【德國攻略】慕尼黑啤酒節特輯 文字


如果講到有咩可以令嚴謹嘅德國人放低包袱,咁就一定係啤酒!德國啤酒嘅種類眾多,以啤酒為主題嘅節慶更加係風靡全球,每年都吸引到各國嘅旅客嚟到德國朝聖。想一探德國啤酒節嘅歡樂面貌?KKday幫你整理咗德國啤酒節嘅相關基本資料同埋啤酒節唔能夠錯過嘅必食必玩清單,等你去到啤酒節可以玩得輕鬆又盡興!
啤酒節由來
圖片來源|Shutterstock慕尼黑啤酒節(Oktoberfest),又稱為十月節。最初係由 1810 年所舉行嘅一場巴伐利亞皇室婚禮所演變而嚟,當初為咗慶祝婚禮,皇室同全城百姓飲酒狂歡。而10月又正值大麥同啤酒花豐收嘅時節,所以大家喺辛勤勞動之餘,亦都聚埋一齊飲酒、唱歌同跳舞以表達豐收嘅喜悅。由於反應熱烈,呢個傳統節日就一直延續到依家啦。依家亦都有好多其他城市效法慕尼黑舉辦十月節㗎~
舉辦時間
圖片來源|Pixabay今年舉辦嘅時間係 2017.09.16 ~ 2017.10.3 一共 18 日。啤酒節舉辦期間,慕尼黑市區嘅住宿可以話係一位難求!所以想去嘅話一定要提早將住宿預訂好,雖然距離今年嘅啤酒節已經得返好少時間,但2018年嘅舉辦時間其實都已經出咗,有興趣嘅話可以參考下,提早計劃定~
►2017舉辦時間:2017.09.16 ~ 2017.10.3
►2018舉辦時間:2018.09.22 ~ 2018.10.7
會場地點
圖片來源|Pixabay啤酒節會場喺慕尼黑嘅特蕾莎草地廣場,可以搭車去慕尼黑車站之後行大約10分鐘就會抵達。另外你都可以搭地鐵U Bahn直接到達啤酒節場地(Theresienwiese)。
►地址:Theresienwiese, Bavariaring, 80336 München, Germany (48.131617, 11.549680)
入場費用
圖片來源|Pixabay進入啤酒節會場同埋任何啤酒帳篷都係唔洗入場費㗎!啤酒節會場一共分為14個大啤酒帳篷同21個小啤酒帳篷,每個帳篷都有唔同嘅啤酒餐廳同遊樂設施可以玩~
原則上入啤酒帳篷係唔洗比錢嘅,但因為啤酒節人潮實在係太多啦,所以如果你想好好地咁坐喺帳篷入面感受下最地道嘅節慶氛圍嘅話,就要洗錢Book位啦!當然唔想洗錢嘅話就只能夠早啲入場霸位啦。
掌握好啤酒節嘅基本資料之後,當然就要好好了解下啤酒節到底應該食乜玩乜啦。KKday幫你整理好一年一度嘅啤酒節To do list,做少咗一定會令你嘅啤酒節狂歡之旅黯然失色~
1. 大啖飲啤酒
圖片來源|Pixabay德國啤酒種類有好多種,但係喺啤酒節會場入面唔好隨便亂飲呀!由於啤酒節係慕尼黑嘅特殊節慶,所以呢度供應嘅啤酒主要係慕尼黑六間傳統釀造廠,分別係Augustiner, Hacker-Pschorr, Hofbrauhaus(簡稱HB), Lowenbrau, Paulaner同Spaten-Franziskaner,而現場嘅啤酒只有一種size,無論你嗌乜,全部都係one size-1公升,而且只會喺啤酒節期間供應,所以平日係飲唔到㗎!
小提醒:啤酒節期間提供嘅啤酒酒精濃度比較高,唔好飲太過量呀!
2. 品嚐各種德國菜
圖片來源|Pixabay飲啤酒當然唔少得下酒菜啦,嚟到慕尼黑啤酒節,你絕對唔可以錯過品嚐經典德國菜嘅機會。除咗德國豬腳、德國香腸等等基本嘅德國菜之外,烤雞、白香腸、蝴蝶餅(Brezel)都係啤酒節會場入面常見嘅德國小食。
3. 買心型餅乾
圖片來源|Pixabay啤酒節會場隨處都會見到一種愛心形狀嘅餅乾,叫心型薑餅。餅乾上面會用糖霜寫住「我愛你」等字樣,啱晒想告白嘅人用嚟表達自己心意!同時德國人都會將心型薑餅掛喺另一半身上面,可以話係有種宣示主權嘅用意~任何人都唔洗旨意借醉痴埋我Honey度!
4. 穿著巴伐利亞傳統服裝
圖片來源|Pixabay走入啤酒節會場你會發現嚟參加嘅德國人好似一早傾好晒Dress code咁,大家都著住類似嘅衫,其實呢類型嘅衫係巴伐利亞嘅傳統服飾,亦係慕尼黑啤酒節嘅標準裝扮。一般嚟講,男仔嘅基本裝扮係裇衫加吊帶短褲,女仔就係白色蓬蓬袖短袖衫加背心馬甲連身裙。另外女仔服裝上面唔同嘅蝴蝶結打法亦都代表住唔同嘅感情狀況,如果想嚟場浪漫邂逅就千祈唔好打錯結啦!
5. 玩轉各種遊樂設施
圖片來源|Pixabay啤酒節會場入面除咗有各式各樣嘅大、小啤酒帳篷同美食、紀念品攤檔之外,仲有好多刺激又有趣嘅遊樂設施可以玩,無論係旋轉木馬定過山車都有得玩,不過呢啲遊樂設施都係以單次乘搭嚟計錢嘅。小編就誠心咁建議大家喺飲酒之前搭,如果唔係?你懂的⋯
最後大家一齊學下呢個德文單字-Prost,乾杯嘅意思。入到啤酒節會場,一齊舉起酒杯大聲講Prost啦!
啤酒節狂歡完之後應該去邊玩?唔洗擔心,KKday幫你諗好晒,就算宿醉都可以輕鬆出發!
▶︎【走入童話世界】林德霍夫宮與新天鵝堡一日遊(慕尼黑出發)
▶︎【德國綠寶石】國王湖一日遊(慕尼黑出發)
更多關於德國嘅旅遊資訊:
▶︎【德國】Best 人氣餐廳in慕尼黑
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→