的仙島】宜蘭龜山島登島賞鯨之旅
心郁郁想快閃台灣,你可以睇埋:
▶︎【台灣北部、中部】另類包車好去處
▶︎【台灣人帶路】台北10大必試地道美食
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→