【安全遊泰國】教你避開所有詐騙手法

跟著KKday去旅行 於 08/02/2018 發表 收藏文章
最近旅遊車翻側意外,令大家關注搭車安全,但事實上去旅行「包車」又係最方便有效率! KKday喺呢到特別為大家整理泰國嘅交通安全須知,同常見詐騙招數嘅拆解方法,令你玩得安心又盡興!


一、的士詐騙


泰國的士其實一啲都唔貴(曼谷起跳35泰銖,每400公尺跳兩蚊),但幾乎所有遊客都會遇到的士司機亂叫價嘅情況。

解決方法:

  1. 要求「By Meter」:當司機應承之後先上車,沿途都記得要開 google map 監督司機有無兜路。

  1. 直接叫價:根據小編去泰國嘅經驗,請司機跳錶呢件事對於第一次去泰國嘅遊客嚟講係有一定難度!呢個時候可以查好距離,直接同司機提出一個合理價錢,咁樣司機肯定會以最快方式將你送到目的地。

  1. 基本泰文傍身:喺一個經常需要講價嘅國家,都係盡快學定啲泰文數字同基本招呼傍身!當對方認定你對泰國有一定嘅了解之後,比人呃嘅機率自然降低啦!

二、誤導目的地




「今日皇宮無開!不如改載你去 XXX 好無?」當你仲喺到諗呢個tuk tuk車司機點解咁好人,你可能已經落入了詐騙嘅陷阱。呢啲司機通常會聚集喺泰國嘅知名景點附近,用目的地無營業、維修等理由,改載你到珠寶店、按摩店、餐廳等,同店家聯手搶你一筆。

解決方法:聽到「 XX 無開」果時,即刻拒絕乘搭!

三、祈福攤販詐騙



好多人到泰國都會去廟宇祈福,其中,曼谷四面佛更加係唔少人推薦嘅熱門廟宇,亦因為咁,廟宇附近嘅行人路有唔少販賣鮮花、花環嘅攤販,只不過價錢往往都係「漫天開價」!

解決方法:避開攤販,直接同廟方買就最安心!差價可能係幾百泰銖,夠你喺泰國可以食多餐好野啦!

四、長尾船詐騙

嚟到泰國曼谷,一啲BTS、MRT去唔到嘅地方,除咗搭的士、tuk tuk車前往之外,昭披耶河渡輪都係好多人會使用嘅交通工具,可抵達臥佛、大皇宮等景點。偏偏有時候,你所在嘅位置離渡輪碼頭仲有一段距離,永遠喺你諗緊點算好,就遇到一個同你講好咗合理價錢嘅tuk tuk嘟嘟車司機,當你上車後,就會發現最後抵達嘅唔係碼頭,而係上左當,同司機有合作抽佣嘅天價長尾船!


呢個時候,未搞清楚嘅你可能就上咗船,付上巨額嘅代價,但如果睇完呢篇,記得拒搭,又或者要求一個合理嘅價錢,當買個教訓!(小編同泰國朋友旅行果時,就試過搭長尾船一轉,只係20泰銖,但可能距離、地點唔同有唔同嘅價格,大家都可以參考一下!)

解決方法:無論價錢高低,建議先再三確認雙方係講緊同一個目的地先好上車。

五、想搭車去近郊旅行,但被加價、拒載


好多人到曼谷旅行,都會順便去埋鄰近嘅芭達雅同華欣,點知搭車過去,就遇到司機開到一半突然加價,又或者一開始就拒載嘅問題。咁嘅事情一再發生,主要係因為司機抵達呢啲比較遠嘅目的地,未必可以搵到回程嘅客人,回程時間、燃料費都係損失。

解決方法:事先預訂包車服務,唔單止可以慳返同司機討價還價嘅麻煩,仲可以喺自己理想嘅時間地點上落車,行車安全亦都更有保障!

【溫馨提示】


大家都希望開心出門,平安回家。其實只要事先認識一啲常見嘅欺騙手法,或者交通小技巧,旅行被騙或者意外發生嘅機率就能夠降低。講到底,旅行本來就一定唔少得脫離熟悉、體驗未知嘅元素,意外同驚喜相伴,正係佢最迷人嘅地方。

最後,提供泰國警察電話:1155,但希望大家永遠都用唔著!

去泰國你可能會需要…..

泰國SIM卡8日無限用

【曼谷-華欣】專屬包車接送

【曼谷-芭達雅】曼谷出發,十個鐘去匀大部分景點!

日韓草莓季期間限定折扣指定產品低至8折,立即了解詳情!限量8折優惠碼:IAMHEALTHY

認識KKday

想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。

▲前往KKday 網站,訂購心水行程!

▲下載KKday App與你同行,發掘更多在地旅遊體驗!

▲訂閱KKday電子報,獲取更多旅遊優惠!

FacebookInstagramYouTube旅友討論區
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→