【日本京都】熱門近郊景點全攻略 文字


如果你已經去過京都好多次,唔想再去清水寺、金閣寺呢啲景點,咁不妨參考下呢篇京都近郊景點攻略,無論係有天然美景嘅嵐山、貴船神社、鞍馬、天橋立;又或者係有住歷史文化背景嘅美山町、宇治、福知山城、伊根舟屋等,呢啲熱門必訪嘅京都近郊景點我哋都幫你整理好晒攻略啦!
1. 下鴨神社、河合神社
如果你時間唔夠充裕,但又唔想一成不變咁只係參觀清水寺、金閣寺、稲荷大社呢點旅遊點,咁小編就好推薦你去下鴨神社同河合神社!
圖片來源|Fotolia下鴨神社嘅樓門有一種內斂嘅氣勢,帶住少少張狂同莊嚴。雖然下鴨神社冇神宮咁大,但都唔係一般小神社,係由好多殿所組成!呢度亦都可以求取戀愛運,所以大家如果想求戀愛運嘅話都可以將呢個景點納入你嘅旅行裡面!
圖片來源|Fotolia如果去完下鴨神社仲有時間嘅話,可以順便去埋河合神社~因為呢度嘅繪馬好特別,聽講喺繪馬嘅臉上面化上個靚妝,心願就會得以實現。所以呢啲嘅繪馬稱作「鏡繪馬」,有好多想求取美貌嘅女仔都會嚟呢度參拜㗎!
▶︎開放時間:05:30-18:00(夏) 06:30~17:00(冬)
▶︎地址:京都府京都市 左京区下鴨泉川町59(座標:35.039186, 135.773011)
▶︎門票:免費
▶︎交通:搭乘市巴士 4、205「下鴨神社前」下車徒步5分鐘。
2. 嵐山
圖片來源|Fotolia如果你係第一次去京都,又想揀一個京都嘅近郊景點去玩,小編就會推薦你將嵐山排入行程入面!因為嵐山算係入門級數嘅京都近郊景點,距離京都唔會太遠,可以睇嘅景點亦好多,加上如果你係喺春、秋天嚟仲會睇到櫻花/楓葉!而且小編更推薦大家可以搭嵐山小火車沿路玩嵐山,欣賞沿途嘅風光~亦都可以多花啲時間喺『嵐山站』,因為呢個站嘅景點最多,例如係竹林の道、渡月橋、嵐山大街、常寂光寺、野宮神社等等;又或者搭保津船喺另一個角度欣賞嵐山嘅美又得,嵐山真係無論咩季節都咁值得一去!
▶︎ 想知點玩嵐山?可以睇埋呢篇!
▶︎ 想坐嵐山小火車、保津川遊船點訂飛?
▶︎地址:日本京都府京都市右京区 嵐山(座標:35.009440, 135.666773)
▶︎交通:
(1) JR 嵯峨野線,坐到去馬堀,再徒步至亀岡站。
(2) 坐嵐電(京福電鐵),到嵯峨站。
3. 貴船神社
圖片來源|Fotolia如果你去厭咗嵐山,小編都推薦你可以去貴船同鞍馬呢兩個地方~佢哋一樣係一個四季嚟都會有唔同景緻嘅地方,冬天嘅貴船神社會鋪上一層白雪,荒涼幽靜嘅氛圍會令人有去咗世外桃源嘅感覺!夏季嘅貴船就渲染咗蓊綠嘅色彩,綠意盎然嘅景色令人心曠神怡~如果係遇上賞楓季,仲會見到好靚嘅夜楓,而且人潮都冇咁多㗎!
圖片來源|Su清澈嘅貴船川就喺貴船神社嘅正前方,所以貴船神社所供奉嘅神明係身擔供給水要務嘅「水神」。而喺貴船神社最具特色嘅地方在於呢度嘅占卜,唔係就咁抽個籤就結束,而係要先將占卜嘅紙浸入水入面,等幾秒鐘後先拎起,就會有鮮明嘅字符印喺上面寫著你嘅運勢,非常特別,小編超推薦第一次嚟嘅可以試下水占卜!
▶︎參拜時間:06:00-18:00(特殊時間延長開放)
▶︎入場費用:免費
▶︎地址:京都府京都市左京區鞍馬貴船町180(座標:35.121623, 135.762928)
▶︎交通:搭乘叡山電車,到「貴船口站」,再轉搭貴船巴士。
圖片來源|Su好多人都會問小編最推薦幾時嚟貴船?如果你係第一次嚟貴船,我會建議大家可以揀喺夏天嘅時候嚟,因為夏天嘅貴船會有川床料理同流水麵,潺潺嘅流水聲配上流水麵,超級消暑!日本人亦都成日會揀喺夏天嘅時候去貴船避暑㗎(如果你同小編一樣咁怕熱,就超級推薦你嚟呢度)!
【流水麵推薦:ひろ文】
▶︎ 地址:京都市左京区鞍馬貴船町87(座標:35.125400, 135.763886)
▶︎ 電話:075-741-2147 (流水麵無法事先預約)
▶︎ 營業時間:11:00-21:00 (下大雨不營業)
▶︎ 交通方式:搭乘叡山電車,到「貴船口站」,再轉搭貴船巴士前往貴船口
4. 鞍馬
圖片來源|Fotolia去完貴船神社之後,千祈唔好急住搭電車走~我推薦大家可以繼續搭叡山電鐵去『鞍馬站』,如果你係名偵探柯南嘅忠實Fans,你對於鞍馬呢個地區絕對唔會陌生,因為佢就係劇場版《迷宮的十字路》嘅取景地點!鞍馬寺沿路嘅風光完全唔會輸比其他地區!但小編都要喺度提醒大家,睇靚景係需要付出代價嘅,鞍馬寺最出名嘅本殿金堂距離鞍馬站有一段距離,而且係山路、上坡路居多,所以需要啲體力,亦都建議大家如果真係要去鞍馬寺嘅話,著輕便服裝、同好行嘅鞋會比較適合㗎!
▶︎ 地址:日本〒601-1111 Kyoto Prefecture, Kyoto, Sakyo Ward, Kuramahonmachi, 1074番地(座標:35.117987, 135.770986)
▶︎ 營業時間:09:00-17:00(6月-8月)、09:00-16:30(9月-5月)
▶︎ 交通方式:
(1) 京阪電鐵嘅最後一站出柳町轉叡山電車到「鞍馬駅」。
(2) 搭乘京都巴士32號至鞍馬
5. 宇治
圖片來源|Fotolia講到可以令抹茶控為之瘋狂嘅日本城市,就絕對唔少得宇治!講到茗茶嘅盛產地,宇治亦係第一首選,有好多嘅抹茶名店都係喺呢度發跡,好似係中村藤吉、伊藤久右衛門等(而且小編偷偷地話比大家知呢度嘅中村藤吉總店仲有限定嘅商品同Menu㗎!)。宇治除咗係抹茶天堂之外,同時亦都係《源氏物語》故事嘅主要舞台—世界遺產平等院就坐落喺度,鳳凰堂同周遭嘅田園造景帶點莊嚴嘅氣勢,搭配出收斂而唔張狂嘅美。宇治輕鬆悠閒嘅緩慢步調令人可以享受喺呢座復古色彩城入面嘅建築、抹茶同埋歷史故事。
▶︎交通:
(1) 京阪電鐵宇治線搭至「宇治站」
(2) JR奈良縣搭至「JR宇治站」
6. 美山町
圖片來源|Fotolia大家聽到美山町或者會覺得有啲陌生,但其實佢係近期人氣逐漸攀升嘅近郊景點~如果你受夠每年觀光客湧入嘅合掌村,咁不妨去美山嘅『かやぶきの里・北村』啦!呢個由江戶時代一直保留至今嘅茅葺部落,一樣有垂簷屋頂,冬天時亦同樣會覆蓋上一層白雪,呢度嘅靚景完全唔會輸俾合掌村!除咗靚景,呢度仲有好多美山嘅特產,例如係美山牛奶、美山牛奶餅乾、仲有用美山嘅蛋做成嘅生布甸,就連好多日本旅遊節目都曾經報導過呢個咁靚嘅小鎮~而且仲可以喺古色古香嘅茅葺民屋住一晚,如果你想嚟轉同觀光客與眾不同嘅近郊小旅行,就嚟造訪呢個低調又唔失色嘅小村落啦!
▶︎地址:日本〒601-0712 Kyōto-fu, Nantan-shi, 美山町北揚石21−1(座標:35.310152, 135.621690)
▶︎開放時間:全天候開放。
▶︎交通:
(1) 搭JR至「園部駅(西口)」,再由園部駅(西口)轉搭南丹市巴士至「北」(美山北村)
(2) 搭園部.美山環遊巴士:由「京都園部西口」出發,直達美山地區,適合由京都出發的人,依家可以上官網預約,夏天只會喺星期六同國定假日運行;至冬天則每日都有班次(約50分鐘)。
(3) 搭美山自然號:由「京阪電車-樟葉站」 、 「阪急電鐵-西山天王山站」出發,適合由大阪出發的人,依家可以上官網預約 。
▶︎美山交通好複雜?一日遊令你更輕鬆!
7. 比叡山廷曆寺、琵琶湖
圖片來源|Shutterstock比叡山一直係日本佛教嘅聖地,比人一種沈穩又幽靜嘅氣質,其中又以廷曆寺最廣為人知,周遭被樹林所圍繞,更加塑造出一種神聖不可侵犯嘅莊嚴之感。廷曆寺主要有橫川、東塔、西塔;並且以東塔為中心,最多寺廟坐落喺度,所以如果冇時間行完全部,小編就會建議可以只係行東塔。要留意返嘅係,廷曆寺嘅根本中堂由2016年起進行緊為期10年嘅屋頂改修工程,但都可以照常參觀,仲可以睇到國寶改修工程~
圖片來源|Fotolia行完比叡山嘅廷曆寺之後,可以去搭坂本纜車,呢條係日本最長嘅纜車線路,全長2,025公尺,由山腳去到延曆寺站需時11分鐘,透過歐式風格車身嘅大窗,可以一覽琵琶湖風光。仲有人話去過比叡山嘅人,就會無法忘記呢度嘅美景,每次都會默默咁再將呢個地方排入旅途行程入面!
▶︎地址:日本〒601-1252 京都府京都市 Sakyo Ward, Yaseakimotocho(座標:35.068911, 135.830350)
▶︎交通:
(1) 搭JR-湖西線去「比叡山坂本」,再轉乘「江若巴士」ケーブル坂本線(126號) 到「坂本ケーブル」,最後搭坂本登山車至 「延曆寺」站。
(2) 喺京都車站、京阪三条或者京阪電車嘅出町柳駅前,搭巴士上山(冬季只喺假日行駛),可以上官網查詢時間表。
(3) 搭叡山電車由「出町柳」到「八瀨比叡山口」,再坐叡山登山車 ,由「ケーブル八瀨駅」去到「ケーブル比叡駅」再換乘叡山纜車,由「ロープ比叡駅」搭到「比叡山頂駅」,最後喺比叡山頂徒步行大約7分鐘就可以抵達「比叡山頂」站,再坐 shuttle bus 去東塔。
▶︎覺得交通太麻煩複雜?>> 【京都賞楓一日遊】帶你去比叡山延歷寺・三千院・大原楓林散步

8. 琉璃光院(瑠璃光院)
圖片來源|Fotolia琉璃光院大概係小編見過最如詩如畫嘅庭院!雖然只係一個小寺院,但佢清寂嘅氛圍令人彷彿置身喺世外桃源入面!因為造訪嘅人唔多,令呢個地方都變成賞楓秘境之一,如果你想一個人靜靜地欣賞染紅嘅楓葉景緻,小編真係超級推薦呢個近郊景點!以為得楓葉睇?梗係唔係!琉璃光院真正嘅厲害之處係在於佢春天時嘅蓊綠景色,連小編嘅日本朋友都一致推薦~清幽嘅環境環繞喺小溪旁邊,綠蔭同陽光相互交錯,光與影嘅映照下呈現出與眾不同嘅色澤,就好似琉璃咁,令人可以真正咁放鬆身心、療癒心靈。
▶︎小編提醒:琉璃光院為咗古蹟維護,並唔係長期開放,一年只會喺春同秋天開放,出發前可以先上官網確認時間。
▶︎地址:日本〒601-1255 Kyoto Prefecture, Kyoto, Sakyo Ward, Kamitakano Higashiyama, 55(座標:35.063421, 135.808654)
▶︎交通:喺「出柳町站」搭叡山電鐵本線去「八瀨比叡山口」(同貴船、鞍馬相反方向)
▶︎官網:琉璃光院
9. 福知山城
圖片來源|Shutterstock唔少人都覺得京都好似得清水寺、稲荷大社、金閣寺呢啲大家都講嘅必訪景點,但位於京都近郊嘅福知山城其實都非常值得走訪!唔單止可以走入去城堡裡面參觀日本嘅古代盔甲,仲可以爬上城堡最頂端一覽福知山市嘅風景,好彩嘅話仲有機會遇到館長穿住盔甲同你一齊影相~
圖片來源|Shutterstock福知山城係織田信長麾下嘅重臣-明智光秀所建,而喺入口處亦有忍者亂太郎嘅新兵衛歡迎大家,裡面仲有亂太郎、霧丸同新兵衛幫大家導覽!另外參觀完福知山城之後,可以去埋『柳町』食鴨肉鍋,或者去『MOUNTAIN』食甜品(呢間舖嘅店長整嘅朱古力拎過世界第一㗎!)亦都建議大家可以喺福知山住一晚,隔天去天橋立玩!
▶︎地址:日本〒620-0035 Kyōto-fu, Fukuchiyama-shi, 字内記5(座標:35.296892, 135.129660)
▶︎開放時間:09:00-17:00(最後入館時間係下晝4時30分)
▶︎休館日:逢星期二(如果撞到國定假日則會延到第二日休館),12月28日-12月31日、1月4日-1月6日
▶︎門票:大人310円、小/中學生100円
▶︎交通:
(1)JR西日本福知山線到「福知山駅」
(2)京都丹後鉄道宮福線到「福知山駅」
▶︎官網:福知山城
10. 天橋立
圖片來源|Shutterstock天橋立來頭一啲都唔細,佢同廣島嘅嚴島神社、宮城嘅松島並稱『日本三景』,大家仲可以搭復古味濃厚嘅丹後鐵道青松號去天橋立(小編嘅朋友搭過之後強烈建議大家一定要去搭一次啊~~)。當然除咗極具特色嘅列車之外,仲可以搭纜車上傘松公園(纜車嘅特別之處在於車體係斜㗎~),喺傘松公園可以睇到天橋立沙洲全景,十分推薦!
圖片來源|Shutterstock另外,喺天橋立山下仲有必訪嘅景點『迴旋橋』,佢之所以有呢個名稱,係因為橋身會旋轉!不過橋身嘅旋轉係唔定時嘅,所以想遇到呢種奇特景色,都係要靠啲彩數!
▶︎地址:日本京都府宮津市(座標:35.569788, 135.191794)
▶︎交通:
(1) 可以搭乘丹後海路交通巴士,由京都/大阪直達天橋立,詳情可以上官網查詢。
(2) 搭 JR 去「福知山駅 」或者「西舞鶴駅」,再轉乘京都丹後鐵道列車去天橋立。
(3) 若果由京都出發有はしだて特急列車直達天橋立 (由JR &丹後鐵到列車共同營運),可以上JR西日本官網查詢相關資訊。
▶︎官網:天橋立觀光導覽
11. 伊根舟屋
圖片來源|Shutterstock最後小編要介紹嘅就係好多人嘅夢想小鎮之一 -『伊根舟屋』,當初小編知道呢個地方嘅時候都相當好奇,京都竟然有咁靠海嘅小鎮,而且啲屋仲係同大海相連!如果有時間嘅話都可以搭伊根灣遊覽船,繞行伊根灣航行一圈(時間約25分鐘,一人680日幣)。伊根町以漁業為主,而住家建築亦因為咁嘅關係,形成上層係住宅空間、下層用嚟放置漁船嘅特殊舟屋,亦都因為呢種特殊嘅景色令呢度獲得『日本威尼斯』嘅美稱,而相連嘅舟屋間形成嘅街道就好似京都嘅街道一樣,充滿住歷史嘅味道,古色古香嘅建築同街景真係會令人流連忘返!
▶︎地址:日本〒626-0400 京都府与謝郡伊根町字平田(座標:35.675213, 135.287232)
▶︎交通:由天橋立、宮津搭乘丹後海陸交通嘅巴士「伊根・蒲入・経ヶ岬線」前往伊根町,可以上官網查詢時間表。
▶︎官網:伊根町觀光協會
番外:丹後鐵道
圖片來源丹後半島係京都府最大嘅半島,以絕美海岸線著稱,距離京都大約兩個半鐘車程,近年嚟漸漸吸引好多想嚟個京都近郊小旅行嘅遊客,但因為呢區嘅JR列車比較少,丹後鐵道就成為咗各位遊客往返丹後半島最常使用嘅交通工具。
上述提過嘅福知山、天橋立其實都係位於丹後鐵道嘅站點上面,而丹後嘅觀光列車更加吸引咗好多鐵道迷慕名而嚟。丹後觀光列車主要分為三種,分別係黑松號、赤松號同青松號,各有特色:
  • 黑松號:需要劃位預約,主打邊坐火車邊嘆美食。
  • 赤松號:自由席預約制,行駛區間為『西舞鶴─豊岡』,有海景睇。
  • 青松號:全車自由席,行駛區間為『天橋立─福知山/西舞鶴─福知山』,有海景睇。
▶︎交通:搭 JR 去「福知山駅 」或者「西舞鶴駅」,再轉乘京都丹後鐵道列車。
▶︎官網:京都丹後鐵道
推薦票券
去得呢啲京都近郊地區交通上嘅花費當然會唔細,所以小編都專登整理咗以下幾張票券比大家參考下~
  • 下鴨神社、河合神社:京都市巴士一日券(500円,搭超過兩轉以上嘅巴士就會回本)
  • 貴船+鞍馬一日遊:巴士&叡電嘅鞍馬貴船當天往返票(可以自由搭京都市巴士、京都巴士、京阪電車、叡山電車之有效使用區間電車。)
  • 宇治、伏見一日遊:宇治・伏見 1-day Ticket(京阪電鐵推出,可以宇治+稲荷大社一起玩!)
  • 比叡山一日遊:比叡山一日券(有效區間內的京阪電車、叡山電車、叡山登山車、叡山纜車、比叡山内shuttle bus可自由搭乘)
  • 丹後、天橋立一齊去:丹後・天橋立伊根周遊券(有效區間內嘅丹後海陸交通巴士、天橋立觀光船、天橋立纜車及吊椅、伊根灣めぐり觀光船)
  • 懶人必備,關西地區有呢張就夠!:關西廣域周遊券(JR關西區域、丹後鐵道)
賞楓推薦
又就嚟到楓葉嘅季節,想一次過去多個京都近郊景點賞楓,但又驚景點相隔太遠、唔想煩規劃交通嘅話,參加一日或半日賞楓團會係個唔錯嘅選擇!可以坐旅遊車輕鬆直達賞楓點,亦會帶你品嚐當地嘅美味佳餚~
京都賞楓之選:
▶︎【京都賞楓一日遊】帶你去比叡山延歷寺・三千院・大原楓林散步
▶︎【京都賞楓半日遊】夜遊紅葉名所・隨心院・醍醐寺・醍醐御膳晚餐
▶︎【關西巴士一日遊】嵐山・東大寺・奈良公園
出發去日本/大阪/京都?睇埋就令旅程更輕鬆:
▶︎【日本行程安排攻略!】全國JR PASS使用須知
▶︎【旅遊達人推薦】日本必備交通App
▶︎【日本京都】三小時嵐山散步遊
▶︎【日本|大阪】保證高質! 大阪十大必食拉麵

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
FacebookInstagramYouTube旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→