【台灣】5大賞楓必去景點攻略 文字


秋天又到啦,指定活動當然係去賞楓葉啦!要欣賞滿山遍野嘅楓葉,其實近近地去台灣都睇到㗎啦,仲可以同親朋戚友嚟個快閃遊添!一於跟住KKday出發去台灣,發掘當地5個最熱門嘅賞楓景點啦!

1. 烏來風景特定區
圖片來源烏來一向最出名都係溫泉,但除此之外,原來烏來都係賞楓聖地!係烏來浸完溫泉之後,你可以喺山中一片楓海中散步,一邊欣賞滿山楓葉,一邊傾聽瀑布嘅流水聲,盡享大自然嘅美景!嚟到烏來一定要去參觀烏來泰雅民族博物館,了解泰雅族原住民嘅故事。如果好彩嘅話,仲會有機會參加山谷音樂會、傳統美食DIY等活動,可以同當地泰雅族人打成一遍,絕對係非常特別嘅體驗嚟㗎!
▶︎地址:新北市烏來區烏來里瀑布34號
▶︎營業時間:08:00-17:00
▶︎【烏來溫泉推薦】馥蘭朵景觀雙人湯屋、午茶套餐二客
2. 馬拉邦山(馬那邦山)
圖片來源
圖片來源馬拉邦山位於苗栗,喺泰雅族語裡面係指「山容壯麗」嘅意思,一直以嚟都深受行山人士嘅喜愛。到咗秋冬時節,馬拉邦山更會鋪滿漫地楓葉,搖身一變成為熱門賞楓景點!馬拉邦山中嘅原始叢林生態奇特,而且擁有極佳嘅視野,上到嚟除咗可以遠眺雪山、大壩尖山等山峰,更可以去探訪以前抗日時期留落嚟嘅古戰場,絕對唔可以錯過!
▶︎交通:出苗栗交流道,走6號省道至汶水,再接3省道至南湖,入產業道路經淋漓坪東興國小即可抵達。
▶︎苗栗馬拉邦賞楓之旅森林步道一日遊
3. 奧萬大國家森林遊樂區
圖片來源位於南投縣仁愛鄉嘅奧萬大,擁有「楓葉故鄉」嘅美譽,係台灣最出名嘅賞楓勝地。當你進入奧萬大嘅「楓林區」,就好似入咗一個紅色嘅國度,因為四周都俾漫天楓葉包圍住。除咗賞楓之外,你亦都可以沿住瀑布步道參觀隨著地形變化嘅三座瀑布群。置身於呢個被自然美景所包圍嘅地方,絕對保證你可以心曠神怡,將所有煩惱都拋諸腦後!
▶︎地址:南投縣仁愛鄉親愛村大安路153號
▶︎營業時間:08:00 – 17:00
▶︎官方網站
▶︎清境來回接駁連奧萬大森林遊樂區門票
▶︎台中出發,南投奧萬大賞楓一日遊
4. 石門水庫
圖片來源圖片來源大家睇清楚唔係城門水庫,係石門水庫啊!石門水庫位於桃園龍潭鄉,交通方便,係想去低海拔地方賞楓嘅首選!水庫擁有梅園、楓林步道、槭林公園等景色。喺秋冬時節,水面會倒映出金黃色嘅楓葉,非常靚㗎!此外,每年石門水庫都會舉辦「石門水庫賞楓月」活動,大家可以喺賞楓嘅同時,了解更多有關水資源嘅知識,重點係大家可以一嚐當地石門活魚料理,聽講好好食㗎!
▶︎交通:
1. 搭乘巴士「台灣好行慈湖線」於「壩頂站」下車。
2. 於中壢或龍潭搭乘桃園客運5050、5055路到「石門站」即可抵達。
▶︎營業時間:08:00 – 18:00
5. 宜蘭太平山森林遊樂區
圖片來源圖片來源錯過咗賞楓嘅黃金時間?唔緊要!你可以嚟宜蘭嘅太平山森林遊樂區。園區中嘅「紫葉槭」,從新葉發芽時會呈現深紫色,所以幾乎一年四季都可以欣賞到「楓紅」之景!由於園區面積相當大,所以大家可以乘搭森林鐵路穿梭山林之間。另外,小編大力推薦大家要去園區裡面嘅「鳩之澤溫泉」,俾大家一試喺山林中浸溫泉嘅滋味,絕對係一個難忘嘅體驗!
▶︎地址:267宜蘭縣南澳鄉太平巷58之1號
▶︎營業時間:平日06:00 – 20:00、週末及公眾假期 04:00 – 20:00 、暑假(七八月) 03:30 – 20:00
▶︎官方網站
嚟到台灣,仲有以下特色賞楓行程:
▶︎阿里山超長十小時賞楓休閒之旅
▶︎暢遊花東縱谷、海岸山水風情一日遊

原文轉自:【台灣】5大賞楓必去景點攻略

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→