【日本東京】流行最前線 原宿表參道總攻略 文字


緊貼住日本潮流嘅你,應該對原宿唔會陌生!竹下通有咩舖頭好行?有邊啲令日本少女瘋狂不已嘅美食甜品呢?表參道嘅人氣美食你又識幾多?依家就跟KKday讀熟佢啦!
一、原宿、表參道點樣去?
圖片來源 | KKday原宿表參道一帶係東京著名嘅鬧市之一,所以有好多電鐵或地下鐵都有經過呢度,交通十分方便。
JR山手線
東京Metro地下鐵
—東京Metro千代田線、東京Metro副都心線嘅明治神宮前站
—東京Metro銀座線、千代田線、半藏門線嘅表參道站
二、原宿周圍景點
1. 明治神宮

圖片來源 | Shutterstock明治神宮係供奉明治天皇同埋昭憲皇太后靈位嘅地方,係日本神道教嘅重要神社。每年除夕(新曆12月31日)日本民眾都會前往各地神社準備新年參拜(日文稱為「初詣」),而明治神宮係東京地區初詣最熱門嘅地點。順帶一提,明治神宮門口嘅大鳥居使用嘅係自台灣丹大山樹齡1500年嘅扁柏。
▶︎地址:東京都澀谷區代代木神園町1-1 (座標:35.676406, 139.699358)
▶︎開放時間:日出到日落,會依季節有唔同嘅開放時間
2. 代代木公園(代々木公園)
圖片來源|Fotolia代代木公園以前係陸軍練兵場,戰後亦都做過美軍宿舍、奧運選手村嘅宿舍,之後慢慢轉型變咗做公園。代代木公園最大嘅特色就係無論係賞櫻花、銀杏、楓葉都好適合,如果係春天或者秋天去東京嘅話,小編極力推薦加埋代代木公園入你嘅行程裡面!
▶︎地址:Tokyo, Shibuya, Yoyogikamizonocho, 2−1(座標:35.671675, 139.694977)
▶︎開放時間:全日
3. 竹下通
圖片來源|KKday要去原宿行街,好多人第一個諗到嘅就是去竹下通!(小編舉手)呢條狹窄嘅商店街冇百貨公司,而係有好多特色小店賣時下最流行嘅服飾、雜貨、甜品等。如果認真行嘅話,就可能要行足成日,鍾意原宿流行嘅朋友絕對唔好錯過啊~
三、原宿必吃
1. 可麗餅

圖片來源|KKday到原宿就梗係要食下招牌甜品可麗餅啦~以薄薄嘅煎餅包住Cream同好多唔同嘅配料,有新鮮水果啦、芝士蛋糕啦、朱古力等等,一啖一啖食到停唔到口!原宿最出名嘅可麗餅店MARION CREPES同埋Angles Heart 兩間鋪喺正隔離,競爭相當激烈,大家都有自己嘅粉絲,邊間好食啲就見仁見智啦,等你親自去試過再話俾我哋知邊間先係NO.1啦!
【推薦店家:MARION CREPES】
圖片來源|KKday▶︎地址:東京都渋谷區神宮前1-6-15 ジュネスビル1F(座標:35.671247, 139.704942)
▶︎營業時間:10:00 – 20:00
▶︎詳細資訊:MARION CREPES官網
【推薦店家:Angles Heart】
圖片來源|KKday▶︎地址:東京都渋谷區神宮前1-20-6(座標:35.671299, 139.704769)
▶︎營業時間:10:30 – 22:00
▶︎詳細資訊:カフェクレープ 官網
2. 超大夢幻棉花糖
圖片來源|KKday呢排人氣爆登嘅夢幻甜點 – 超大彩色棉花糖,乜色都有仲要大過塊面,甚至可以做成心心形,IG打卡呃like超級可愛,絕對係日本女仔嘅甜品新寵,連人氣日本節目《人類觀察》都呢間店取景!

而賣棉花糖嘅舖頭就位於竹下通ETUDE HOUSE上面嘅TOTTI CANDY FACTORY,唔只有超人氣棉花糖,仲有賣好多五顏六色嘅糖,實在忍唔到手買買買~
圖片來源|KKday但由於棉花糖真係太靚個個爭住影,會容易造成其他鋪頭同客人嘅困擾,所以要留意返喺附近樓梯、其他鋪頭嘅出入口,甚至係日本女生最愛嘅貼紙相機度攞住巨型棉花糖影相都係唔得㗎
【TOTTI CANDY FACTORY】
▶︎地址:東京都渋谷区神宮前1-16-5 RYUアパルトマン2F(座標:35.671169, 139.704587)
▶︎營業時間:09:30 – 20:00(假日)
10:30 – 20:00(平日)
10:30 – 19:00(冬季平日11、12、1月)
▶︎詳細資訊:TOTTI CANDY FACTORY官網
3. Calbee 現炸薯片
圖片來源|KKday大家對Calbee最有印象應該都係薯條三兄弟啦~但其實Calbee都有推出好多好食嘅零食,而且為咗提高品牌嘅辨識度仲設計咗好多可愛嘅角色人物。而喺Calbee實體店「Calbee+」唔只可以買到超可愛嘅周邊商品,千祈唔好唔記得食新鮮炸出嚟嘅薯條或薯片啊!
小編超推薦原宿店限定嘅楓糖奶油芝士薯片,完全係黃金組合啊~
【Calbee+】
▶︎地址:東京都渋谷区神宮前1丁目16-8(座標:35.671050, 139.704937)
▶︎營業時間:9:30 – 20:30
▶︎詳細資訊:Calbee官網四、原宿必逛
1. WEGO

圖片來源|KKdayWEGO係日本原宿系服飾品牌,價錢唔會好貴,所以非常受日本大學生歡迎,喺好多日本流行雜誌如Vivi、Seventeen、Popteen等都一定會見到呢個牌子。小編最推薦嘅係WEGO嘅配件,無論係手袋、鞋、頸鏈都好有特色,小編每次見到都忍唔到手啊~
圖片來源|KKday
【WEGO 原宿本店】
▶︎地址:東京都渋谷区神宮前6-5-3 イベリアビル1F・2F(座標:35.667942, 139.705330)
▶︎營業時間:10:00 – 21:00

【WEGO 原宿竹下通り店】
▶︎地址:東京都渋谷区神宮前1-8-2 SoLaDo原宿B1F(座標:35.670357, 139.706280)
▶︎營業時間:10:30 – 20:30(平日)10:30 – 21:00(假日)
2. W♥C
圖片來源|KKdayW♥C係原宿發起嘅服飾品牌,都係WEGO嘅合作夥伴,以蘇格蘭格紋同鮮艷色彩做主題,誇張嘅粉紅色都係W♥C嘅特色,甚至捧咗人氣店員ぺえ(Peey)成為日本綜藝節目嘅新寵兒。最近仲有同Estherloveyou兔兔合作,超可愛嘅服飾真係睇到都想尖叫~
【W♥C 原宿竹下通り店】
▶︎地址:東京都東京渋谷区神宮前1-19-5(座標:35.671429, 139.703939)
▶︎營業時間:10:30 – 20:30
▶︎詳細資訊:W♥C 推特
3. SPINNS
圖片來源|KKday跟住呢間都係超級平價嘅原宿服飾店SPINNS,風格同WEGO有啲類似,好多元化。除咗有雜誌上嘅最新潮流,呢度仲可以搵到真正嘅潮流復古衣著,但古著方面同下北澤、高圓寺又唔係太一樣,會係比較偏童趣俏皮嘅感覺。
圖片來源|KKday【 SPINNS原宿竹下通り店】
▶︎地址:東京都渋谷区神宮前1丁目7-1 Cute Cube Harajuku 2F(座標:35.670812, 139.705497)
▶︎營業時間:10:00 – 20:00
▶︎詳細資訊:SPINNS官網
五、表參道、明治通り必吃

如果話竹下通係適合年輕學生嘅血拼天堂,咁表參道就好適合20、30歲嘅男女購物、傾下計放鬆下嘅最佳地方。呢度唔只有好多出名嘅早午餐、咖啡店,仲有好多高級精品店可以行下,跟住我地一齊睇下啦!
1. Bills鬆餅
圖片來源|Ashley Hsu
Bills可以話係冇人未聽過嘅鬆餅店喇!只要有朋友去日本旅行,都會影張ricotta hotcakes蜂蜜奶油香蕉鬆餅嘅打卡相。不過呢個睇落普普通通嘅鬆餅,到底有咩咁吸引呢? 原來關鍵就係鬆餅入面加咗里考塔(ricotta)綿羊奶做嘅芝士,令到Bills鬆餅特別鬆軟綿密,趁熱加上糖漿同新鮮嘅香蕉,真係令人食過尋番味!
▶︎地址:東京都渋谷区神宮前4-30-3 東急プラザ表参道原宿7F(座標:35.668726, 139.705986)
▶︎營業時間:8:30 – 23:00
▶︎詳細資訊:Bills 官網
2. 文具咖啡廳(文房具カフェ)
圖片來源|KKday小編依家要介紹嘅呢間咖啡廳相信會令好多日本文具愛好者暴動,呢間喺表參道靠近青山通り附近嘅文具咖啡廳,周圍擺咗各樣文具同相關書籍俾客人睇,當然都有原創文具可以直接買。呢度嘅咖啡同食物種類同樣豐富,仲有文具造型嘅小餅乾,超級可愛!用餐環境好安靜舒適,好適合花一段時間喺入面飲下咖啡放鬆下。
唔只有文具造型嘅食物,仲有食物造型嘅可愛文具!好似係呢個豆腐造型嘅便條紙,自己收藏又得,送俾人做手信又得。
▶︎地址:東京都渋谷區神宮前4-8-1 內田ビルB1F(座標:35.668152, 139.711796)
▶︎營業時間:10:00 – 23:30(L.O. 21:00)
▶︎詳細資訊:文具咖啡廳官網
3. Eggs’n Things 鬆餅
圖片來源|Ashley Hsu相信好多人睇到上面呢一堆cream已經嚇到打倒褪!呢間Eggs’n Things鬆餅店自夏威夷,超多驚人嘅cream就係佢最大嘅特色,但cream咁多都唔會覺得好甜好膩,同一般蛋糕嘅cream唔同,推薦大家可以試下!Eggs’n Things嘅裝修同店員衣著都係夏威夷風格,冇去過夏威夷嘅朋友都可以嚟呢度享受下夏威夷風情~
▶︎地址:東京都渋谷区神宮前4-30-2(座標:35.668581, 139.706245)
▶︎營業時間:8:00 – 22:30(L.O. 21:30)
▶︎詳細資訊:Eggs’n Things 官網
4. Luke’s Lobster 龍蝦堡
圖片來源|KKday唔洗坐長途機飛去美國,紐約超有名嘅Luke’s Lobster 龍蝦堡喺東京表參道就食到啦!凍凍哋嘅龍蝦肉夾埋啱啱焗好嘅麵包,冷熱交加嘅口感超級正,再加上龍蝦肉開份量超多,果然係名副其實嘅表參道人氣排隊美食!
圖片來源|Su
▶︎地址:東京都渋谷区神宮前6-7-1(座標:35.667301, 139.706247)
▶︎營業時間:11:00 – 20:00
▶︎詳細資訊:Luke’s Lobster 官網
六、表參道、明治通り必逛
1. 原宿Laforet

圖片來源|KKday嚟到原宿,必逛嘅百貨非Laforet莫屬!原宿Laforet有齊依家原宿最流行嘅服飾,例如女裝品牌Ank Rouge、日系雜貨Swimmer等,仲有國外國內化妝品精選店Beautik,行大半日都冇問題~特別嘅係,地下1.5樓有好多蘿莉塔風格嘅服飾店,想要搵呢類型服飾嘅朋友一定要嚟呢度尋寶啊!
圖片來源|KKday▶︎地址:東京都渋谷区神宮前1-11-6(座標:35.669106, 139.705378)
▶︎營業時間:11:00 – 21:00
▶︎詳細資訊:原宿Laforet官網
2. Kiddy Land
圖片來源|KKday無論大小朋友都會淪陷喺裡面嘅Kiddy Land係表參道指標性嘅大型玩具店,總共有五層樓,人氣卡通Snoopy、迪士尼系列、Hello Kitty、鬆弛熊等嘅周邊商品區域分咗喺唔同嘅樓層,甚至連地方吉祥物船梨精都有自己嘅周邊區域。無論係自己買得開心,定係買當手信都超級適合!
▶︎地址:東京都渋谷区神宮前6-1-9(座標:35.667733, 139.706548)
▶︎營業時間:11:00 – 21:00(平日)10:30 – 21:00(假日)
▶︎詳細資訊:Kiddy Land官網
3. 表參道 HILLS
圖片來源|KKday由日本建築師安藤忠雄所設計嘅建築物表參道 HILLS,狹窄細長嘅建築入面有螺旋式斜路,可以由上至下沿住斜路行街買嘢。HILLS入面總共大約有100間店舖進駐 ,集結咗好多高級時尚小店同流行品牌,鍾意追求時尚嘅話,呢度絕對會令你難離難捨,想抱緊些!
▶︎地址:東京都渋谷区神宮前4-12-10(座標:35.667167, 139.709042)
▶︎營業時間:
購物 11:00 – 21:00(週日至20:00)
餐廳 11:00 – 23:30(週日至22:30)
咖啡廳 11:00 – 22:30(週日至21:30)
▶︎詳細資訊:表參道 HILLS官網
去東京你一定需要佢:
▶︎到東京這張卡絕對不能少~~
▶︎只要有這張東京地鐵讓你坐到爽!
第一次去東京唔知點算?快啲睇下:
▶︎【機場交通】成田、羽田機場至東京市區交通總整理
▶︎【市區交通】交通好複雜?搞懂這6點輕鬆遊東京!
▶︎【拉麵推介】餓底日誌之東京尋找拉麵之旅
▶︎【動漫聖地】秋葉原ACG朝聖之旅
▶︎【東京台場】交通景點總攻略
▶︎【東京台場】大江戶溫泉物語懶人包介紹
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→