【日本|東京】秋葉原ACG朝聖之旅 文字


秋葉原一直都被視為御宅族天堂同動漫聖地,佢同時作為世界屈指可數嘅電器街而聞名,亦都成為咗時下年輕人聚集嘅地方之一,每年都會吸引到大批動漫迷同遊戲迷嚟朝聖!小編大膽咁講,秋葉原可能唔係最主流,但絕對係日本最潮嘅地方之一,如果想了解日本嘅次文化,咁你記得將秋葉原Plan入你嘅東京行程入面!
#秋葉原
圖片來源|KKday秋葉原係日本年輕人次文化嘅大本營,係ACG迷嘅夢幻天堂,亦都有舉世聞名嘅電器街。但佢因為唔及東京其他地方咁主流,所以網上面嘅資訊可能會比較少,想去秋葉原朝聖但唔知由邊開始?想去買限量版Game但唔知由邊搵起?你又知唔知秋葉原除咗係ACG聖地,仲係一個美食天堂?就等KKday話你知點喺秋葉原食玩買到失心瘋啦!
1. 秋葉原點去?
圖片來源|Shutterstock去秋葉原嘅方法主要有JR、Metro(地鐵)同首都圈新都市鐵道。秋葉原位於JR山手線、京濱東北線同中央・總武線上,同東京、新宿係直通,如果你由銀座出發就可以搭地鐵。
圖片來源|KKday秋葉原最繁榮嘅地方喺電器街連接住中央通一路到「廣末町」站嗰段路,大部分必行大店、美食都集中喺呢條街上面,所以由車站出嚟嘅時候搵往「電器街口」嘅標誌就啱。
圖片來源|KKday▶︎JR:
(1) 搭京濱東北線去「秋葉原」站,經「東京」站。
(2) 搭山手線去「秋葉原」站,經「東京」站、「新宿」站同「池袋」站。
(3) 搭中央・總武線去「秋葉原」站,經「新宿」站、「吉祥寺」站。(JR東日本詳細路線圖
▶︎東京地下鐵:
(1) 搭乘日比谷線去「秋葉原」站,經「銀座」站。
(2) 搭乘銀座線去「末廣町」站,呢個站距離中央通同秋葉原電器街都很近。(東京地鐵詳細路線圖
▶︎Tsukuba Express:搭筑波快線去「秋葉原」站。
2. 必行必買
MANDRAKE Complex
圖片來源|KKdayMANDARAKE係一個有八層嘅大型二手動漫商品交易處,每層樓賣嘅野都唔同,而一樓就係收購處。除咗賣普通嘅動漫周邊之外,仲有機會可以搵到非常珍貴同難以入手嘅野,好似係早期絕版嘅漫畫、周邊,同一啲限量版商品咁,甚至仲有人曾經喺度買到過漫畫家嘅手稿,可以話係喺呢度冇野搵唔到、只有你諗唔到!
▶︎地址:東京都千代田區外神田3丁目11-12(座標:35.700365, 139.770512)
▶︎電話:+81 3-3252-7007
▶︎營業時間:12:00〜20:00
▶︎交通:「秋葉原」站徒步行5分鐘,「廣末町」站徒步行5分鐘
▶︎官網:MANDARAKE
Yodobashi Akiba
圖片來源|KKday呢度係秋葉原電器街規模最大嘅綜合電器購物中心,一共有九層,商品種類非常之齊全,但凡係你想搵嘅電器,包含相機、風筒等等⋯喺呢度都會搵到,一家人嚟嘅話分分鐘可以行成晚都行唔完!
▶︎地址:千代田區神田花岡町1-1(座標:35.698713, 139.774760)
▶︎電話:+81 3-5209-1010
▶︎營業時間:09:30~22:00
▶︎交通:「秋葉原」站徒步行2分鐘
▶︎官網:Yodobashi Akiba
無線電會館
圖片來源|KKday無線電會館係距離電器街口非常近嘅購物商場,有將近30間餐廳同店舖進駐,雖然大多數人對佢嘅印象都係電器舖,但其實入面賣動漫相關產品嘅舖頭都唔少,所以都吸引咗好多鐘意模型Figure同動漫周邊商品嘅遊客嚟呢度尋寶。
▶︎地址:東京都千代田區外神田1-15-16(座標:35.697911, 139.771962)
▶︎營業時間:10:00〜20:00(B1F 11:30〜23:00)
▶︎交通:「秋葉原」站徒步行2分鐘
▶︎官網:Radio Kaikan
秋葉原UDX
圖片來源|KKday秋葉原UDX係秋葉原嘅大地標,佢係秋葉原文化發送嘅複合型辦公室,進駐咗餐廳、商店、劇場等等嘅商戶。呢度四樓嘅東京動漫中心都係御宅族聖地,佢就好似動漫情報站咁,周不時都會舉辦動漫作品嘅原畫展示會、作品慈善拍賣活動等等,仲會定期舉辦主題性動畫展覽,亦都設置咗好多螢幕長期提供最新動畫情報,有時錄音室仲會有慈善嘅小型演唱會。
▶︎地址:東京都千代田區外神田4-14-1(座標:35.700617, 139.772556)
▶︎電話:03-5289-0989
▶︎交通:「秋葉原」站徒步行4分鐘
▶︎官網:UDX
Sofmap
圖片來源|KKdaySofmap喺秋葉原總共有四間分店,本館、Amusement、秋葉原☆sofmap同回收綜合館四間分店分別賣家庭電器、遊戲動畫、動漫周邊商品同二手商品,可以話係一次過將秋葉原特產包攬晒!而且四間分店都集中喺中央通上面,所以行起嚟好方便,四號店地下一樓仲增設咗免稅區,大受外國人歡迎。
▶︎地址:
(本館)東京都千代田區外神田4-1-1(座標:35.699700, 139.771598)
(Amusement)東京都千代田區外神田1-10-8(座標:35.698906, 139.770997)
(秋葉原☆sofmap)東京都千代田區外神田3-13-12(座標:35.700335, 139.771171)
(回收綜合館)東京都千代田區外神田3-13-8(座標:35.700607, 139.771243)
▶︎營業時間:11:00~20:00(本館平日)11:00~21:00(本館假日)10:00~21:00
▶︎交通:「秋葉原」站皆徒步行5分鐘內可到達
Super potato
你係咪遊戲迷呢?如果係嘅話小編就極力推薦呢間Super potato遊戲專賣店比你!呢度最特別嘅係佢有好多懷舊遊戲,佢珍藏咗早期任天堂第一代紅白機、超級紅白機、同大家細個玩嘅Game boy,好多依家已經難以入手嘅珍品都可以喺呢間舖頭見到,就算你唔係遊戲愛好者都可以喺呢度感受到時代科技嘅變遷。
圖片來源|KKday另外都好推薦大家去五樓玩下懷舊遊戲機~
圖片來源|KKday▶︎地址:東京都千代田區外神田1丁目11番2號 北林大樓3・4・5層(座標:35.699362, 139.770729)
▶︎營業時間:11:00〜20:00
▶︎交通:「秋葉原」站徒步行4分鐘
▶︎官網:Super potato
AKB48劇場
圖片來源|KKday呢度係日本當紅偶像團體AKB48嘅活動據點,亦都係佢哋最初嘅起點。呢度會定期舉辦歌迷會、演唱會,依家已經成為咗秋葉原嘅地標之一。不過裡面只可以容納250人,所以想見自己偶像都經常一票難求。
▶︎地址:日本東京都千代田区外神田4丁目3−3ドン・キホーテ秋葉原 8F(座標:35.700755, 139.771820)
▶︎交通:「廣末町」站徒步行2分鐘,「秋葉原」站徒步行5分鐘
▶︎官網:AKB48
秋葉原扭蛋會館
圖片來源|KKday第一次行入大名鼎鼎嘅扭蛋會館多數都會比一排排嘅扭蛋機嚇親,呢度咁多扭蛋總有一款啱你心水,分分鐘扭到唔願走,絕對係必去嘅前五名!
圖片來源|KKday▶︎地址:東京都千代田区外神田3−15−5(座標:35.701843, 139.771295)
▶︎營業時間:11:00~20:00(週日)11:00~19:00
▶︎交通:「廣末町」站徒步行2分鐘,「秋葉原」站徒步行7分鐘
▶︎官網:扭蛋會館
Cosplay服裝店
圖片來源|KKday假日嘅秋葉原超精彩,因為你有機會見到好多妝容精緻嘅Coser將唔同嘅動漫角色重現,除咗搵佢哋影相交流之外,有冇諗過自己都cos埋你最鐘意嘅角色加入佢哋呢?
【驚安之殿堂 唐吉訶德5F】
秋葉原有超多cosplay服裝店,其中同AKB48劇場位於同一棟嘅唐吉訶德喺五樓嘅cosplay服裝店就最受歡迎,呢度賣嘅角色服裝應有盡有,超好玩!而其他樓層就賣雜貨、藥妝同唔少得意野,全部價錢都唔貴,鐘意尋寶嘅你一定唔可以錯過~
▶︎小編提醒:五樓有退稅櫃檯~
▶︎地址:日本東京都千代田区外神田4丁目3−3ドン・キホーテ秋葉原 5F(座標:35.700755, 139.771820)
▶︎營業時間:09:00〜05:00
▶︎交通:「廣末町」站徒步行2分鐘,「秋葉原」站徒步行5分鐘
ACOS
圖片來源若果話唐吉訶德5F係比入門Coser行,咁專業Coser就要去ACOS啦!AKIBA CULTURES ZONE五樓嘅ACOS所賣嘅Cosplay服裝非常專業,店入面有特定角色服裝、精緻嘅妝髮同隱形眼鏡等,如果你係Cosplay愛好者,咁呢度一定可以滿足你!
▶︎地址:日本東京都千代田区外神田1-7-6 AKIBAカルチャーズZONE(座標:35.699503, 139.770359)
▶︎營業時間:11:00〜21:30
▶︎交通:「秋葉原」站徒步行4分鐘
3. 必吃
秋葉原美食多到數唔晒,話晒都係年輕人嘅假日聚集地嘛,所以呢度嘅食肆除咗追求色香味,仲要創新、得意,咁先可以喺呢個一級戰區生存落去~
主題式Cafe
圖片來源|KKday主題Cafe係秋葉原嘅一大特色,各種以動漫或者Cosplay為主題嘅Cafe或者餐廳都集中喺秋葉原,係日本一種好特別嘅文化,有機會一定要嚟試下!
【@home cafe】
圖片來源|KKday「お帰りなさいませ~ご主人様!(主人,歡迎你返嚟~)」,都嚟到秋葉原,點都要體驗下女僕咖啡室!千祈唔好以為班女僕只係Cute就夠,真正專業嘅唔單止服裝要講究,更加會要求員工受過專業訓練,將角色發揮到極致,甚至仲經常會有各種嘅活動同舞台表演,而@home cafe算係呢區最具代表性嘅Cafe之一。佢嘅二店就喺AKB48劇場隔離,仲紅到國外,快啲體驗下女僕幫你喺蛋包飯上面簽名嘅感受啦!
圖片來源|KKday▶︎地址:
(本店)日本東京都千代田区外神田1−11−4 ミツワビル(座標:35.699604, 139.770739)
(二店)日本東京都千代田区外神田4丁目3−3 ドンキホーテ 秋葉原 店 5 階(座標:35.699604, 139.770739)
▶︎營業時間:平日11:00~22:00,假日10:00~22:00
▶︎交通:「秋葉原」站徒步行5分鐘內可到達
▶︎官網:@home cafe
▶︎秋葉原超值Maid Cafe 體驗夢幻次文化!
【鋼彈咖啡館】
圖片來源|KKdayGundam Cafe可以話係Gundam迷嘅聖地,由車站一行出嚟就可以見到,門口兩個大Gundam模型成為咗秋葉原嘅另類地標,咖啡店店員會著住駕駛員制服,對住你比出招牌敬禮,帶你回憶童年。呢度食物亦會以Gundam為主題,店入面展示咗好多Gundam模型,一定可以令Fans大飽眼福。
▶︎地址:東京都千代田區神田花岡町1-1(座標:35.699139, 139.772974)
▶︎營業時間:10:00~22:30
▶︎交通:「秋葉原」站徒步行2分鐘
▶︎官網:Gundam Cafe
【AKB48 Cafe & Shop】
圖片來源|KKday秋葉原話晒都係AKB48嘅起源地,所以喺呢度除咗AKB48劇場之外,仲有AKB48 Cafe & Shop!呢間Cafe絕對係AKB48 Fans必去,因為佢Cafe嘅Menu都係由AKB48成員親自構思嘅菜式,而且四周圍都會搵到成員嘅簽名同塗鴉、牆上面嘅電視亦會播AKB48嘅表演片段,仲會間唔中有Special Event,分分鐘會有成員親身現身!Shop嗰邊亦都有AKB48嘅相關周邊賣,係Fans就要去Cafe食完野再去買夠本先走~
▶︎地址:東京都千代田區神田花岡町1-1(座標:35.699033, 139.772959)
▶︎營業時間:11:00~22:00(五、六)11:00~23:00
▶︎交通:「秋葉原」站徒步行2分鐘
▶︎官網:AKB48 Cafe & Shop
受年輕人歡迎美食
要受年輕人追捧,唔單止要好食,仲要平靚正,咁大家行街嗰陣先可以輕鬆叉足電,滿足完個胃再趕去下個地方玩㗎嘛!
【博多風龍拉麵店】
圖片來源|KKday喺秋葉原中央通度好易見到博多風龍拉麵大大個招牌同小小嘅排隊人潮,呢間拉麵喺香港可能唔太出名,但就當地年輕人嘅心頭好之一,標榜好食、平、快,仲可以免費加麵,最適合買到荷包都扁埋但又要快速補充體力嘅學生黨。呢度嘅拉麵口味簡單,得豬骨同味噌味,但湯底就一啲都唔求其,大家行過都可以試下。
▶︎地址:東京都千代田区外神田3-15-6(座標:35.701864, 139.771399)
▶︎交通:「末廣町」站徒步行2分鐘,「秋葉原」站徒步行7分
▶︎營業時間:11:00~02:00,(日)11:00~20:00
【居酒屋放題きんくら酒場 金の蔵】
圖片來源|KKday嚟到日本想食居酒屋,又驚嗌嗌下Over budget?金之藏居酒屋就勁抵食,食同飲都係放題形式,而且串燒同刺身嘅肉質都好好,啱晒一大班年輕人聚餐傾計,喺日本當地好受歡迎,而酒方面都有好多選擇,就算唔好啤酒都可以嗌杯Cocktail。
圖片來源|KKday▶︎地址:東京都千代田区神田佐久間町1-24 ガトー秋葉原ビル2F(座標:35.698358, 139.775177)
▶︎交通:JR 「秋葉原」站步行1分鐘
▶︎營業時間:16:00~23:00
▶︎官網:きんくら酒場 金の蔵
▶︎きんくら酒場 金の蔵五十種菜品自助+酒類放題,超抵食!
【Pablo mini 半熟芝士撻】
圖片來源|KKday相信大家都有聽過Pablo,而喺秋葉原都有Pablo分店,一行出車站就會見聞到勁香嘅Pablo mini芝士撻專賣店, 迷你版芝士撻得意得嚟又唔會太Heavy,除咗基本嘅芝士、朱古力、抹茶同士多啤梨呢啲口味之外亦都時不時會推出季節限定口味,大家行過都可以去望下~
▶︎地址:東京都千代田区外神田1-15-8(座標:35.698073, 139.772144)
▶︎交通:「秋葉原」站行2分鐘
▶︎營業時間:11:00~21:00
▶︎官網:Pablo
動漫聯名
作為ACG聖地,秋葉原嘅另一個特色就絕對係各種合作商舖!好多舖頭或者食店都會喺秋葉原有特別分店,呢個亦都成為咗喺秋葉原探險嘅樂趣之一~
【くりこ庵】
圖片來源|KKday喺秋葉原野生捕獲鯉魚王!くりこ庵秋葉原店嘅鯉魚王限定款,有朱古力同吉士味,造型超可愛,仲有買鯉魚王款先有嘅精靈球圖案紙袋,Pokemon Fans嚟到就唔好錯過!
圖片來源|KKday▶︎地址:東京都千代田区外神田1-15-1半田ビル1F(座標:35.697771, 139.771458)
▶︎交通:「秋葉原」站行3分鐘
▶︎營業時間:10:00~21:00
▶︎官網:くりこ庵
【勇者鬥惡龍Lawson】
圖片來源|KKday呢間應該係史上最萌嘅便利店!呢間Lawson成間店都係滿滿嘅~事緣2015年適逢勇者鬥惡龍30週年,喺秋葉原嘅呢間Lawson就改裝咗做勇者鬥惡龍主題,唔單止店入面裝飾晒勇者鬥惡龍角色,仲有賣相關周邊!Game迷經過就記得嚟朝下聖!
圖片來源|KKday圖片來源|KKday▶︎地址:東京都千代田区外神田3‐1‐10(座標:35.700234, 139.770344)
▶︎交通:「秋葉原」站徒步行4分鐘
▶︎官網:Lawson
喺秋葉原真係分分秋秒都會令你大開眼界,快啲去秋葉原朝聖啦!
諗住去東京玩?你可能會需要:
▶︎上網打卡必備,香港 24 小時取機/4G 高速日本 WiFi 蛋
▶︎
東京地鐵無限坐 24 / 48 / 72 小時自由選擇
去東京不妨睇埋:
▶︎【走進宮崎駿世界】三鷹の森吉卜力美術館全攻略
▶︎【日本東京台場】大江戶溫泉物語懶人包介紹
▲認識KKday▲
想挑選心水行程又怕浪費時間比較?KKday 作為亞洲最大旅遊體驗平台,網絡橫跨全球 54 個國家、174 個城市,為您搜羅超過 6,000 種特色行程體驗。只需安坐家中,就能訂購世界各地具品質保證、價格實惠的旅遊產品,助你輕鬆自主行程,創造獨一無二的旅遊體驗。
▲前往 KKday 網站,訂購心水行程!”
▲訂閱 KKday電子報,獲取更多旅遊優惠!
關注KKday社交平台動向:
Facebook ▲Instagram ▲YouTube ▲旅友討論區

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→