【日本沖繩】十大必食+必買手信 文字


沖繩有咩出名嘅手信同小食係唔可以錯過架呢?而家就等KKday詳細為你介紹啦!
一、石垣牛
圖片來源石垣島氣候溫暖、養牛業盛行,特產嘅黑毛和牛,肉質鮮美多汁,入口即溶,係必食嘅鮮美食材。上等嘅肉品,簡單調味後,放到鐵網上炙烤,絕對係嚟石垣島上最被推崇嘅美食之一。
推薦店家:金城燒肉
二、紫薯撻
圖片來源嚟到沖繩,一定會見到各種紫薯做成嘅甜品,而紫薯撻更係其中被公認為最有代表性嘅土產,撻皮香酥、餡料甜而不膩,小包裝送禮自食兩相宜!
另外,紫薯做成嘅餅乾、雪糕、年糕等,都值得品嚐一下喔!
三、海葡萄
圖片來源海葡萄係一種食用海藻,睇起嚟好似迷你版嘅綠葡萄,食起嚟就似魚子,所以都有「綠色魚子醬」之稱。鍾意嚐鮮嘅朋友仔,嚟到沖繩一定要食一碗海葡萄魚生丼飯~
四、黑糖
沖繩溫暖潮濕嘅氣候帶動咗呢度嘅製糖產業,將甘蔗以不漂白嘅方式,製成內含豐富鐵、鈣質嘅黑糖,係好多人嚟沖繩必買嘅手信。
五、阿咕豬
圖片來源阿咕豬相傳係喺14世紀、沖繩仲係被稱為「琉球」嘅時候從中國傳到島上,其體型比普通嘅豬細小,生長繁殖較慢,又被稱為沖繩嘅「島豬」。而阿咕豬因為肉質軟嫩、冇乜腥味、肥而不膩、低膽固醇等特性,成為咗珍貴嘅肉品。 (睇相已經好想食!)
六、金楚糕
金楚糕,又名珍楚糕,係由豬油、雞蛋、麵粉同黑白糖燒制而成,食落去感覺甜甜粉粉,係沖繩嘅傳統菓子。從琉球王國時期流傳至今,係受旅人喜愛嘅高人氣小食。
七、泡盛辣椒
圖片來源用泰國米蒸餾製成嘅泡盛酒,同小辣椒浸泡一齊之後,就成為咗酒香四溢嘅「泡盛辣椒」喇!不論係拌麵、炒菜、定調味,都非常適合喔!
八、沖繩麵
圖片來源沖繩麵,又稱琉球麵,唔用傳統嘅蕎麥同麵粉製作,而係將小麥粉加工而成,係琉球料理嘅特色菜之一。
九、菠蘿
圖片來源沖繩以生產釋迦菠蘿為主,產量係日本第一。喺呢度,從新鮮嘅水果到加工品、手信都可以見到佢嘅影子,想要了解更多嘅話,仲可以拜訪「名護菠蘿園」呢個以菠蘿為主嘅觀光園區,開住可愛菠蘿造型嘅車聽多國語言解說!
十、Orion啤酒
圖片來源最後,旅行點少得酒精?Orion係沖繩啤酒第一品牌,不論係餐廳、便利店都會見到佢嘅影子。有咩美好得過一邊吹住海風聽浪,一邊嘆住沁涼嘅啤酒同旅伴談心?
今次嘅沖繩十大必吃就介紹到呢度,大家玩得開心之餘,亦都要用地道嘅沖繩美食餵飽肚皮!
▶︎美味晚宴:在夕陽的時候搭船出海,享受美食盛宴!
▶︎延伸閱讀:沖繩還能這樣玩!

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→