【日本|大阪】不能錯過人氣美食 文字


嚟到大阪,喺咁多美食當前,唔知點揀好?無論係甜品、串炸定係燒肉,KKday都幫你整理好喇,跟著食絕對唔會錯!
1.Pablo 半熟芝士蛋糕
芝士控絕對抗拒唔到嘅大熱甜品就喺大阪!一口咬落即烤即做嘅蛋糕,爆出濃濃嘅芝士內陷,入口即溶,甜而不膩。如果唔鐘意太過爆漿嘅口感,都可以揀五分熟程度嘅蛋糕。雖然依家香港都開咗分店,但大阪店內嘅蛋糕口味每個月都會推出唔同嘅限定口味㗎,所以都一定要去食!
推薦店家:Pablo 新大阪站店
▶︎地址:大阪府大阪市澱川區西中島5-16-1 (座標:34.733852, 135.501822)
▶︎電話:+81 6-6885-8260
▶︎交通:JR新大阪站3F東口
▶︎營業時間:09:00-21:00
2.八重勝串炸
圖片來源|Fotolia參觀完大阪著名嘅通天閣,一定要去附近嘅新世界商店街,嗰度有好多平價嘅人氣美食,其中一定要試嘅就係串炸!將各式食材裹上麵粉炸得外酥內嫩,種類豐富,幾乎你諗到嘅食材都食得到。不過要注意,為咗衛生起見,串炸嘅醬料係唔可以重複沾取㗎!
推薦店家:八重勝炸串
▶︎地址:大阪府大阪市浪速區惠美須東 3—4—13(座標:34.649695, 135.505994)
▶︎電話:+81 6-6643-6332
▶︎交通:地下鐵御堂筋線 動物園前駅1號出口,步行約2分鐘
▶︎營業時間:10:30-21:30
3.原価燒肉(原価焼肉 コスコス)
圖片來源|Fotolia大阪係美食戰區,更加係肉食主義者嘅天堂。位於法善寺附近嘅原価燒肉,擁有多種肉類選擇,選用良好嘅肉質,比你一次食個飽!店內仲設有因應食量唔同嘅客人所適合嘅收費方式。而唔識用日文點餐都唔洗驚,英文、中文、韓文都可以溝通到。
推薦店家:原価焼肉 コスコス
▶︎地址:大阪府大阪市中央区難波1—1—5(座標:34.668154, 135.502823)
▶︎電話:+81 6-6484-0109
▶︎交通: 地下鐵御堂筋線 難波駅14號出口,步行約2分鐘
▶︎營業時間:星期一 17:00-24:00;星期二至星期日/假日 11:30-24:00
4.吉野鯗箱壽司(Yoshiko Sushi)
圖片來源|Fotolia平時我哋食開嘅一般壽司其實就係傳統嘅握壽司,而箱壽司就係大阪嘅特色美食啦!箱壽司係將新鮮食材鋪喺壽司米上面,放入小型木箱稍微輕壓,再切成塊狀。吉野壽司可以話係箱壽司嘅歷史名店,小巧精緻嘅形狀亦都好方便外帶食用,好多日本人都會買嚟送禮!
推薦店家:吉野鯗
▶︎地址:大阪府大阪市中央區淡路町 3—4—14(座標:34.687123, 135.501968)
▶︎電話:+81 6-6231-7181
▶︎交通: 地下鐵御堂筋線 淀屋橋駅11號出口,行大約4分鐘
▶︎營業時間:09:00-19:00 禮拜六日公休
5.大阪王將餃子(大阪王将)
圖片來源|Fotolia喺日本,餃子就係我哋俗稱嘅煎餃,成日會見到有拉麵或者白飯配餃子嘅食法,呢種飲食文化促使咗愈嚟愈多餃子專賣店嘅發展。煎到酥脆度啱啱好嘅餃皮,內餡就包滿咗豬絞肉同蔬菜,入口爽口又唔油膩,食到你停唔到口!
推薦店家:大阪王將 道頓崛本店
▶︎地址:大阪府大阪市中央区道頓堀1—6—13(座標:34.668892, 135.502053)
▶︎電話:+81 6-6213-0400
▶︎交通: 地下鐵御堂筋線 難波駅15號出口,行大約5分鐘
▶︎營業時間:11:00—04:30
6. 美津の大阪燒
圖片來源|Fotolia嚟到大阪又點可以唔試下地道嘅大阪燒?大阪燒又稱為御好燒、什錦燒或者隨意燒,滿滿嘅椰菜絲再加埋肉類、魚類同貝類等嘅材料放喺鐵板上面煎炒,剩係聞就令人忍唔住食指大動!位於道頓崛商店街入面嘅美津濃大阪燒更加係曾經出現喺美芝蓮指南推薦嘅食店嚟㗎!
推薦店家:美津の大阪燒
▶︎地址:大阪市中央區道頓堀1—4—15(座標:34.668413, 135.503236)
▶︎電話:+81 6-6212-6360
▶︎交通: 地下鐵御堂筋線 難波駅15號出口,行大約5分鐘
▶︎營業時間:11:00-22:00
7. たこ家道頓堀くくる 章魚燒
圖片來源|Fotolia章魚燒都係去大阪必食嘅美食之一!可能你哋會話好多地方都有章魚燒食,應該冇咩咁特別,但事實上大阪嘅章魚燒的確係有唔同㗎!唔同香港章魚燒統一嘅做法,大阪嘅章魚燒內餡係每間店都會有自己嘅特色,調味上亦都會有不同,咁到底有咩分別?呢個就要大家自己去試試先知啦!
推薦店家:たこ家道頓堀くくる 本店
▶︎地址:大阪市中央区道頓堀1—10—5 白亜ビル1階(座標:34.668798, 135.500986)
▶︎電話:+81 6-6212-7381
▶︎交通: 地下鐵御堂筋線 難波駅15號出口,步行約5分鐘
▶︎營業時間:週一至週四12:00-22:30;週五11:00-22:30;週日、國定假日11:00:21:30
8.一蘭拉麵(いちらんラーメン)
圖片來源|Fotolia拉麵應該可以話係日本美食嘅精神都不為過?無論你去到日本嘅任何一個城市,去食拉麵都係常識!其實喺香港食到嘅拉麵多數都已經為咗迎合香港人口味而作出過微調,所以嚟到日本不妨去試下地道同正宗口味嘅日本拉麵啦!
推薦店家:一蘭拉麵 道頓崛店
▶︎地址:大阪府大阪市中央区宗右衛門町7—18—1F(座標:34.669218, 135.503039)
▶︎電話:+81 6-6212-1805
▶︎交通: 地下鐵御堂筋線 難波駅15號出口,步行約5分鐘
▶︎營業時間:24小時(全年無休)
9.夫婦善哉紅豆湯(Meoto Zenzai)
圖片來源喺法善寺附近有一間帶有甜蜜傳說嘅百年甜品店,據講同另一半一齊分享呢份紅豆湯就可以保佑你哋感情一直甜甜蜜蜜~不過要記得遵守男左女右嘅食法呀!如果係單身嘅朋友都唔洗唔開心,因為單身嘅食完都會有好姻緣降臨㗎!
推薦店家:夫婦善哉
▶︎地址:大阪市中央區難波1–2–10(座標:34.667805, 135.502397)
▶︎電話:+81 6-6211-6455
▶︎交通:地鐵御堂筋線難波駅14號出口,行大約五分鐘
▶︎營業時間:10:00-22:00
10.黑門市場水產(黒門市場)
圖片來源|Fotolia有「大阪人嘅廚房」之稱嘅黑門市場,好行得嚟又乾淨通風,唔洗怕有傳統街市濕納納嘅地板同油膩嘅氣味,行入去就可以見到各式各樣嘅食材,特別係鮪魚、神戶牛同河豚等等,又平又新鮮。如果你係魚生丼飯嘅愛好者,咁小編特別推薦黑門三平,丼飯種類超級豐富!
推薦店家:黑門市場
▶︎地址:大阪府大阪市中央区日本橋2丁目4番1号(座標:34.665315, 135.506972)
▶︎電話:+81 6-6631-0007
▶︎交通: 搭地鐵千日前線 日本橋駅十號出口,行大約3分鐘
▶︎營業時間:大部份是09:00-18:00 (唔同店家營業時間可能會略有不同)
11.環球影城 奶油啤酒(バタービール)
圖片來源除咗Minion同Spiderman,嚟到環球影城又點可以錯過哈利波特嘅魔法世界!走入霍格莫德村,嚟一場禁忌之旅嘅同時都唔好唔記得去活米村飲杯奶油啤酒,呢款飲品冇酒精,就算係小朋友都可以放心飲。飲完仲可以帶埋隻杯返屋企做紀念!
推薦店家:日本環球影城 活米村
▶︎地址:大阪府大阪市此花區櫻島二丁目1番33號(座標:34.665481, 135.432296)
▶︎交通: 從JR「西九条」站出發,搭JR櫻島線去到環球影城站落車,行大約5-10分鐘
▶︎營業時間:08:30-21:00 (營業時間可能會有所變動,請參考官網)
▶︎ 【走進電影世界】大阪日本環球影城® 一日電子門票
▶︎【2017更新】日本環球影城 USJ 萬聖節活動全攻略!
你可能會需要:
▶︎【日本上網SIM卡】Softbank 7天網卡/ Docomo 8天網卡(香港機場領取)
▶︎【暗夜BUS】窺視大阪的夜晚・通天閣+新世界+天空之城
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→