【日本私藏大公開】東京五大文青地 文字


各位身為雜物控、古著控、手作控嘅文青,KKday偽文青小編為大家準備左五大隱秘東京文青熱點!解放你心入面一直收埋嘅Shopping mode~~

一、中目黑

圖片來源
講到中目黑,大家多數嘅印象都係賞櫻好地點,但其實隱身係櫻花背後,更係一個尋寶嘅好地方!依度充滿住各式甜品店、設計師嘅手工品店同溫馨可愛嘅雜物店,黎到依到一定會令人忍不住一直shopping啊~
圖片來源
依到仲有各式各樣嘅雜貨書店,入面販賣嘅文具、筆記本,全部都係獨一無二。如果你係文具控,咁出門前一定要帶定足夠嘅銀藥喇!Cow books  同 traveler’s factory更加係好多文具控們必定要去朝聖嘅店鋪~
>> 點樣去中目黑?
如果你係搭地鐵嘅話,可以喺日比線或東急東橫線嘅「中目黑站」落車!
如果你係搭乘JR嘅話,要搭山手線到「目黑站」落車,之後行3至5分鐘就會到。
二、下北澤
圖片來源
如果你熱愛古著與雜物,第二個唔可以錯過嘅文青熱點,就非下北澤莫屬啦。離開東京市區,依到充滿有個性、特色嘅小店,真係想每間都想入去望下啊~
傳說依到嘅二手古著物,價錢都超級親民,就連日本嘅年輕人也都鍾意喺假日去下北澤尋寶!小編嘅日本朋友更大力推薦一間下北澤嘅東洋百貨店,入面有販賣各式手作雜物同二手衣物,除左價格便宜之外,佢嘅品質同設計都係一流!
>> 點樣前往下北澤?
可以搭小田急電鐵嘅小田原線 /  京王電鐵嘅井の頭線,到「下北澤」站落車。
三、2k540 AKI-OKA ARTISAN

圖片來源
唔知道大家有沒有聽過「職人」依個詞語呢?原來喺日本文化入面,「職人」代表住擁有一技之長、喺某一領域全心投入並具有高水準、技巧嘅人。而「2k540 AKI-OKA ARTISAN」就係一條專為「職人」而設計嘅街道。目前入面有十幾個品牌,商品涉及嘅範圍都好廣泛,例如有金工、木雕、草木染、陶瓷器、文化創意商品、雨傘等等,全部都有大師級嘅水準!
每間店鋪都係「職人」極具水準嘅設計坊,入面嘅商品全部都係高品質,而且大家仲可以同創作者互相交流添。
>> 關於職人設計街
營業時間:11:00 ~19:00,星期三固定休息。
交通:乘搭JR山手線,到「秋葉原駅」或「御徒町駅」,亦可以搭JR銀座線至「末広町駅」。
詳細資訊:2k540 職人設計街官網

四、東京蚤の市
圖片來源
東京蚤の市係東京最大規模嘅跳蚤市場,集結左來自日本各地200多家嘅市集商人,規模十分驚人!市集會用唔同嘅主題劃分每個店家,分成古董、復古、日式風格、歐美風格、文化創作等主題,各式各樣嘅商品都可以喺依到搵到。
東京蚤の市每年只會舉辦兩次,關東、關西各舉辦一次。而東京場就會喺5月13日、14日登場,錯過左就等多年架啦!
>> 關於東京蚤の市
活動日期:2017.05.13、2017.05.14
地址:東京都調布市多摩川4-31-1
交通:搭京王電鐵嘅京王線道,到「京王多摩川」站下車。
詳細資訊:東京蚤の市官網

五、三鷹之森吉卜力美術館
圖片來源
如果你係文青同宮崎駿迷嘅結合,咁三鷹之森吉卜力美術館絕對係你嘅天堂。館內展示左好多宮崎駿動畫入面嘅場景、人物,仲有各式各樣嘅互動體驗、動畫電影等緊你。最特別係館內仲展示左宮崎駿嘅一部份嘅手繪原稿,等你更接近大師嘅世界~
小編提醒:園區內一日分四次嘅入場時間,早上十點、中午十二點,同下午場嘅兩點同四點。門票係採用預約方式,會限制人流數目,所以去之前一定要先預約好喔!
>> 關於三鷹之森吉卜力美術館
營業時間:10:00 至 18:00
閉館日期:博物館逢星期二閉館!除了以下日期,25/7,15/8,26/12
地址:東京都三鷹市下連雀1丁目1-83 (位於都立井の頭恩賜公園西園附近)
交通:乘搭JR中央線,到「三鷹站」後,可選擇徒步(約15分鐘)或搭接駁巴士(喺三鷹站9號出口乘搭),接駁車需另外付費。
官網:三鷹之森吉卜力美術館

▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→