【日本環球影城】期間限定!聖誕跨年全攻略

跟著KKday去旅行 於 16/11/2017 發表 收藏文章

話咁快就11月,一年容易又年尾,咁代表⋯好快就到聖誕節同元旦!喺呢兩個最令人期待嘅節日,日本環球影城已經為各位準備咗最精彩嘅特別活動!除咗聖誕期間限定嘅全新巨大聖誕樹同Minions派對之外,2018跨年派對都係今年聖誕嘅重頭戲,快啲嚟睇下點通宵玩轉日本環球影城!
1. 環球奇幻聖誕節
圖片來源|日本環球影城講到聖誕節,第一時間梗係會諗起聖誕樹!日本環球影城嘅聖誕樹曾經被譽為一生人一定要睇一次,而今年日本環球影城推出嘅全新聖誕樹有成30米高,同樣好令人期待!
#天使的奇蹟III ~The Voice of an Angel~
圖片來源|日本環球影城日本環球影城獨有嘅『天使的奇蹟III ~The Voice of an Angel~』係一個結合咗燈光同歌舞嘅空中表演,仲係獲得全世界最高殊榮獎項嘅聖誕表演Show,嚟到千祈唔可以錯過!
圖片來源|日本環球影城▶︎ 地點:紐約區 (格拉梅西公園附近)
▶︎ 時間:1日舉行1-2次,約25分鐘(舉辦次數同時間因日而異)
#Minions聖誕瘋狂派對
圖片來源|日本環球影城今年係Minions園區第一次搞嘅聖誕活動!係日間巡遊,會有「犀利哥」同一班Minions帶聖誕帽同大家開派對~
▶︎ 地點:好萊塢區
▶︎ 時間:1日舉行1-2次(舉辦次數同時間因日而異)
圖片來源|日本環球影城除咗聖誕活動,仲有聖誕限定嘅Minions嘅精品,全部都好吸引,好想買晒佢地返屋企!
圖片來源|日本環球影城Bob攬住雪人公仔嘅爆谷桶超可愛,一定要買嚟收藏〜
2. 霍格華茲魔法之夜~冬季魔法
圖片來源|日本環球影城霍格華茲城堡嘅城堡Show,重現咗哈利波特電影入面嘅聖誕舞會場景,結合咗交響樂、故事情節、動畫同燈光,組成超級精彩嘅魔法盛宴。
▶︎ 地點:哈利波特魔法世界
▶︎ 時間:2017 年 11 月 10 日~2018 年 2 月 28 日
#聖誕期間限定!『活米村』魔法體驗
圖片來源|日本環球影城「去去武器走!」身為一個專業嘅巫師,剩係識一句咒語點夠?喺聖誕期間,各位霍格華茲嘅學生可以喺活米村嘅魔法聖誕樹大展身手。只要一路揮動專用嘅魔法棒,一路講咒語「LOCOMOTOR」,聖誕樹嘅飾品就會移動;講「LUMOS」嘅話,聖誕樹就會發光,一齊去做巫師啦!
圖片來源|日本環球影城要注意,呢個體驗要用到專用魔杖「魔法棒」,而魔杖會喺奧利凡德商店™等等有售。
▶︎ 地點:哈利波特魔法世界活米村
▶︎ 時間:2017 年 11 月 10 日 – 2018 年 1月 8 日
#季節限定餐飲: 熱奶油啤酒
圖片來源|日本環球影城喺哈利波特魔法世界入面,奶油啤酒係一種好受歡迎嘅飲品。而喺冬天,活米村可以買到熱嘅奶油啤酒,夠晒特別!
▶︎ 地點:三根掃帚™、豬頭酒吧、移動攤販
3. 環球跨年派對 2018 超人氣遊樂設施 26 小時無限次乘坐!
圖片來源|日本環球影城仲諗緊今年年尾去邊度倒數、跨年?不如去日本環球影城啦!除咗有震撼嘅煙花同精彩表演之外,最緊要就係有Minions陪你倒數!同Minions一齊嗌「5、4、3、2、1」,諗起都興奮!不過12月31日嘅普通門票只可以玩到17:00,如果想參加跨年派對就要另外買飛啦~
▶︎ 時間:2017年12月31日 19:00 – 2018年1月1日 2:00
圖片來源|日本環球影城諗住倒數完就走?嚟得梗係要通宵留喺度玩盡佢啦!平時好受歡迎嘅Minons瘋狂乘車遊、哈利波特禁忌之旅同蜘蛛俠驚魂歷險記乘車遊4K3D等嘅熱門遊戲設施全部都可以由除夕夜晚7點玩到元旦夜晚9點,係!無!限!次!仼!玩!
▶︎ 時間:
2017年12月31日 19:00 – 2018年1月1日 21:00(擁有派對入場券者)
2018年1月1日 2:00 – 2018年1月1日 21:00(1月1日有效嘅各種園區入場券擁有者)
▶︎ 【跨年派對】日本環球影城™ 跨年派對門票
以上就係2017年日本環球影城冬季特別活動嘅消息,無論係聖誕定新年活動都好吸引好心動!快啲訂機票訂飛,去日本環球影城過一個與別不同嘅聖誕新年啦!
想去日本環球影城玩,但係訂飛好煩好複雜?KKday都幫你準備好喇~
▶︎【官方授權】日本環球影城® 電子門票
▶︎【官方授權】日本環球影城®門票+快速® 通關
▶︎【官方授權】日本環球影城®VIP入園手環+阿倍野HARUKAS展望台門票
諗住去大阪玩唔知可以去邊?你可以睇埋:
▶︎【冬遊日本|關西】 新手上路滑雪推介
▶︎【日本|大阪】不能錯過人氣美食
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區
【Budweiser發光打氣杯 陪你嗌足六十四場!】

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→