【日本環球影城】2017聖誕節最強攻略 文字


期待已久嘅日本環球影城聖誕節限定活動喺10/11正式登場啦!有限定遊行、限定表演、限定美食仲有限定商品嘅超精彩限定活動,2017到底有咩亮點呢?KKday編輯搶先直擊,帶俾大家第一手嘅心得體驗,快啲睇睇今年聖誕節嘅日本環球影城應該點玩啦!
#環球奇幻聖誕節限定活動
【Minions瘋狂派對】
圖片來源|日本環球影城今年好多人嚟日本環球影城就係為咗今年四月先開幕嘅Minions主題園區,唔知聖誕節嘅Minions瘋狂派對有冇更加吸引大家嚟玩呢?Minions組成遊行隊伍帶大家灑雪花、玩氣球,由朝頭早到夜晚都感受到聖誕節歡樂氣氛!
圖片來源|日本環球影城▶︎活動地點:荷李活區
▶︎活動期間:2017年11月10日~2018年1月8日
▶︎遊行時間:每日舉辦1至2次,時間每日唔同,去之前可以上官網確認~
【天使的奇蹟Ⅲ~The Voice of an Angel~】
圖片來源|KKday呢場show係小編我自己最最最期待嘅,佢亦都係近幾年吸引咗咁多人去日本環球影城過聖誕嘅原因之一!如果你話呢場係聖誕最強表演真係一啲都唔過份,『天使的奇蹟III ~The Voice of an Angel~』唔只可以睇到最具震撼力嘅燈光、音樂、舞蹈表演,壓軸仲可以睇到全新聖誕樹嘅點燈同埋煙花,絕對值回票價!
圖片來源|KKday美聲音樂再加上精緻嘅表演設計,睇完真係好似俾天使祝福咗嘅感覺,尤其係最後▶︎有聖誕樹形狀嘅煙花,畫面超震撼!
圖片來源|日本環球影城▶︎活動地點:紐約區
▶︎活動期間:2017年11月10日~2018年1月8日
▶︎遊行時間:每日舉辦1至2次,每次約25分鐘,時間每日都唔同, 可以上官網確認
#冬季哈利波特魔法世界
【活米村聖誕樹】
圖片來源|KKday魔法世界嘅冬天特別迷人!尤其喺全年有雪嘅活米村裏面感覺更加有聖誕節嘅氣氛!而且除咗全日本最高嘅聖誕樹之外,活米村裡面亦都擺咗一座充滿神奇魔法嘅聖誕樹!
圖片來源|KKday當你用專用嘅魔法棒再讀出魔咒「LOCOMOTOR」,聖誕樹嘅飾品就會郁;讀「LUMOS」嘅話,聖誕樹上嘅蠟燭就會發光!提提大家,學魔法係需要慧根同耐性㗎!不過唔洗擔心嘅,老師會好親切同有耐心指導大家,讀完咒語冇反應千祈唔好輕易放棄呀!
▶︎溫馨提示:魔法棒可以喺奧利凡德商店™等場所購買。
▶︎
活動地點:哈利波特魔法世界活米村
▶︎活動時間:2017 年 11 月 10 日~2018 年 1月 8 日
【霍格華滋魔法之夜~冬季魔法~】
圖片來源|KKday講到聖誕節特別表演當然就唔可以錯過霍格華茲城堡嘅光影show啦!同萬聖節期間嘅催狂魔唔同,聖誕節梗係行返溫馨溫暖路線,由小型舞台劇加埋城堡嘅光影互動,超有聖誕氣氛~城堡上嘅光影會透過演員嘅魔法推進,呈現一層一層唔同嘅風貌,包你睇完show同小編一樣有幸福嘅感覺!
圖片來源|KKday▶︎地點:哈利波特魔法世界
▶︎時間:2017 年 11 月 10 日 – 2018 年 2 月 28 日
#聖誕節限定美食
小編前前後後都去咗日本環球影城5次,但係每次都係會俾佢哋嘅食物surprise到!以往大家都覺得樂園嘅嘢食普普通通,但我敢保證日本環球影城嘅嘢食一啲都唔馬虎!
【Minions樂園:造型夾心餅乾】
圖片來源|KKday圖片來源|KKdayBello!!!第一站要帶大家食嘅係Minions造型夾心餅乾,圓圓黃黃大眼睛,小編都忍唔住相機食先,因為實在太~可~愛啦!
圖片來源|KKday有別於夏天嘅雪糕餡,冬天嘅聖誕節限定版本裡面夾嘅係當造士多啤梨,再配埋Cream同吉士醬,酸酸甜甜咁食落一啲都唔膩。而且打開佢準備影相嗰一下小編我是震驚的,因為佢哋連啲餡都唔係求其擺!一打開發現啲士多啤梨同Cream擺到整整齊齊超靚,食落仲啖啖都一定咬到士多啤梨,話佢內外兼備一點都不為過!
▶︎販售地點:Minion樂園
▶︎售價:日幣 600
【影城巨星餐廳/聖誕節特別套餐】
圖片來源|KKday荷李活影城巨星餐廳嘅拿手招牌菜:漢堡扒喺今次聖誕節推出左蜜醬同白醬嘅特別套餐!漢堡扒超Juicy,唔會又乾又硬,加埋半熟蛋淋喺白飯上面,嘩正啊!食量細嘅擔心白飯太多食唔晒都可以將主食轉麵包,用麵包點汁都好好食~
圖片來源|KKday套餐除咗有漢堡扒、主食白飯或者麵包、一杯嘢飲,仲會有可愛嘅Minions造型mousse蛋糕,當然就係香蕉味啦!
圖片來源|KKday如果套餐裏面嘅Minions mousse蛋糕滿足唔到你嘅話,咁就一定要試下呢個:聖誕節推出嘅限定造型瑞士卷!
▶︎餐廳地點:荷李活區 影城巨星餐廳
▶︎售價:日幣 2,190
【聖誕饗宴、奶油啤酒-熱飲】
圖片來源|KKday哈利波特魔法世界裏面,活米村嘅三支掃把都係園區必到景點,嚟到一定要試試巫師、女巫食嘅美食!
圖片來源|KKday當然,巫師都係要過聖誕節,野食當然仲靚仲豐富!聖誕饗宴一份餐有兩隻雞、兩種調味料、一大盤沙律、仲有好多款拌菜,真係見到都流晒口水!聖誕節係團聚嘅日子,無論係同家人定朋友食完呢餐一定又溫馨又滿足!再加上一杯奶油啤酒乾杯仲有feel!
圖片來源|KKday左邊冇泡嘅係熱奶油啤酒!
講到奶油啤酒,有睇哈利波特小說嘅一定會知道,當哈利、榮恩及妙麗喺冬天去活米村校外教學嘅時候,就一定要嗰三支掃把,再加上一杯熱嘅奶油啤酒暖下身。今次喺魔法世界裏面,我哋都可以飲到熱嘅奶油啤酒!同一般凍嘅奶油啤酒充滿泡嘅口感唔同,熱嘅奶油啤酒加左薑汁,唔會壓過經典味道,同時又好暖身。冬天嚟日本環球影城玩又怕凍嘅人不妨嚟飲返杯!
▶︎餐廳地點:哈利波特魔法世界 三支掃把
▶︎售價:聖誕饗宴 日幣 8,500/奶油啤酒−熱飲連杯 日幣 1,250
【聖誕節市集美食】
圖片來源|KKday正餐同正餐之間點少得零食,日本環球影城已經幫大家準備好唔同嘅聖誕節限定零食喺聖誕節市集等緊大家。
圖片來源|KKday
圖片來源|KKday
首先係嚟到樂園必食嘅火雞脾,聖誕節仲推出左限定版口味:芝士味!!!小編都係第一次食到煙燻原味加上芝士嘅火雞腿,芝士同原本調味夾埋一啲都唔奇怪,反而味道仲溫和,唯一要注意嘅係雞肉好容易癡牙,建議大家食完去廁所睇下,影相影埋就唔好啦!
圖片來源|KKday
圖片來源|KKday
熱朱古力甜筒小編都係第一次試,用餅乾做甜筒,一攞到手竟然係暖暖哋,最上層加埋燒棉花糖,軟綿綿嘅口感好正,仲有啲抹茶朱古力米同果醬,但唔會甜到好漏!中間段係粟米片加熱朱古力醬嘅絕佳搭配,最底仲有煉奶!!!好味之餘仲要好靚,非常適合影相呃like!
▶︎販售地點:聖誕節市集攤車
▶︎售價:芝士火雞脾 日幣950/熱朱古力甜筒 日幣500
#聖誕節限定商品
圖片來源|KKday各、位、觀、眾!!!萬眾期待嘅嘢出現喇!
【Minions爆谷桶】
圖片來源|KKday
圖片來源|KKday
如果你一季嚟一次日本環球影城,Minion爆谷桶會係你記錄回憶嘅最好方式,因為唔同節日Minions都會出新花樣!今次係Bob抱一隻小雪人頂住一頂聖誕帽簡直萌死人!如果全園區只可以帶走一款紀念品,小編一定揀佢呀!!!
▶︎販售地點:Minion樂園
▶︎售價:日幣 2,980
【聖誕節商品店】
圖片來源|KKday呢間聖誕節限定商品店大概係全園區聖誕限定商品最齊全,如果想買任何同聖誕節相關嘅商品就一定要嚟呢間掃貨!
圖片來源|KKday
圖片來源|KKday
小編就揀左幾樣同大家分享下,想知道所有產品就一定要親自去現場睇啦~呢隻長毛聖誕帽Snoopy係小編至愛!聖誕花圈嘅造型應晒節,買嚟掛喺門口睇到都好心情~
圖片來源|KKday
圖片來源|KKday
圖片來源|KKday
圖片來源|KKday
圖片來源|KKday
圖片來源|KKday
Minions系列絕對係成間舖嘅亮點,今年士兵造型嘅Minions商品比較多,個個都咁得意好難一個都唔買姐!
圖片來源|KKday
圖片來源|KKday
當然唔少得芝麻街啦,著住聖誕節限定嘅衫等住你哋去買佢哋返屋企!
圖片來源|KKday
圖片來源|KKday
最後呢組雪人系列都係小編嘅真心推薦!除左原本嘅Kitty、Elmo同Snoopy,連大白鯊同飛天翼龍都cosplay呀!
睇完係咪好想即刻飛去大阪環球影城過聖誕呢!把握機會,因為活動只會去到2018的1月8日,一定要趁住聖誕新年去,感受下入面嘅氣氛!

訂好去大阪嘅機票?咁就快啲買埋飛入日本環球影城啦!
▶︎【官方授權】日本環球影城® 電子門票
▶︎【官方授權】日本環球影城®門票+快速® 通關
▶︎【官方授權】日本環球影城®VIP入園手環+阿倍野HARUKAS展望台門票
▶︎【跨年派對】日本環球影城™ 跨年派對門票
準備去大阪過聖誕?不如睇埋:
▶︎【冬遊日本|關西】 新手上路滑雪推介
▶︎【日本|大阪】不能錯過人氣美食
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 80 個國家、500 個城市,為您搜羅超過 10,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
留言

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→